Ez 36

Full text search

Ez 36
Ez 36.1
וְאַתָּה בֶנ־אָדָם הִנָּבֵא אֶל־הָרֵי
יִשְׂרָאֵל וְאָמַרְתָּ הָרֵי יִשְׂרָאֵל
שִׁמְעוּ דְּבַר־יְהוָה׃
Ez 36.2
כֹּה אָמַר אֲדֹנָי יְהוִה יַעַן
אָמַר הָאוֺיֵב עֲלֵיכֶם הֶאָח
וּבָמוֺת עוֺלָם לְמוֺרָשָׁה הָיְתָה
לָּנוּ׃
Ez 36.3
לָכֵן הִנָּבֵא וְאָמַרְתָּ כֹּה אָמַר
אֲדֹנָי יְהוִה יַעַן בְּיַעַן שַׁמּוֺת
וְשָׁאֹף אֶתְכֶם מִסָּבִיב לִהְיֺותְכֶם
מוֺרָשָׁה לִשְׁאֵרִית הַגֺּיִם וַתֵּעֲלוּ
עַל־שְׂפַת לָשׁוֺן וְדִבַּת־עָם׃
Ez 36.4
לָכֵן הָרֵי יִשְׂרָאֵל שִׁמְעוּ דְּבַר־אֲדֹנָי
יְהוִה כֹּה־אָמַר אֲדֹנָי יְהוִה
לֶהָרִים וְלַגְּבָעוֺת לָאֲפִיקִים
וְלַגֵּאָיֺות וְלֶחֳרָבוֺת הַשֹּׁמְמוֺת
וְלֶעָרִים הַנֶּעֱזָבוֺת אֲשֶׁר הָיוּ
לְבַז וּלְלַעַג לִשְׁאֵרִית הַגֺּויִם
אֲשֶׁר מִסָּבִיב׃ ס
Ez 36.5
לָכֵן כֹּה־אָמַר אֲדֹנָי יְהוִה
אִמ־לֹא בְּאֵשׁ קִנְאָתִי דִבַּרְתִּי
עַל־שְׁאֵרִית הַגֺּויִם וְעַל־אֱדוֺם
כֻּלָּא אֲשֶׁר נָתְנוּ־אֶת־אַרְצִי
לָהֶם לְמוֺרָשָׁה בְּשִׂמְחַת כָּל־לֵבָב
בִּשְׁאָט נֶפֶשׁ לְמַעַן מִגְרָשָׁהּ לָבַז׃
Ez 36.6
לָכֵן הִנָּבֵא עַל־אַדְמַת יִשְׂרָאֵל
וְאָמַרְתָּ לֶהָרִים וְלַגְּבָעוֺת לָאֲפִיקִים
וְלַגֵּאָיֺות כֹּה־אָמַר אֲדֹנָי
יְהוִה הִנְנִי בְקִנְאָתִיוּבַחֲמָתִי
דִּבַּרְתִּי יַעַן כְּלִמַּת גֺּויִם נְשָׂאתֶם׃
Ez 36.7
לָכֵן כֹּה אָמַר אֲדֹנָי יְהוִה
אֲנִי נָשָׂאתִי אֶת־יָדִי אִמ־לֹא
הַגֺּויִם אֲשֶׁר לָכֶם מִסָּבִיב
הֵמָּה כְּלִמָּתָם יִשָּׂאוּ׃
Ez 36.8
וְאַתֶּם הָרֵי יִשְׂרָאֵל עַנְפְּכֶם
תִּתֵּנוּ וּפֶרְיְכֶם תִּשְׂאוּ לְעַמִּי
יִשְׂרָאֵל כִּי קֵרְבוּ לָבוֺא׃
Ez 36.9
כִּי הִנְנִי אֲלֵיכֶם וּפָנִיתִי
אֲלֵיכֶם וְנֶעֱבַדְתֶּם וְנִזְרַעְתֶּם׃
Ez 36.10
וְהִרְבֵּיתִי עֲלֵיכֶם אָדָם כָּל־בֵּית
יִשְׂרָאֵל כֻּלֹּה וְנֺשְׁבוּ הֶעָרִים
וְהֶחֳרָבוֺת תִּבָּנֶינָה׃
Ez 36.11
וְהִרְבֵּיתִי עֲלֵיכֶם אָדָם וּבְהֵמָה
וְרָבוּ וּפָרוּ וְהוֺשַׁבְתִּי אֶתְכֶם
כְּקַדְמוֺתֵיכֶם וְהֵטִבֹתִי מֵרִאשֹׁתֵיכֶם
וִידַעְתֶּם כִּי־אֲנִי יְהוָה׃
Ez 36.12
וְהוֺלַכְתִּי עֲלֵיכֶם אָדָם אֶת־עַמִּי
יִשְׂרָאֵל וִירֵשׁוּךָ וְהָיִיתָ לָהֶם
לְנַחֲלָה וְלֹא־תוֺסִף עוֺד לְשַׁכְּלָם׃
ס
Ez 36.13
כֹּה אָמַר אֲדֹנָי יְהוִה יַעַן
אֹמְרִים לָכֶם אֹכֶלֶת אָדָם 1 אָתִּי 2 אָתְּ
וּמְשַׁכֶּלֶת 1 גֺּויֵך 2 גֺּויַיִך הָיִית׃
Ez 36.14
לָכֵן אָדָם לֹא־תֹאכְלִי עוֺד 1 וְגֺויֵך 2 וְגֺויַיִך
לֹא 1 תְכַשְּׁלִי 2 תְשַׁכְּלִי־עוֺד נְאֻם
אֲדֹנָי יְהוִה׃
Ez 36.15
וְלֹא־אַשְׁמִיעַ אֵלַיִך עוֺד כְּלִמַּת
הַגֺּויִם וְחֶרְפַּת עַמִּים לֹא תִשְׂאִי־עוֺד 1 וְגֺויֵך 2 וְגֺויַיִך
לֹא־תַכְשִׁלִי עוֺד נְאֻם אֲדֹנָי
יְוִה׃ ס
Ez 36.16
וַיְהִי דְבַר־יְהוָה אֵלַי לֵאמֹר׃
Ez 36.17
בֶּנ־אָדָם בֵּית יִשְׂרָאֵל יֺשְׁבִים
עַל־אַדְמָתָם וַיְטַמְּאוּ אוֺתָהּ
בְּדַרְכָּם וּבַעֲלִילוֺתָם כְּטֻמְאַת
הַנִּדָּה הָיְתָה דַרְכָּם לְפָנָי׃
Ez 36.18
וָאֶשְׁפֹּך חֲמָתִי עֲלֵיהֶם עַל־הַדָּם
אֲשֶׁר־שָׁפְכוּ עַל־הָאָרֶץ וּבְגִלּוּלֵיהֶם
טִמְּאוּהָ׃
Ez 36.19
וָאָפִיץ אֹתָם בַּגֺּויִם וַיִּזָּרוּ
בָּאֲרָצוֺת כְּדַרְכָּם וְכַעֲלִילוֺתָם
שְׁפַטְתִּים׃
Ez 36.20
וַיָּבוֺא אֶל־הַגֺּויִם אֲשֶׁר־בָּאוּ
שָׁם וַיְחַלְּלוּ אֶת־שֵׁם קָדְשִׁי
בֶּאֱמֹר לָהֶם עַמ־יְהוָה אֵלֶּה
וּמֵאַרְצוֺ יָצָאוּ׃
Ez 36.21
וָאֶחְמֹל עַל־שֵׁם קָדְשִׁי אֲשֶׁר
חִלְּלוּהוּ בֵּית יִשְׂרָאֵל בַּגֺּויִם
אֲשֶׁר־בָּאוּ שָׁמָּה׃ ס
Ez 36.22
לָכֵן אֱמֹר לְבֵית־יִשְׂרָאֵל כֹּה
אָמַר אֲדֹנָי יְהוִה לֹא לְמַעַנְכֶם
אֲנִי עֹשֶׂה בֵּית יִשְׂרָאֵל כִּי
אִמ־לְשֵׁמ־קָדְשִׁי אֲשֶׁר חִלַּלְם
בַּגֺּויִם אֲשֶׁר־בָּאתֶם שָׁם׃
Ez 36.23
וְקִדַּשְׁתִּי אֶת־שְׁמִי הַגָּדוֺל הַמְחֻלָּל
בַּגֺּויִם אֲשֶׁר חִלַּלְתֶּם בְּתוֺכָם
וְיָדְעוּ הַגֺּויִם כִּי־אֲנִי יְהוָה
נְאֻם אֲדֹנָי יְהוִהבְּהִקָּדְשִׁי
בָכֶם לְעֵינֵיהֶם׃
Ez 36.24
וְלָקַחְתִּי אֶתְכֶם מִנ־הַגֺּויִם
וְקִבַּצְתִּי אֶתְכֶם מִכָּל־הָאֲרָצוֺת
וְהֵבֵאתִי אֶתְכֶם אֶל־אַדְמַתְכֶם׃
Ez 36.25
וְזָרַקְתִּי עֲלֵיכֶם מַיִם טְהוֺרִים
וּטְהַרְתֶּם מִכֹּל טֻמְאוֺתֵיכֶם וּמִכָּל־גִּלּוּלֵיכֶם
אֲטַהֵר אֶתְכֶם׃
Ez 36.26
וְנָתַתִּי לָכֶם לֵב חָדָשׁ וְרוּחַ
חֲדָשָׁה אֶתֵּן בְּקִרְבְּכֶם וַהֲסִרֹתִי
אֶת־לֵב הָאֶבֶן מִבְּשַׂרְכֶם וְנָתַתִּי
לָכֶם לֵב בָּשָׂר׃
Ez 36.27
וְאֶת־רוּחִי אֶתֵּן בְּקִרְבְּכֶם וְעָשִׂיתִי
אֵת אֲשֶׁר־בְּחֻקַּי תֵּלֵכוּ וּמִשְׁפָּטַי
תִּשְׁמְרוּ וַעֲשִׂיתֶם׃
Ez 36.28
וִישַׁבְתֶּם בָּאָרֶץ אֲשֶׁר נָתַתִּי
לַאֲבֹתֵיכֶם וִהְיִיתֶם לִי לְעָם
וְאָנֺכִי אֶהְיֶה לָכֶם לֵאלֹהִים׃
Ez 36.29
וְהוֺשַׁעְתִּי אֶתְכֶם מִכֹּל טֻמְאוֺתֵיכֶם
וְקָרָאתִי אֶל־הַדָּגָן וְהִרְבֵּיתִי
אֹתוֺ וְלֹא־אֶתֵּן עֲלֵיכֶם רָעָב׃
Ez 36.30
וְהִרְבֵּיתִי אֶת־פְּרִי הָעֵץ וּתְנוּבַת
הַשָּׂדֶה לְמַעַן אֲשֶׁר לֹא תִקְחוּ
עוֺד חֶרְפַּת רָעָב בַּגֺּויִם׃
Ez 36.31
וּזְכַרְתֶּם אֶת־דַּרְכֵיכֶם הָרָעִים
וּמַעַלְלֵיכֶם אֲשֶׁר לֹא־טוֺבִים
וּנְקֹטֹתֶם בִּפְנֵיכֶם עַל עֲוֺנֺתֵיכֶם
וְעַל תּוֺעֲבוֺתֵיכֶם׃
Ez 36.32
לֹא לְמַעַנְכֶם אֲנִי־עֹשֶׂה נְאֻם
אֲדֹנָי יְהוִה יִוָּדַע לָכֶם בּוֺשׁוּ
וְהִכָּלְמוּ מִדַּרְכֵיכֶם בֵּית יִשְׂרָאֵל׃
ס
Ez 36.33
כֹּה אָמַר אֲדֹנָי יְהוִה בְּיֺום
טַהֲרִי אֶתְכֶם מִכֹּל עֲוֺנֺותֵיכֶם
וְהוֺשַׁבְתִּי אֶת־הֶעָרִים וְנִבְנוּ
הֶחֳרָבוֺת׃
Ez 36.34
וְהָאָרֶץ הַנְּשַׁמָּה תֵּעָבֵד תַּחַת
אֲשֶׁר הָיְתָה שְׁמָמָה לְעֵינֵי כָּל־עוֺבֵר׃
Ez 36.35
וְאָמְרוּ הָאָרֶץ הַלֵּזוּ הַנְּשַׁמָּה
הָיְתָה כְּגַנ־עֵדֶן וְהֶעָרִים הֶחֳרֵבוֺת
וְהַנְשַׁמּוֺת וְהַנֶּהֱרָסוֺת בְּצוּרוֺת
יָשָׁבוּ׃
Ez 36.36
וְיָדְעוּ הַגֺּויִם אֲשֶׁר יִשָּׁאֲרוּ
סְבִיבוֺתֵיכֶם כִּי אֲנִי יְהוָה
בָּנִיתִי הַנֶּהֱרָסוֺת נָטַעְתִּי הַנְּשַׁמָּה
אֲנִי יְהוָה דִּבַּרְתִּי וְעָשִׂיתִי׃
ס
Ez 36.37
כֹּה אָמַר אֲדֹנָי יְהוִה עוֺד
זֺאת אִדָּרֵשׁ לְבֵית־יִשְׂרָאֵל
לַעֲשׂוֺת לָהֶם אַרְבֶּה אֹתָם כַּצֹּאן
אָדָם׃
Ez 36.38
כְּצֹאן קָדָשִׁים כְּצֹאן יְרוּשָׁלִַם
בְּמוֺעֲדֶיהָ כֵּן תִּהְיֶינָה הֶעָרִים
הֶחֳרֵבוֺת מְלֵאוֺת צֹאן אָדָם
וְיָדְעוּ כִּי־אֲנִי יְהוָ׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT