Ez 48

Full text search

Ez 48
Ez 48.1
וְאֵלֶּה שְׁמוֺת הַשְּׁבָטִים מִקְצֵה
צָפוֺנָה אֶל־יַד דֶּרֶכְ־חֶתְלֹן
לְבוֺא־חֲמָת חֲצַר עֵינָן גְּבוּל
דַּמֶּשֶׂק צָפוֺנָה אֶל־יַד חֲמָת
וְהָיוּ־לוֺ פְאַת־קָדִים הַיָּם
דָּן אֶחָד׃
Ez 48.2
וְעַל גְּבוּל דָּן מִפְּאַת קָדִים
עַד־פְּאַת־יָמָּה אָשֵׁר אֶחָד׃
Ez 48.3
וְעַל גְּבוּל אָשֵׁר מִפְּאַת קָדִימָה
וְעַד־פְּאַת־יָמָּה נַפְתָּלִי אֶחָד׃
Ez 48.4
וְעַל גְּבוּל נַפְתָּלִי מִפְּאַת
קָדִמָה עַד־פְּאַת־יָמָּה מְנַשֶּׁה
אֶחָד׃
Ez 48.5
וְעַל גְּבוּל מְנַשֶּׁה מִפְּאַת קָדִמָה
עַד־פְּאַת־יָמָּה אֶפְרַיִם אֶחָד׃
Ez 48.6
וְעַל גְּבוּל אֶפְרַיִם מִפְּאַת
קָדִים וְעַד־פְּאַת־יָמָּה רְאוּבֵן
אֶחָד׃
Ez 48.7
וְעַל גְּבוּל רְאוּבֵן מִפְּאַת קָדִים
עַד־פְּאַת־יָמָּה יְהוּדָה אֶחָד׃
Ez 48.8
וְעַל גְּבוּל יְהוּדָה מִפְּאַת
קָדִים עַד־פְּאַת־יָמָּה תִּהְיֶה
הַתְּרוּמָה אֲשֶׁר־תָּרִימוּ חֲמִשָּׁה
וְעֶשְׂרִים אֶלֶף רֹחַב וְאֹרֶך
כְּאַחַדהַחֲלָקִים מִפְּאַת קָדִימָה
עַד־פְּאַת־יָמָּה וְהָיָה הַמִּקְדָּשׁ
בְּתוֺכוֺ׃
Ez 48.9
הַתְּרוּמָה אֲשֶׁר תָּרִימוּ לַיהוָה
אֹרֶך חֲמִשָּׁה וְעֶשְׂרִים אֶלֶף
וְרֹחַב עֲשֶׂרֶת אֲלָפִים׃
Ez 48.10
וּלְאֵלֶּה תִּהְיֶה תְרוּמַת־הַקֹּדֶשׁ
לַכֹּהֲנִים צָפוֺנָה חֲמִשָּׁה וְעֶשְׂרִים
אֶלֶף וְיָמָּה רֹחַב עֲשֶׂרֶת אֲלָפִים
וְקָדִימָה רֹחַב עֲשֶׂרֶת אֲלָפִים
וְנֶגְבָּה אֹרֶך חֲמִשָּׁה וְעֶשְׂרִים
אָלֶף וְהָיָה מִקְדַּשׁ־יְהוָה בְּתוֺכוֺ׃
Ez 48.11
לַכֹּהֲנִים הַמְקֻדָּשׁ מִבְּנֵי צָדוֺק
אֲשֶׁר שָׁמְרוּ מִשְׁמַרְתִּי אֲשֶׁר לֹא־תָעוּ
בִּתְעוֺת בְּנֵי יִשְׂרָאֵל כַּאֲשֶׁר
תָּעוּ הַלְוִיִּם׃ ס
Ez 48.12
וְהָיְתָה לָהֶם תְּרוּמִיָּה מִתְּרוּמַת
הָאָרֶץ קֹדֶשׁ קָדָשִׁים אֶל־גְּבוּל
הַלְוִיִּם׃
Ez 48.13
וְהַלְוִיִּם לְעֻמַּת גְּבוּל הַכֹּהֲנִים
חֲמִשָּׁה וְעֶשְׂרִים אֶלֶף אֹרֶך
וְרֹחַב עֲשֶׂרֶת אֲלָפִים כָּל־אֹרֶך
חֲמִשָּׁה וְעֶשְׂרִים אֶלֶף וְרֹחַב
עֲשֶׂרֶת אֲלָפִים׃
Ez 48.14
וְלֹא־יִמְכְּרוּ מִמֶּנּוּ וְלֹא יָמֵר
וְלֹא 1 יַעֲבוּר 2 יַעֲבִיר רֵאשִׁית
הָאָרֶץ כִּי־קֹדֶשׁ לַיהוָה׃
Ez 48.15
וַחֲמֵשֶׁת אֲלָפִים הַנֺּותָר בָּרֹחַב
עַל־פְּנֵי חֲמִשָּׁה וְעֶשְׂרִים אֶלֶף
חֹל־הוּא לָעִיר לְמוֺשָׁב וּלְמִגְרָשׁ
וְהָיְתָה הָעִיר 1 בְּתוֺכֹה 2 תוֺכוֺ׃
Ez 48.16
וְאֵלֶּה מִדּוֺתֶיהָ פְּאַת צָפוֺן
חֲמֵשׁ מֵאוֺת וְאַרְבַּעַת אֲלָפִים
וּפְאַת־נֶגֶב חֲמֵשׁ 1 חֲמֵשׁ 2 זז מֵאוֺת
וְאַרְבַּעַת אֲלָפִים וּמִפְּאַת קָדִים
חֲמֵשׁ מֵאוֺת וְאַרְבַּעַת אֲלָפִים
וּפְאַת־יָמָּה חֲמֵשׁ מֵאוֺת וְאַרְבַּעַת
אֲלָפִים׃
Ez 48.17
וְהָיָה מִגְרָשׁ לָעִיר צָפוֺנָה
חֲמִשִּׁים וּמָאתַיִם וְנֶגְבָּה חֲמִשִּׁים
וּמָאתָיִם וְקָדִימָה חֲמִשִּׁים וּמָאתַיִם
וְיָמָּה חֲמִשִּׁים וּמָאתָיִם׃
Ez 48.18
וְהַנֺּותָר בָּאֹרֶך לְעֻמַּת תְּרוּמַת
הַקֹּדֶשׁ עֲשֶׂרֶת אֲלָפִים קָדִימָה
וַעֲשֶׂרֶת אֲלָפִים יָמָּה וְהָיָה
לְעֻמַּת תְּרוּמַת הַקֹּדֶשׁ וְהָיְתָה 1 תְבוּאָתֹה 2 תְבוּאָתוֺ
לְלֶחֶם לְעֹבְדֵי הָעִיר׃
Ez 48.19
וְהָעֹבֵד הָעִיר יַעַבְדוּהוּ מִכֹּל
שִׁבְטֵי יִשְׂרָאֵל׃
Ez 48.20
כָּל־הַתְּרוּמָה חֲמִשָּׁה וְעֶשְׂרִים
אֶלֶף בַּחֲמִשָּׁה וְעֶשְׂרִים אָלֶף
רְבִיעִית תָּרִימוּ אֶת־תְּרוּמַת
הַקֹּדֶשׁ אֶל־אֲחֻזַּת הָעִיר׃
Ez 48.21
וְהַנֺּותָר לַנָּשִׂיא מִזֶּה וּמִזֶּה
לִתְרוּמַת־הַקֹּדֶשׁ וְלַאֲחֻזַּת הָעִיר
אֶל־פְּנֵי חֲמִשָּׁה וְעֶשְׂרִים אֶלֶף
תְּרוּמָה עַד־גְּבוּל קָדִימָה וְיָמָּה
עַל־פְּנֵי חֲמִשָּׁה וְעֶשְׂרִים אֶלֶף
עַל־גְּבוּל יָמָּה לְעֻמַּת חֲלָקִים
לַנָּשִׂיא וְהָיְתָה תְּרוּמַת הַקֹּדֶשׁ
וּמִקְדַּשׁ הַבַּיִת 1 בְּתוֺכֹה 2 בְּתוֺכוֺ׃
Ez 48.22
וּמֵאֲחֻזַּת הַלְוִיִּם וּמֵאֲחֻזַּת הָעִיר
בְּתוֺך אֲשֶׁר לַנָּשִׂיא יִהְיֶה בֵּין
גְּבוּל יְהוּדָה וּבֵין גְּבוּל
בִּנְיָמִן לַנָּשִׂיא יִהְיֶה׃
Ez 48.23
וְיֶתֶר הַשְּׁבָטִים מִפְּאַת קָדִימָה
עַד־פְּאַת־יָמָּה בִּנְיָמִן אֶחָד׃
Ez 48.24
וְעַל גְּבוּל בִּנְיָמִן מִפְּאַת קָדִימָה
עַד־פְּאַת־יָמָּה שִׁמְעוֺן אֶחָד׃
Ez 48.25
וְעַל גְּבוּל שִׁמְעוֺן מִפְּאַת קָדִימָה
עַד־פְּאַת־יָמָּה יִשָׂשכָר אֶחָד׃
Ez 48.26
וְעַל גְּבוּל יִשָׂשכָר מִפְּאַת קָדִימָה
עַד־פְּאַת־יָמָּה זְבוּלֻן אֶחָד׃
Ez 48.27
וְעַל גְּבוּל זְבוּלֻן מִפְּאַת קָדִמָה
עַד־פְּאַת־יָמָּה גָּד אֶחָד׃
Ez 48.28
וְעַל גְּבוּל גָּד אֶל־פְּאַת נֶגֶב
תֵּימָנָה וְהָיָה גְבוּל מִתָּמָר
מֵי מְרִיבַת קָדֵשׁ נַחֲלָה עַל־הַיָּם
הַגָּדוֺל׃
Ez 48.29
זֺאת הָאָרֶץ אֲשֶׁר־תַּפִּילוּ מִנַּחֲלָה
לְשִׁבְטֵי יִשְׂרָאֵל וְאֵלֶּה מַחְלְקוֺתָם
נְאֻם אֲדֹנָי יְהוִה׃ ף
Ez 48.30
וְאֵלֶּה תּוֺצְאֹת הָעִיר מִפְּאַת
צָפוֺן חֲמֵשׁ מֵאוֺת וְאַרְבַּעַת
אֲלָפִים מִדָּה׃
Ez 48.31
וְשַׁעֲרֵי הָעִיר עַל־שְׁמוֺת שִׁבְטֵי
יִשְׂרָאֵל שְׁעָרִים שְׁלוֺשָׁה צָפוֺנָה
שַׁעַר רְאוּבֵן אֶחָד שַׁעַר יְהוּדָה
אֶחָד שַׁעַר לֵוִי אֶחָד׃
Ez 48.32
וְאֶל־פְּאַת קָדִימָה חֲמֵשׁ מֵאוֺת
וְאַרְבַּעַת אֲלָפִים וּשְׁעָרִים שְׁלֹשָׁה
וְשַׁעַר יֺוסֵף אֶחָד שַׁעַר בִּנְיָמִן
אֶחָד שַׁעַר דָּן אֶחָד׃
Ez 48.33
וּפְאַת־נֶגְבָּה חֲמֵשׁ מֵאוֺת וְאַרְבַּעַת
אֲלָפִים מִדָּה וּשְׁעָרִים שְׁלֹשָׁה
שַׁעַר שִׁמְעוֺן אֶחָד שַׁעַר יִשָּׂשכָר
אֶחָד שַׁעַר זְבוּלֻן אֶחָד
Ez 48.34
פְּאַת־יָמָּה חֲמֵשׁ מֵאוֺת וְאַרְבַּעַת
אֲלָפִים שַׁעֲרֵיהֶם שְׁלֹשָׁה שַׁעַר
גָּד אֶחָד שַׁעַר אָשֵׁר אֶחָד שַׁעַר
נַפְתָּלִי אֶחָד׃
Ez 48.35
סָבִיב שְׁמֹנָה עָשָׂר אָלֶף וְשֵׁמ־הָעִיר
מִיֺּום יְהוָה שָׁמָּה׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT