וַיַּעַן יְהוָה אֶת־אִיֺּוב וַיֺּאמַר׃
הֲרֹב עִמ־שַׁדַּי יִסּוֺר מוֺכִיחַ
אֱלוֺהַּ יַעֲנֶנָּה׃ ף
וַיַּעַן אִיֺּוב אֶת־יְהוָה וַיֺּאמַר׃
הֵן קַלֹּתִי מָה אֲשִׁיבֶךָּ יָדִי
שַׂמְתִּי לְמוֺ־פִי׃
אַחַת דִּבַּרְתִּי וְלֹא אֶעֱנֶה וּשְׁתַּיִם
וְלֹא אוֺסִיף׃ ף
וַיַּעַנ־יְהוָה אֶת־אִיֺּוב 1 מִן 2 מִן 1 סְעָרָה 2 סְעָרָה
וַיֺּאמַר׃
אֱזָר־נָא כְגֶבֶר חֲלָצֶיךָ אֶשְׁאָלְךָ
וְהוֺדִיעֵנִי׃
הַאַף תָּפֵר מִשְׁפָּטִי תַּרְשִׁיעֵנִי
לְמַעַן תִּצְדָּק׃
וְאִמ־זְרוֺעַ כָּאֵל לָך וּבְקוֺל
כָּמֹהוּ תַרְעֵם׃
עֲדֵה נָא גָאוֺן וָגֺבַהּ וְהוֺד
וְהָדָר תִּלְבָּשׁ׃
הָפֵץ עֶבְרוֺת אַפֶּךָ וּרְאֵה כָל־גֵּאֶה
וְהַשְׁפִּילֵהוּ׃
רְאֵה כָל־גֵּאֶה הַכְנִיעֵהוּ וַהֲדֹך
רְשָׁעִים תַּחְתָּם׃
טָמְנֵם בֶּעָפָר יָחַד פְּנֵיהֶם חֲבֹשׁ
בַּטָּמוּן׃
וְגַמ־אֲנִי אוֺדֶךָּ כִּי־תוֺשִׁעַ
לְךָ יְמִינֶךָ׃
הִנֵּה־נָא בְהֵמוֺת אֲשֶׁר־עָשִׂיתִי
עִמָּך חָצִיר כַּבָּקָר יֺאכֵל׃
הִנֵּה־נָא כֹחוֺ בְמָתְנָיו וְאֹנֺו
בִּשְׁרִירֵי בִטְנֺו׃
יַחְפֹּץ זְנָבוֺ כְמוֺ־אָרֶז גִּידֵי 1 פַחֲדוֺ 2 פַחֲדָיו
יְשֹׂרָגוּ׃
עֲצָמָיו אֲפִיקֵי נְחוּשָׁה גְּרָמָיו
כִּמְטִיל בַּרְזֶל׃
הוּא רֵאשִׁית דַּרְכֵי־אֵל הָעֹשׂוֺ
יַגֵּשׁ חַרְבּוֺ׃
כִּי־בוּל הָרִים יִשְׂאוּ־לוֺ וְכָל־חַיַּת
הַשָּׂדֶה יְשַׂחֲקוּ־שָׁם׃
תַּחַת־צֶאֱלִים יִשְׁכָּב בְּסֵתֶר קָנֶה
וּבִצָּה׃
יְסֻכֻּהוּ צֶאֱלִים צִלֲלוֺ יְסֻבּוּהוּ
עַרְבֵי־נָחַל׃
הֵן יַעֲשֹׁק נָהָר לֹא יַחְפּוֺז
יִבְטַח כִּי־יָגִיחַ יַרְדֵּן אֶל־פִּיהוּ׃
בְּעֵינָיו יִקָּחֶנּוּ בְּמוֺקְשִׁים
יִנְקָב־אָף׃
תִּמְשֹׁך לִוְיָתָן בְּחַכָּה וּבְחֶבֶל
תַּשְׁקִיעַ לְשֹׁנֺו׃
הֲתָשִׂים אַגְמוֺן בְּאַפּוֺ וּבְחוֺחַ
תִּקּוֺב לֶחֱיֺו׃
הֲיַרְבֶּה אֵלֶיךָ תַּחֲנוּנִים אִמ־יְדַבֵּר
אֵלֶיךָ רַכּוֺת׃
הֲיִכְרֹת בְּרִית עִמָּך תִּקָּחֶנּוּ
לְעֶבֶד עוֺלָם׃
הַתְשַׂחֶק־בּוֺ כַּצִּפּוֺר וְתִקְשְׁרֶנּוּ
לְנַעֲרוֺתֶיךָ׃
יִכְרוּ עָלָיו חַבָּרִים יֶחֱצוּהוּ
בֵּין כְּנַעֲנִים׃
הַתְמַלֵּא בְשֻׂכּוֺת עוֺרוֺ וּבְצִלְצַל
דָּגִים רֹאשׁוֺ׃
שִׂימ־עָלָיו כַּפֶּךָ זְכֹר מִלְחָמָה
אַל־תּוֺסַף׃