Ez 25

Full text search

Ez 25
Ez 25.1
וַיְהִי דְבַר־יְהוָה אֵלַי לֵאמֹר׃
Ez 25.2
בֶּנ־אָדָם שִׂים פָּנֶיךָ אֶל־בְּנֵי
עַמּוֺן וְהִנָּבֵא עֲלֵיהֶם׃
Ez 25.3
וְאָמַרְתָּ לִבְנֵי עַמּוֺן שִׁמְעוּ
דְּבַר־אֲדֹנָי יְהוִה כֹּה־אָמַר
אֲדֹנָי יְהוִה יַעַן אָמְרֵך הֶאָח
אֶל־מִקְדָּשִׁי כִי־נִחָל וְאֶל־אַדְת
יִשְׂרָאֵל כִּי נָשַׁמָּה וְאֶל־בֵּית
יְהוּדָה כִּי הָלְכוּ בַּגֺּולָה׃
Ez 25.4
לָכֵן הִנְנִי נֺתְנָך לִבְנֵי־קֶדֶם
לְמוֺרָשָׁה וְיִשְּׁבוּ טִירוֺתֵיהֶם
בָּך וְנָתְנוּ בָך מִשְׁכְּנֵיהֶם
הֵמָּה יֺאכְלוּ פִרְיֵך וְהֵמָּה יִתּוּ
חֲלָבֵך׃
Ez 25.5
וְנָתַתִּי אֶת־רַבָּה לִנְוֵה גְמַלִּים
וְאֶת־בְּנֵי עַמּוֺן לְמִרְבַּצ־צֹאן
וִידַעְתֶּם כִּי־אֲנִי יְהוָה׃
ס
Ez 25.6
כִּי כֹה אָמַר אֲדֹנָי יְהוִה יַעַן
מַחְאֲךָ יָד וְרַקְעֲךָ בְּרָגֶל וַתִּשְׂמַח
בְּכָל־שָׁאטְךָ בְּנֶפֶשׁ אֶל־אַדְמַת
יִשְׂרָאֵל׃
Ez 25.7
לָכֵן הִנְנִי נָטִיתִי אֶת־יָדִי
עָלֶיךָ וּנְתַתִּיכָ־לְבַג 2 לְבַז לַגֺּויִם
וְהִכְרַתִּיךָ מִנ־הָעַמִּים וְהַאֲבַדְתִּיךָ
מִנ־הָאֲרָצוֺת אַשְׁידְךָ וְיָדַעְתָּ
כִּי־אֲנִי יְהוָה׃ ס
Ez 25.8
כֹּה אָמַר אֲדֹנָי יְהוִה יַעַן
אֲמֹר מוֺאָב וְשֵׂעִיר הִנֵּה כְּכָל־הַגֺּויִם
בֵּית יְהוּדָה׃
Ez 25.9
לָכֵן הִנְנִי פֹתֵחַ אֶת־כֶּתֶף מוֺאָב
מֵהֶעָרִים מֵעָרָיו מִקָּצֵהוּ צְבִי
אֶרֶץ בֵּית הַיְשִׁימֹת בַּעַל מְעוֺן 1 וְקִרְיָתְמָה 2 וְקִרְיָתָיְםָ׃
Ez 25.10
לִבְנֵי־קֶדֶם עַל־בְּנֵי עַמּוֺן
וּנְתַתִּיהָ לְמוֺרָשָׁה לְמַעַן לֹא־תִזָּכֵר
בְּנֵי־עַמּוֺן בַּגֺּויִם׃
Ez 25.11
וּבְמוֺאָב אֶעֱשֶׂה שְׁפָטִים וְיָדְעוּ
כִּי־אֲנִי יְהוָה׃ ס
Ez 25.12
כֹּה אָמַר אֲדֹנָי יְהוִה יַעַן
עֲשׂוֺת אֱדוֺם בִּנְקֹם נָקָם לְבֵית
יְהוּדָה וַיֶּאְשְׁמוּ אָשׁוֺם וְנִקְּמוּ
בָהֶם׃
Ez 25.13
לָכֵן כֹּה אָמַר אֲדֹנָי יְהוִה
וְנָטִתִי יָדִי עַל־אֱדוֺם וְהִכְרַתִּי
מִמֶּנָּה אָדָם וּבְהֵמָה וּנְתַתִּיהָ
חָרְבָּה מִתֵּימָן וּדְדָנֶה בַּחֶרֶב
יִפֹּלוּ׃
Ez 25.14
וְנָתַתִּי אֶת־נִקְמָתִי בֶּאֱדוֺם
בְּיַד עַמִּי יִשְׂרָאֵל וְעָשׂוּ בֶאֱדוֺם
כְּאַפִּי וְכַחֲמָתִי וְיָדְעוּ אֶת־נִקְמָתִי
נְאֻם אֲדֹנָי יְהוִ׃ ף
Ez 25.15
כֹּה אָמַר אֲדֹנָי יְהוִה יַעַן
עֲשׂוֺת פְּלִשְׁתִּים בִּנְקָמָה וַיִּנָּקְמוּ
נָקָם בִּשְׁאָט בְּנֶפֶשׁ לְמַשְׁחִית
אֵיבַת עוֺלָם׃
Ez 25.16
לָכֵן כֹּה אָמַר אֲדֹנָי יְהוִה
הִנְנִי נֺוטֶה יָדִי עַל־פְּלִשְׁתִּים
וְהִכְרַתִּי אֶת־כְּרֵתִים וְהַאֲבַדְתִּי
אֶת־שְׁאֵרִית חוֺף הַיָּם׃
Ez 25.17
וְעָשִׂיתִי בָם נְקָמוֺת גְּדֹלוֺת
בְּתוֺכְחוֺת חֵמָה וְיָדְעוּ כִּי־אֲנִי
יְהוָה בְּתִתִּי אֶת־נִקְמָתִי בָּם׃
ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT