טוֺב פַּת חֲרֵבָה וְשַׁלְוָה־בָהּ
מִבַּיִת מָלֵא זִבְחֵי־רִיב׃
עֶבֶד־מַשְׂכִּיל יִמְשֹׁל בְּבֵן מֵבִישׁ
וּבְתוֺך אַחִים יַחֲלֹק נַחֲלָה׃
מַצְרֵף לַכֶּסֶף וְכוּר לַזָּהָב וּבֹחֵן
לִבּוֺת יְהוָה׃
מֵרַע מַקְשִׁיב עַל־שְׂפַת־אָוֶן
שֶׁקֶר מֵזִין עַל־לְשׁוֺן הַוֺּת׃
לֹעֵג לָרָשׁ חֵרֵף עֹשֵׂהוּ שָׂמֵחַ
לְאֵיד לֹא יִנָּקֶה׃
עֲטֶרֶת זְקֵנִים בְּנֵי בָנִים וְתִפְאֶרֶת
בָּנִים אֲבוֺתָם׃
לֹא־נָאוָה לְנָבָל שְׂפַת־יֶתֶר
אַף כִּי־לְנָדִיב שְׂפַת־שָׁקֶר׃
אֶבֶנ־חֵן הַשֹּׁחַד בְּעֵינֵי בְעָלָיו
אֶל־כָּל־אֲשֶׁר יִפְנֶה יַשְׂכִּיל׃
מְכַסֶּה־פֶּשַׁע מְבַקֵּשׁ אַהֲבָה וְשֹׁנֶה
בְדָבָר מַפְרִיד אַלּוּף׃
תֵּחַת גְּעָרָה בְמֵבִין מֵהַכּוֺת
כְּסִיל מֵאָה׃
אַכְ־מְרִי יְבַקֶּשׁ־רָע וּמַלְאָך
אַכְזָרִי יְשֻׁלַּח־בּוֺ׃
פָּגֺושׁ דֹּב שַׁכּוּל בְּאִישׁ וְאַל־כְּסִיל
בְּאִוַּלְתּוֺ׃
מֵשִׁיב רָעָה תַּחַת טוֺבָה לֹא־תָמִישׁ 2 תָמוּשׁ
רָעָה מִבֵּיתוֺ׃
פּוֺטֵר מַיִם רֵאשִׁית מָדוֺן וְלִפְנֵי
הִתְגַּלַּע הָרִיב נְטוֺשׁ׃
מַצְדִּיק רָשָׁע וּמַרְשִׁיעַ צַדִּיק
תּוֺעֲבַת יְהוָה גַּמ־שְׁנֵיהֶם׃
לָמָּה־זֶּה מְחִיר בְּיַד־כְּסִיל
לִקְנֺות חָכְמָה וְלֶב־אָיִן׃
בְּכָל־עֵת אֹהֵב הָרֵעַ וְאָח לְצָרָה
יִוָּלֵד׃
אָדָם חֲסַר־לֵב תּוֺקֵעַ כָּף עֹרֵב
עֲרֻבָּה לִפְנֵי רֵעֵהוּ׃
אֹהֵב פֶּשַׁע אֹהֵב מַצָּה מַגְבִּיהַּ
פִּתְחוֺ מְבַקֶּשׁ־שָׁבֶר׃
עִקֶּשׁ־לֵב לֹא יִמְצָא־טוֺב וְנֶהְפָּך
בִּלְשׁוֺנֺו יִפּוֺל בְּרָעָה׃
יֺלֵד כְּסִיל לְתוּגָה לוֺ וְלֹא־יִשְׂמַח
אֲבִי נָבָל׃
לֵב שָׂמֵחַ יֵיטִב גֵּהָה וְרוּחַ
נְכֵאָה תְּיַבֶּשׁ־גָּרֶם׃
שֹׁחַד מֵחֵיק רָשָׁע יִקָּח לְהַטּוֺת
אָרְחוֺת מִשְׁפָּט׃
אֶת־פְּנֵי מֵבִין חָכְמָה וְעֵינֵי
כְסִיל בִּקְצֵה־אָרֶץ׃
כַּעַס לְאָבִיו בֵּן כְּסִיל וּמֶמֶר
לְיֺולַדְתּוֺ׃
גַּם עֲנֺושׁ לַצַּדִּיק לֹא־טוֺב
לְהַכּוֺת נְדִיבִים עַל־יֺשֶׁר׃
חוֺשֵׂך אֲמָרָיו יֺודֵעַ דָּעַת 1 וְקַר 2 יְקַר־רוּחַ
אִישׁ תְּבוּנָה׃
גַּם אֱוִיל מַחֲרִישׁ חָכָם יֵחָשֵׁב
אֹטֵם שְׂפָתָיו נָבוֺן׃