Ac 11

Full text search

Ac 11
Ac 11.1
audierunt autem apostoli et fratres qui erant in Iudaea quoniam et gentes receperunt verbum Dei
Ac 11.2
cum ascendisset autem Petrus in Hierosolymam disceptabant adversus illum qui erant ex circumcisione
Ac 11.3
dicentes quare introisti ad viros praeputium habentes et manducasti cum illis
Ac 11.4
incipiens autem Petrus exponebat illis ordinem dicens
Ac 11.5
ego eram in civitate Ioppe orans et vidi in excessu mentis visionem descendens vas quoddam velut linteum magnum quattuor initiis submitti de caelo et venit usque ad me
Ac 11.6
in quod intuens considerabam et vidi quadrupedia terrae et bestias et reptilia et volatilia caeli
Ac 11.7
audivi autem et vocem dicentem mihi surgens Petre occide et manduca
Ac 11.8
dixi autem nequaquam Domine quia commune aut inmundum numquam introivit in os meum
Ac 11.9
respondit autem vox secundo de caelo quae Deus mundavit tu ne commune dixeris
Ac 11.10
hoc autem factum est per ter et recepta sunt rursum omnia in caelum
Ac 11.11
et ecce confestim tres viri adstiterunt in domo in qua eram missi a Caesarea ad me
Ac 11.12
dixit autem Spiritus mihi ut irem cum illis nihil haesitans venerunt autem mecum et sex fratres isti et ingressi sumus in domum viri
Ac 11.13
narravit autem nobis quomodo vidisset angelum in domo sua stantem et dicentem sibi mitte in Ioppen et accersi Simonem qui cognominatur Petrus
Ac 11.14
qui loquetur tibi verba in quibus salvus eris tu et universa domus tua
Ac 11.15
cum autem coepissem loqui decidit Spiritus Sanctus super eos sicut et in nos in initio
Ac 11.16
recordatus sum autem verbi Domini sicut dicebat Iohannes quidem baptizavit aqua vos autem baptizabimini Spiritu Sancto
Ac 11.17
si ergo eandem gratiam dedit illis Deus sicut et nobis qui credidimus in Dominum Iesum Christum ego quis eram qui possem prohibere Deum
Ac 11.18
his auditis tacuerunt et glorificaverunt Deum dicentes ergo et gentibus Deus paenitentiam ad vitam dedit
Ac 11.19
et illi quidem qui dispersi fuerant a tribulatione quae facta fuerat sub Stephano perambulaverunt usque Foenicen et Cyprum et Antiochiam nemini loquentes verbum nisi solis Iudaeis
Ac 11.20
erant autem quidam ex eis viri cyprii et cyrenei qui cum introissent Antiochiam loquebantur et ad Graecos adnuntiantes Dominum Iesum
Ac 11.21
et erat manus Domini cum eis multusque numerus credentium conversus est ad Dominum
Ac 11.22
pervenit autem sermo ad aures ecclesiae quae erat Hierosolymis super istis et miserunt Barnaban usque Antiochiam
Ac 11.23
qui cum pervenisset et vidisset gratiam Dei gavisus est et hortabatur omnes proposito cordis permanere in Domino
Ac 11.24
quia erat vir bonus et plenus Spiritu Sancto et fide et adposita est turba multa Domino
Ac 11.25
profectus est autem Tarsum ut quaereret Saulum quem cum invenisset perduxit Antiochiam
Ac 11.26
et annum totum conversati sunt in ecclesia et docuerunt turbam multam ita ut cognominarentur primum Antiochiae discipuli Christiani
Ac 11.27
in his autem diebus supervenerunt ab Hierosolymis prophetae Antiochiam
Ac 11.28
et surgens unus ex eis nomine Agabus significabat per Spiritum famem magnam futuram in universo orbe terrarum quae facta est sub Claudio
Ac 11.29
discipuli autem prout quis habebat proposuerunt singuli eorum in ministerium mittere habitantibus in Iudaea fratribus
Ac 11.30
quod et fecerunt mittentes ad seniores per manus Barnabae et Sauli

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT