Ps 99

Full text search

Ps 99
Ps 99.1
יְהוָה מָלָך יִרְגְּזוּ עַמִּים יֺשֵׁב
כְּרוּבִים תָּנוּט הָאָרֶץ׃
Ps 99.2
יְהוָה בְּצִיֺּון גָּדוֺל וְרָם
הוּא עַל־כָּל־הָעַמִּים׃
Ps 99.3
יֺודוּ שִׁמְךָ גָּדוֺל וְנֺורָא קָדוֺשׁ
הוּא׃
Ps 99.4
וְעֹז מֶלֶך מִשְׁפָּט אָהֵב אַתָּה
כּוֺנַנְתָּ מֵישָׁרִים מִשְׁפָּט וּצְדָקָה
בְּיַעֲקֹב אַתָּה עָשִׂיתָ׃
Ps 99.5
רוֺמְמוּ יְהוָה אֱלֹהֵינוּ וְהִשְׁתַּחֲווּ
לַהֲדֹם רַגְלָיו קָדוֺשׁ הוּא׃
Ps 99.6
מֹשֶׁה וְאַהֲרֹן בְּכֹהֲנָיו וּשְׁמוּאֵל
בְּקֹרְאֵי שְׁמוֺ קֹרִאים אֶל־יְהוָה
וְהוּא יַעֲנֵם׃
Ps 99.7
בְּעַמּוּד עָנָן יְדַבֵּר אֲלֵיהֶם
שָׁמְרוּ עֵדֹתָיו וְחֹק נָתַנ־לָמוֺ׃
Ps 99.8
יְהוָה אֱלֹהֵינוּ אַתָּה עֲנִיתָם
אֵל נֺשֵׂא הָיִיתָ לָהֶם וְנֺקֵם
עַל־עֲלִילוֺתָם׃
Ps 99.9
רוֺמְמוּ יְהוָה אֱלֹהֵינוּ וְהִשְׁתַּחֲווּ
לְהַר קָדְשׁוֺ כִּי־קָדוֺשׁ יְהוָה
אֱלֹהֵינוּ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT