Ez 23

Full text search

Ez 23
Ez 23.1
וַיְהִי דְבַר־יְהוָה אֵלַי לֵאמֹר׃
Ez 23.2
בֶּנ־אָדָם שְׁתַּיִם נָשִׁים בְּנֺות
אֵמ־אַחַת הָיוּ׃
Ez 23.3
וַתִּזְנֶינָה בְמִצְרַיִם בִּנְעוּרֵיהֶן
זָנוּ שָׁמָּה מֹעֲכוּ שְׁדֵיהֶן וְשָׁם
עִשּׂוּ דַּדֵּי בְּתוּלֵיהֶן׃
Ez 23.4
וּשְׁמוֺתָן אָהֳלָה הַגְּדוֺלָה וְאָהֳלִיבָה
אֲחוֺתָהּ וַתִּהְיֶינָה לִי וַתֵּלַדְנָה
בָּנִים וּבָנֺות וּשְׁמוֺתָן שֹׁמְרוֺן
אָהֳלָה וִירוּשָׁלִַם אָהֳלִיבָה׃
Ez 23.5
וַתִּזֶן אָהֳלָה תַּחְתָּי וַתַּעְגַּב
עַל־מְאַהֲבֶיהָ אֶל־אַשּׁוּר קְרוֺבִים׃
Ez 23.6
לְבֻשֵׁי תְכֵלֶת פַּחוֺת וּסְגָנִים
בַּחוּרֵי חֶמֶד כֻּלָּם פָּרָשִׁים
רֹכְבֵי סוּסִים׃
Ez 23.7
וַתִּתֵּן תַּזְנוּתֶיהָ עֲלֵיהֶם מִבְחַר
בְּנֵי־אַשּׁוּר כֻּלָּם וּבְכֹל אֲשֶׁר־עָגְבָה
בְּכָל־גִּלּוּלֵיהֶם נִטְמָאָה׃
Ez 23.8
וְאֶת־תַּזְנוּתֶיהָ מִמִּצְרַיִם לֹא
עָזָבָה כִּי אוֺתָהּ שָׁכְבוּ בִנְעוּרֶיהָ
וְהֵמָּה עִשּׂוּ דַּדֵּי בְתוּלֶיהָ וַיִּשְׁפְּכוּ
תַזְנוּתָם עָלֶי׃
Ez 23.9
לָכֵן נְתַתִּיהָ בְּיַד־מְאַהֲבֶיהָ
בְּיַד בְּנֵי אַשּׁוּר אֲשֶׁר עָגְבָה
עֲלֵיהֶם׃
Ez 23.10
הֵמָּה גִּלּוּ עֶרְוָתָהּ בָּנֶיהָ וּבְנֺותֶיהָ
לָקָחוּ וְאוֺתָהּ בַּחֶרֶב הָרָגוּ
וַתְּהִי־שֵׁם לַנָּשִׁים וּשְׁפוּטִים
עָשׂוּ בָהּ׃ ס
Ez 23.11
וַתֵּרֶא אֲחוֺתָהּ אָהֳלִיבָה וַתַּשְׁחֵת
עַגְבָתָהּ מִמֶּנָּה וְאֶת־תַּזְנוּתֶיהָ
מִזְּנוּנֵי אֲחוֺתָהּ׃
Ez 23.12
אֶל־בְּנֵי אַשּׁוּר עָגָבָה פַּחוֺת
וּסְגָנִים קְרֹבִים לְבֻשֵׁי מִכְלוֺל
פָּרָשִׁים רֹכְבֵי סוּסִים בַּחוּרֵי
חֶמֶד כֻּלָּם׃
Ez 23.13
וָאֵרֶא כִּי נִטְמָאָה דֶּרֶך אֶחָד
לִשְׁתֵּיהֶן׃
Ez 23.14
וַתּוֺסֶף אֶל־תַּזְנוּתֶיהָ וַתֵּרֶא
אַנְשֵׁי מְחֻקֶּה עַל־הַקִּיר צַלְמֵי 1 כַשְׂדִּיִּים 2 כַשְׂדִּים
חֲקֻקִים בַּשָּׁשַׁר׃
Ez 23.15
חֲגֺורֵי אֵזֺור בְּמָתְנֵיהֶם סְרוּחֵי
טְבוּלִים בְּרָאשֵׁיהֶם מַרְאֵה שָׁלִשִׁים
כֻּלָּם דְּמוּת בְּנֵי־בָבֶל כַּשְׂדִּים
אֶרֶץ מוֺלַדְתָּם׃
Ez 23.16
וַתַּעְגַּב 2 וַתַּעְגְּבָה עֲלֵיהֶם לְמַרְאֵה
עֵינֶיהָ וַתִּשְׁלַח מַלְאָכִים אֲלֵיהֶם
כַּשְׂדִּימָה׃
Ez 23.17
וַיָּבֹאוּ אֵלֶיהָ בְנֵי־בָבֶל לְמִשְׁכַּב
דֹּדִים וַיְטַמְּאוּ אוֺתָהּ בְּתַזְנוּתָם
וַתִּטְמָא־בָם וַתֵּקַע נַפְשָׁהּ מֵהֶם׃
Ez 23.18
וַתְּגַל תַּזְנוּתֶיהָ וַתְּגַל אֶת־עֶרְוָתָהּ
וַתֵּקַע נַפְשִׁי מֵעָלֶיהָ כַּאֲשֶׁר
נָקְעָה נַפְשִׁי מֵעַל אֲחוֺתָהּ׃
Ez 23.19
וַתַּרְבֶּה אֶת־תַּזְנוּתֶיהָ לִזְכֹּר
אֶת־יְמֵי נְעוּרֶיהָ אֲשֶׁר זָנְתָה
בְּאֶרֶץ מִצְרָיִם׃
Ez 23.20
וַתַּעְגְּבָה עַל פִּלַגְשֵׁיהֶם אֲשֶׁר
בְּשַׂר־חֲמוֺרִים בְּשָׂרָם וְזִרְמַת
סוּסִים זִרְמָתָם׃
Ez 23.21
וַתִּפְקְדִי אֵת זִמַּת נְעוּרָיִך
בַּעְשׂוֺת מִמִּצְרַיִם דַּדַּיִך לְמַעַן
שְׁדֵי נְעוּרָיִך׃ ס
Ez 23.22
לָכֵן אָהֳלִיבָה כֹּה־אָמַר אֲדֹנָי
יְהוִה הִנְנִי מֵעִיר אֶת־מְאַהֲבַיִך
עָלַיִך אֵת אֲשֶׁר־נָקְעָה נַפְשֵׁך
מֵהֶם וַהֲבֵאתִים עָלַיִך מִסָּבִיב׃
Ez 23.23
בְּנֵי בָבֶל וְכָל־כַּשְׂדִּים פְּקוֺד
וְשׁוֺעַ וְקוֺעַ כָּל־בְּנֵי אַשּׁוּר
אוֺתָם בַּחוּרֵי חֶמֶד פַּחוֺת וּסְגָנִים
כֻּלָּם שָׁלִשִׁים וּקְרוּים רֹכְבֵי
סוּסִים כֻּלָּם׃
Ez 23.24
וּבָאוּ עָלַיִך הֹצֶן רֶכֶב וְגַלְגַּל
וּבִקְהַל עַמִּים צִנָּה וּמָגֵן וְקוֺבַע
יָשִׂימוּ עָלַיִך סָבִיב וְנָתַתִּי
לִפְנֵיהֶם מִשְׁפָּט וּשְׁפָטוּך בְּמִשְׁפְּטֵיהֶם׃
Ez 23.25
וְנָתַתִּי קִנְאָתִי בָּך וְעָשׂוּ
אוֺתָך בְּחֵמָה אַפֵּך וְאָזְנַיִך
יָסִירוּ וְאַחֲרִיתֵך בַּחֶרֶב תִּפּוֺל
הֵמָּה בָּנַיִך וּבְנֺותַיִך יִקָּחוּ
וְאַחֲרִיתֵך תֵּאָכֵל בָּאֵשׁ׃
Ez 23.26
וְהִפְשִׁיטוּך אֶת־בְּגָדָיִך וְלָקְחוּ
כְּלֵי תִפְאַרְתֵּך׃
Ez 23.27
וְהִשְׁבַּתִּי זִמָּתֵך מִמֵּך וְאֶת־זְנוּתֵך
מֵאֶרֶץ מִצְרָיִם וְלֹא־תִשְׂאִי
עֵינַיִך אֲלֵיהֶם וּמִצְרַיִם לֹא
תִזְכְּרִי־עוֺד׃ ס
Ez 23.28
כִּי כֹה אָמַר אֲדֹנָי יְהוִה הִנְנִי
נֺתְנָך בְּיַד אֲשֶׁר שָׂנֵאת בְּיַד
אֲשֶׁר־נָקְעָה נַפְשֵׁך מֵהֶם׃
Ez 23.29
וְעָשׂוּ אוֺתָך בְּשִׂנְאָה וְלָקְחוּ
כָּל־יְגִיעֵך וַעֲזָבוּך עֵירֹם
וְעֶרְיָה וְנִגְלָה עֶרְוַת זְנוּנַיִך
וְזִמָּתֵך וְתַזְנוּתָיִך׃
Ez 23.30
עָשֹׂה אֵלֶּה לָך בִּזְנֺותֵך אַחֲרֵי
גֺויִם עַל אֲשֶׁר־נִטְמֵאת בְּגִלּוּלֵיהֶם׃
Ez 23.31
בְּדֶרֶך אֲחוֺתֵך הָלָכְתְּ וְנָתַתִּי
כוֺסָהּ בְּיָדֵך׃ ס
Ez 23.32
כֹּה אָמַר אֲדֹנָי יְהֹוִה כּוֺס
אֲחוֺתֵך תִּשְׁתִּי הָעֲמֻקָּה וְהָרְחָבָה
תִּהְיֶה לִצְחֹק וּלְלַעַג מִרְבָּה
לְהָכִיל׃
Ez 23.33
שִׁכָּרוֺן וְיָגֺון תִּמָּלֵאִי כּוֺס
שַׁמָּה וּשְׁמָמָה כּוֺס אֲחוֺתֵך שֹׁמְרוֺן׃
Ez 23.34
וְשָׁתִית אוֺתָהּ וּמָצִית וְאֶת־חֲרָשֶׂיהָ
תְּגָרֵמִי וְשָׁדַיִך תְּנַתֵּקִי כִּי
אֲנִי דִבַּרְתִּי נְאֻם אֲדֹנָי יְהוִה׃
ס
Ez 23.35
לָכֵן כֹּה אָמַר אֲדֹנָי יְהוִה
יַעַן שָׁכַחַתְּ אוֺתִי וַתַּשְׁלִיכִי
אוֺתִי אַחֲרֵי גַוֵּך וְגַמ־אַתְּ
שְׂאִי זִמָּתֵך וְאֶת־תַּזְנוּתָיִך׃
ס
Ez 23.36
וַיֺּאמֶר יְהוָה אֵלַי בֶּנ־אָדָם
הֲתִשְׁפּוֺט אֶת־אָהֳלָה וְאֶת־אָהֳלִיבָה
וְהַגֵּד לָהֶן אֵת תוֺעֲבוֺתֵיהֶן׃
Ez 23.37
כִּי נִאֵפוּ וְדָם בִּידֵיהֶן וְאֶת־גִּלּוּלֵיהֶן
נִאֵפוּ וְגַם אֶת־בְּנֵיהֶן אֲשֶׁר
יָלְדוּ־לִי הֶעֱבִירוּ לָהֶם לְאָכְלָה׃
Ez 23.38
עוֺד זֺאת עָשׂוּ לִי טִמְּאוּ
אֶת־מִקְדָּשִׁי בַּיֺּום הַהוּא וְאֶת־שַׁבְּתוֺתַי
חִלֵּלוּ׃
Ez 23.39
וּבְשַׁחֲטָם אֶת־בְּנֵיהֶם לְגִלּוּלֵיהֶם
וַיָּבֹאוּ אֶל־מִקְדָּשִׁי בַּיֺּום הַהוּא
לְחַלְּלוֺ וְהִנֵּה־כֹה עָשׂוּ בְּתוֺך
בֵּיתִי׃
Ez 23.40
וְאַף כִּי תִשְׁלַחְנָה לַאֲנָשִׁים
בָּאִים מִמֶּרְחָק אֲשֶׁר מַלְאָך
שָׁלוּחַ אֲלֵיהֶם וְהִנֵּה־בָאוּ לַאֲשֶׁר
רָחַצְתְּ כָּחַלְתְּ עֵינַיִך וְעָדִית
עֶדִי׃
Ez 23.41
וְיָשַׁבְתְּ עַל־מִטָּה כְבוּדָּה וְשֻׁלְחָן
עָרוּך לְפָנֶיהָ וּקְטָרְתִּי וְשַׁמְנִי
שַׂמְתְּ עָלֶיהָ׃
Ez 23.42
וְקוֺל הָמוֺן שָׁלֵו בָהּ וְאֶל־אֲנָשִׁים
מֵרֹב אָדָם מוּבָאִים 1 סוֺבָאִים 2 סָבָאִים
מִמִּדְבָּר וַיִּתְּנוּ צְמִידִים אֶל־יְדֵיהֶן
וַעֲטֶרֶת תִּאֶרֶת עַל־רָאשֵׁיהֶן׃
Ez 23.43
וָאֹמַר לַבָּלָה נִאוּפִים 1 עַתָּ 2 עַתָּה 1 יִזְנֻה 2 יִזְנוּ
תַזְנוּתֶהָ וָהִיא׃
Ez 23.44
וַיָּבוֺא אֵלֶיהָ כְּבוֺא אֶל־אִשָּׁה
זֺונָה כֵּן בָּאוּ אֶל־אָהֳלָה
וְאֶל־אָהֳלִיבָה אִשֹּׁת הַזִּמָּה׃
Ez 23.45
וַאֲנָשִׁים צַדִּיקִם הֵמָּה יִשְׁפְּטוּ
אוֺתְהֶם מִשְׁפַּט נֺאֲפוֺת וּמִשְׁפַּט
שֹׁפְכוֺת דָּם כִּי נֺאֲפֹת הֵנָּה
וְדָם בִּידֵיהֶן׃ ס
Ez 23.46
כִּי כֹּה אָמַר אֲדֹנָי יְהוִה הַעֲלֵה
עֲלֵיהֶם קָהָל וְנָתֹן אֶתְהֶן
לְזַעֲוָה וְלָבַז׃
Ez 23.47
וְרָגְמוּ עֲלֵיהֶן אֶבֶן קָהָל וּבָרֵא
אוֺתְהֶן בְּחַרְבוֺתָם בְּנֵיהֶם
וּבְנֺותֵיהֶם יַהֲרֹגוּ וּבָתֵּיהֶן
בָּאֵשׁ יִשְׂרֹפוּ׃
Ez 23.48
וְהִשְׁבַּתִּי זִמָּה מִנ־הָאָרֶץ וְנִוַּסְּרוּ
כָּל־הַנָּשִׁים וְלֹא תַעֲשֶׂינָה כְּזִמַּתְכֶנָה׃
Ez 23.49
וְנָתְנוּ זִמַּתְכֶנָה עֲלֵיכֶן וַחֲטָאֵי
גִלּוּלֵיכֶן תִּשֶּׂאינָה וִידַעְתֶּם
כִּי אֲנִי אֲדֹנָי יְהוִה׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT