Ez 35

Full text search

Ez 35
Ez 35.1
וַיְהִי דְבַר־יְהוָה אֵלַי לֵאמֹר׃
Ez 35.2
בֶּנ־אָדָם שִׂים פָּנֶיךָ עַל־הַר
שֵׂעִיר וְהִנָּבֵא עָלָיו׃
Ez 35.3
וְאָמַרְתָּ לּוֺ כֹּה אָמַר אֲדֹנָי
יְהוִה הִנְנִי אֵלֶיךָ הַר־שֵׂעִיר
וְנָטִיתִי יָדִי עָלֶיךָ וּנְתַתִּיךָ
שְׁמָמָה וּמְשַׁמָּה׃
Ez 35.4
עָרֶיךָ חָרְבָּה אָשִׂים וְאַתָּה
שְׁמָמָה תִהְיֶה וְיָדַעְתָּ כִּי־אֲנִי
יְהוָה׃
Ez 35.5
יַעַן הֱיֺות לְךָ אֵיבַת עוֺלָם
וַתַּגֵּר אֶת־בְּנֵי־יִשְׂרָאֵל עַל־יְדֵי־חָרֶב
בְּעֵת אֵידָם בְּעֵת עֲוֺן קֵץ׃
Ez 35.6
לָכֵן חַי־אָנִי נְאֻם אֲדֹנָי יְהוִה
כִּי־לְדָם אֶעֶשְׂךָ וְדָם יִרְדֲּפֶךָ
אִמ־לֹא דָם שָׂנֵאתָ וְדָם יִרְדֲּפֶךָ׃
Ez 35.7
וְנָתַתִּי אֶת־הַר שֵׂעִיר לְשִׁמְמָה
וּשְׁמָמָה וְהִכְרַתִּי מִמֶּנּוּ עֹבֵר
וָשָׁב׃
Ez 35.8
וּמִלֵּאתִי אֶת־הָרָיו חֲלָלָיו
גִּבְעוֺתֶיךָ וְגֵאוֺתֶיךָ וְכָל־אֲפִיקֶיךָ
חַלְלֵי־חֶרֶב יִפְּלוּ בָהֶם׃
Ez 35.9
שִׁמְמוֺת עוֺלָם אֶתֶּנְךָ וְעָרֶיךָ
לֹא 1 תֵישַׁבְנָה 2 תָשֹׁבְנָה וִידַעְתֶּם
כִּי־אֲנִי יְהוָה׃
Ez 35.10
יַעַן אֲמָרְךָ אֶת־שְׁנֵי הַגֺּויִם
וְאֶת־שְׁתֵּי הָאֲרָצוֺת לִי תִהְיֶינָה
וִירַשְׁנוּהָ וַיהוָה שָׁם הָיָה׃
Ez 35.11
לָכֵן חַי־אָנִי נְאֻם אֲדֹנָי יְהוִה
וְעָשִׂיתִי כְּאַפְּךָ וּכְקִנְאָתְךָ
אֲשֶׁר עָשִׂיתָה מִשִּׂנְאָתֶיךָ בָּם
וְנֺודַעְתִּי בָם כַּאֲשֶׁר אֶשְׁטֶךָ׃
Ez 35.12
וְיָדַעְתָּ כִּי־אֲנִי יְהוָה שָׁמַעְתִּי
אֶת־כָּל־נָאָצוֺתֶיךָ אֲשֶׁר אָמַרְתָּ
עַל־הָרֵי יִשְׂרָאֵל לֵאמֹר 1 שָׁמֵמָה 2 שָׁמֵמוּ
לָנוּ נִתְּנוּ לְאָכְלָה׃
Ez 35.13
וַתַּגְדִּילוּ עָלַי בְּפִיכֶם וְהַעְתַּרְתֶּם
עָלַי דִּבְרֵיכֶם אֲנִי שָׁמָעְתִּי׃
ס
Ez 35.14
כֹּה אָמַר אֲדֹנָי יְהוִה כִּשְׂמֹחַ
כָּל־הָאָרֶץ שְׁמָמָה אֶעֱשֶׂה־לָּך׃
Ez 35.15
כְּשִׂמְחָתְךָ לְנַחְלַת בֵּית־יִשְׂרָאֵל
עַל אֲשֶׁר־שָׁמֵמָה כֵּן אֶעֱשֶׂה־לָּך
שְׁמָמָה תִהְיֶה הַר־שֵׂעִיר וְכָל־אֱדוֺם
כֻּלָּהּ וְיָדְעוּ כִּי־אֲנִי יְהוָה׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT