Ez 47

Full text search

Ez 47
Ez 47.1
וַיְשִׁבֵנִי אֶל־פֶּתַח הַבַּיִת וְהִנֵּה־מַיִם
יֺצְאִים מִתַּחַת מִפְתַּן הַבַּיִת
קָדִימָה כִּי־פְנֵי הַבַּיִת קָדִים
וְהַמַּיִם יֺרְדִים מִתַּחַת מִכֶּתֶף
הַבַּיִת הַיְמָנִית מִנֶּגֶב לַמִּזְבֵּחַ׃
Ez 47.2
וַיֺּוצִאֵנִי דֶּרֶכְ־שַׁעַר צָפוֺנָה
וַיְסִבֵּנִי דֶּרֶך חוּץ אֶל־שַׁעַר
הַחוּץ דֶּרֶך הַפּוֺנֶה קָדִים וְהִנֵּה־מַיִם
מְפַכִּים מִנ־הַכָּתֵף הַיְמָנִית׃
Ez 47.3
בְּצֵאת־הָאִישׁ קָדִים וְקָו בְּיָדוֺ
וַיָּמָד אֶלֶף בָּאַמָּה וַיַּעֲבִרֵנִי
בַמַּיִם מֵי אָפְסָיִם׃
Ez 47.4
וַיָּמָד אֶלֶף וַיַּעֲבִרֵנִי בַמַּיִם
מַיִם בִּרְכָּיִם וַיָּמָד אֶלֶף וַיַּעֲבִרֵנִי
מֵי מָתְנָיִם׃
Ez 47.5
וַיָּמָד אֶלֶף נַחַל אֲשֶׁר לֹא־אוּכַל
לַעֲבֹר כִּי־גָאוּ הַמַּיִם מֵי שָׂחוּ
נַחַל אֲשֶׁר לֹא־יֵעָבֵר׃
Ez 47.6
וַיֺּאמֶר אֵלַי הֲרָאִיתָ בֶנ־אָדָם
וַיֺּולִכֵנִי וַיְשִׁבֵנִי שְׂפַת הַנָּחַל׃
Ez 47.7
בְּשׁוּבֵנִי וְהִנֵּה אֶל־שְׂפַת הַנַּחַל
עֵץ רַב מְאֹד מִזֶּה וּמִזֶּה׃
Ez 47.8
וַיֺּאמֶר אֵלַי הַמַּיִם הָאֵלֶּה
יֺוצְאִים אֶל־הַגְּלִילָה הַקַּדְמוֺנָה
וְיָרְדוּ עַל־הָעֲרָבָה וּבָאוּ
הַיָּמָּה אֶל־הַיָּמָּה הַמּוּצָאִים 1 וְנִרְפְּאוּ 2 וְנִרְפּוּ
הַמָּיִם׃
Ez 47.9
וְהָיָה כָל־נֶפֶשׁ חַיָּה אֲשֶׁר־יִשְׁרֹץ
אֶל כָּל־אֲשֶׁר יָבוֺא שָׁם נַחֲלַיִם
יִחְיֶה וְהָיָה הַדָּגָה רַבָּה מְאֹד
כִּי בָאוּ שָׁמָּה מַּיִם הָאֵלֶּה וְיֵרָפְאוּ
וָחָי כֹּל אֲשֶׁר־יָבוֺא שָׁמָּה
הַנָּחַל׃
Ez 47.10
וְהָיָה 1 יַעַמְדוּ 2 עָמְדוּ עָלָיו
דַּוָּגִים מֵעֵין גֶּדִי וְעַד־עֵין
עֶגְלַיִם מִשְׁטוֺחַ לַחֲרָמִים יִהְיוּ
לְמִינָה תִּהְיֶה דְגָתָם כִּדְת הַיָּם
הַגָּדוֺל רַבָּה מְאֹד׃
Ez 47.11
בִּצֹּאתוֺ 2 בִּצֹּאתָיו וּגְבָאָיו
וְלֹא יֵרָפְאוּ לְמֶלַח נִתָּנוּ׃
Ez 47.12
וְעַל־הַנַּחַל יַעֲלֶה עַל־שְׂפָתוֺ
מִזֶּה וּמִזֶּה כָּל־עֵצ־מַאֲכָל לֹא־יִבּוֺל
עָלֵהוּ וְלֹא־יִתֹּם פִּרְיֺו לָחֳדָשָׁיו
יְבַכֵּר כִּי מֵימָיו מִנ־הַמִּקְדָּשׁ
הֵמָּה יֺוצְאִים 1 וְהָיוּ 2 וְהָיָה
פִרְיֺו לְמַאֲכָל וְעָלֵהוּ לִתְרוּפָה׃
ס
Ez 47.13
כֹּה אָמַר אֲדֹנָי יְהוִה גֵּה גְבוּל
אֲשֶׁר תִּתְנַחֲלוּ אֶת־הָאָרֶץ לִשְׁנֵי
עָשָׂר שִׁבְטֵי יִשְׂרָאֵל יֺוסֵף חֲבָלִים׃
Ez 47.14
וּנְחַלְתֶּם אוֺתָהּ אִישׁ כְּאָחִיו
אֲשֶׁר נָשָׂאתִי אֶת־יָדִי לְתִתָּהּ
לַאֲבֹתֵיכֶם וְנָפְלָה הָאָרֶץ הַזֺּאת
לָכֶם בְּנַחֲלָה׃
Ez 47.15
וְזֶה גְּבוּל הָאָרֶץ לִפְאַת צָפוֺנָה
מִנ־הַיָּם הַגָּדוֺל הַדֶּרֶך חֶתְלֹן
לְבוֺא צְדָדָה׃
Ez 47.16
חֲמָת בֵּרוֺתָה סִבְרַיִם אֲשֶׁר בֵּינ־גְּבוּל
דַּמֶּשֶׂק וּבֵין גְּבוּל חֲמָת חָצֵר
הַתִּיכוֺן אֲשֶׁר אֶל־גְּבוּל חַוְרָן׃
Ez 47.17
וְהָיָה גְבוּל מִנ־הַיָּם חֲצַר
עֵינֺון גְּבוּל דַּמֶּשֶׂק וְצָפוֺן
צָפוֺנָה וּגְבוּל חֲמָת וְאֵת
פְּאַת צָפוֺן׃
Ez 47.18
וּפְאַת קָדִים מִבֵּין חַוְרָן וּמִבֵּינ־דַּמֶּשֶׂק
וּמִבֵּין הַגִּלְעָד וּמִבֵּין אֶרֶץ
יִשְׂרָאֵל הַיַּרְדֵּן מִגְּבוּל עַל־הַיָּם
הַקַּדְמוֺנִי תָּמֹדּוּ וְאֵת פְּאַת
קָדִימָה׃
Ez 47.19
וּפְאַת נֶגֶב תֵּימָנָה מִתָּמָר עַד־מֵי
מְרִיבוֺת קָדֵשׁ נַחֲלָה אֶל־הַיָּם
הַגָּדוֺל וְאֵת פְּאַת־תֵּימָנָה נֶגְבָּה׃
Ez 47.20
וּפְאַת־יָם הַיָּם הַגָּדוֺל מִגְּבוּל
עַד־נֺכַח לְבוֺא חֲמָת זֺאת פְּאַת־יָם׃
Ez 47.21
וְחִלַּקְתֶּם אֶת־הָאָרֶץ הַזֺּאת לָכֶם
לְשִׁבְטֵי יִשְׂרָאֵל׃
Ez 47.22
וְהָיָה תַּפִּלוּ אוֺתָהּ בְּנַחֲלָה
לָכֶם וּלְהַגֵּרִים הַגָּרִים בְּתוֺכְכֶם
אֲשֶׁר־הוֺלִדוּ בָנִים בְּתוֺכְכֶם
וְהָיוּ לָכֶם כְּאֶזְרָח בִּבְנֵי יִשְׂרָאֵל
אִתְּכֶם יִפְּלוּ בְנַחֲלָה בְּתוֺך
שִׁבְטֵי יִשְׂרָאֵל׃
Ez 47.23
וְהָיָה בַשֵּׁבֶט אֲשֶׁר־גָּר הַגֵּר
אִתּוֺ שָׁם תִּתְּנוּ נַחֲלָתוֺ נְאֻם
אֲדֹנָי יְהוִה׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT