Lev 5

Full text search

Lev 5
Lev 5.1
וְנֶפֶשׁ כִּי־תֶחֱטָא וְשָׁמְעָה קוֺל
אָלָה וְהוּא עֵד אוֺ רָאָה אוֺ
יָדָע אִמ־לוֺא יַגִּיד וְנָשָׂא
עֲוֺנֺו׃
Lev 5.2
אוֺ נֶפֶשׁ אֲשֶׁר תִּגַּע בְּכָל־דָּבָר
טָמֵא אוֺ בְנִבְלַת חַיָּה טְמֵאָה
אוֺ בְּנִבְלַת בְּהֵמָה טְמֵאָה אוֺ
בְּנִבְלַת שֶׁרֶץ טָמֵא וְנֶעְלַם
מִמֶּנּוּ וְהוּא טָמֵא וְאָשֵׁם׃
Lev 5.3
אוֺ כִי יִגַּע בְּטֻמְאַת אָדָם לְכֹל
טֻמְאָתוֺ אֲשֶׁר יִטְמָא בָּהּ וְנֶעְלַם
מִמֶּנּוּ וְהוּא יָדַע וְאָשֵׁם׃
Lev 5.4
אוֺ נֶפֶשׁ כִּי תִשָּׁבַע לְבַטֵּא
בִשְׂפָתַיִם לְהָרַע אוֺ לְהֵיטִיב
לְכֹל אֲשֶׁר יְבַטֵּא הָאָדָם בִּשְׁבֻעָה
וְנֶעְלַם מִמֶּנּוּ וְהוּא־יָדַע וְאָשֵׁם
לְאַחַת מֵאֵלֶּה׃
Lev 5.5
וְהָיָה כִי־יֶאְשַׁם לְאַחַת מֵאֵלֶּה
וְהִתְוַדָּה אֲשֶׁר חָטָא עָלֶיהָ׃
Lev 5.6
וְהֵבִיא אֶת־אֲשָׁמוֺ לַיהוָה
עַל חַטָּאתוֺ אֲשֶׁר חָטָא נְקֵבָה
מִנ־הַצֹּאן כִּשְׂבָּה אוֺ־שְׂעִירַת
עִזִּים לְחַטָּאת וְכִפֶּר עָלָיו
הַכֹּהֵן מֵחַטָּאתוֺ׃
Lev 5.7
וְאִמ־לֹא תַגִּיע יָדוֺ דֵּי שֶׂה
וְהֵבִיא אֶת־אֲשָׁמוֺ אֲשֶׁר חָטָא
שְׁתֵּי תֹרִים אוֺ־שְׁנֵי בְנֵי־יֺונָה
לַיהוָה אֶחָד לְחַטָּאת וְאֶחָד
לְעֹלָה׃
Lev 5.8
וְהֵבִיא אֹתָם אֶל־הַכֹּהֵן וְהִקְרִיב
אֶת־אֲשֶׁר לַחַטָּאת רִאשׁוֺנָה וּמָלַק
אֶת־רֹאשׁוֺ מִמּוּל עָרְפּוֺ וְלֹא
יַבְדִּיל׃
Lev 5.9
וְהִזָּה מִדַּם הַחַטָּאת עַל־קִיר
הַמִּזְבֵּחַ וְהַנִּשְׁאָר בַּדָּם יִמָּצֵה
אֶל־יְסוֺד הַמִּזְבֵּחַ חַטָּאת הוּא׃
Lev 5.10
וְאֶת־הַשֵּׁנִי יַעֲשֶׂה עֹלָה כַּמִּשְׁפָּט
וְכִפֶּר עָלָיו הַכֹּהֵן מֵחַטָּאתוֺ
אֲשֶׁר־חָטָא וְנִסְלַח לוֺ׃ ס
Lev 5.11
וְאִמ־לֹא תַשִּׂיג יָדוֺ לִשְׁתֵּי
תֹרִים אוֺ לִשְׁנֵי בְנֵי־יֺונָה
וְהֵבִיא אֶת־קָרְבָּנֺו אֲשֶׁר חָטָא
עֲשִׂירִת הָאֵפָה סֹלֶת לְחַטָּאת
לֹא־יָשִׂם עָלֶיהָ שֶׁמֶן וְלֹא־יִתֵּן
עָלֶיהָ לְבֹנָה כִּי חַטָּאת הִיא׃
Lev 5.12
וֶהֱבִיאָהּ אֶל־הַכֹּהֵן וְקָמַץ
הַכֹּהֵן מִמֶּנָּה מְלוֺא קֻמְצוֺ אֶת־אַזְכָּרָתָה
וְהִקְטִיר הַמִּזְבֵּחָה עַל אִשֵּׁי
יְהוָה חַטָּאת הִוא׃
Lev 5.13
וְכִפֶּר עָלָיו הַכֹּהֵן עַל־חַטָּאתוֺ
אֲשֶׁר־חָטָא מֵאַחַת מֵאֵלֶּה וְנִסְלַח
לוֺ וְהָיְתָה לַכֹּהֵן כַּמִּנְחָה׃
ס
Lev 5.14
וַיְדַבֵּר יְהוָה אֶל־מֹשֶׁה לֵּאמֹר׃
Lev 5.15
נֶפֶשׁ כִּי־תִמְעֹל מַעַל וְחָטְאָה
בִּשְׁגָגָה מִקָּדְשֵׁי יְהוָה וְהֵבִיא
אֶת־אֲשָׁמוֺ לַיהוָה אַיִל תָּמִים
מִנ־הַצֹּאן בְּעֶרְכְּךָ כֶּסֶפ־קָלִים
בְּשֶׁקֶל־הַקֹּדֶשׁ לְאָשָׁם׃
Lev 5.16
וְאֵת אֲשֶׁר חָטָא מִנ־הַקֹּדֶשׁ
יְשַׁלֵּם וְאֶת־חֲמִישִׁתוֺ יֺוסֵף
עָלָיו וְנָתַן אֹתוֺ לַכֹּהֵן וְהַכֹּהֵן
יְכַפֵּר עָלָיו בְּאֵיל הָאָשָׁם
וְנִסְלַח לוֺ׃ ף
Lev 5.17
וְאִמ־נֶפֶשׁ כִּי תֶחֱטָא וְעָשְׂתָה
אַחַת מִכָּל־מִצְוֺת יְהוָה אֲשֶׁר
לֹא תֵעָשֶׂינָה וְלֹא־יָדַע וְאָשֵׁם
וְנָשָׂא עֲוֺנֺו׃
Lev 5.18
וְהֵבִיא אַיִל תָּמִים מִנ־הַצֹּאן
בְּעֶרְכְּךָ לְאָשָׁם אֶל־הַכֹּהֵן וְכִפֶּר
עָלָיו הַכֹּהֵן עַל שִׁגְגָתוֺ אֲשֶׁר־שָׁגָג
וְהוּא לֹא־יָדַע וְנִסְלַח לוֺ׃
Lev 5.19
אָשָׁם הוּא אָשֹׁם אָשַׁם לַיהוָה׃
ף
Lev 5.20
וַיְדַבֵּר יְהוָה אֶל־מֹשֶׁה לֵּאמֹר׃
Lev 5.21
נֶפֶשׁ כִּי תֶחֱטָא וּמָעֲלָה מַעַל
בַּיהוָה וְכִחֵשׁ בַּעֲמִיתוֺ בְּפִקָּדוֺן
אוֺ־בִתְשׂוּמֶת יָד אוֺ בְגָזֵל
אוֺ עָשַׁק אֶת־עֲמִיתוֺ׃
Lev 5.22
אוֺ־מָצָא אֲבֵדָה וְכִחֶשׁ בָּהּ
וְנִשְׁבַּע עַל־שָׁקֶר עַל־אַחַת מִכֹּל
אֲשֶׁר־יַעֲשֶׂה הָאָדָם לַחֲטֹא בָהֵנָּה׃
Lev 5.23
וְהָיָה כִּי־יֶחֱטָא וְאָשֵׁם וְהֵשִׁיב
אֶת־הַגְּזֵלָה אֲשֶׁר גָּזָל אוֺ
אֶת־הָעֹשֶׁק אֲשֶׁר עָשָׁק אוֺ אֶת־הַפִּקָּדוֺן
אֲשֶׁר הָפְקַד אִתּוֺ אוֺ אֶת־הָאֲבֵדָה
אֲשֶׁר מָצָא׃
Lev 5.24
אוֺ מִכֹּל אֲשֶׁר־יִשָּׁבַע עָלָיו
לַשֶּׁקֶר וְשִׁלַּם אֹתוֺ בְּרֹאשׁוֺ
וַחֲמִשִׁתָיו יֺסֵף עָלָיו לַאֲשֶׁר
הוּא לוֺ יִתְּנֶנּוּ בְּיֺום אַשְׁמָתוֺ׃
Lev 5.25
וְאֶת־אֲשָׁמוֺ יָבִיא לַיהוָה אַיִל
תָּמִים מִנ־הַצֹּאן בְּעֶרְכְּךָ לְאָשָׁם
אֶל־הַכֹּהֵן׃
Lev 5.26
וְכִפֶּר עָלָיו הַכֹּהֵן לִפְנֵי יְהוָה
וְנִסְלַח לוֺ עַל־אַחַת מִכֹּל
אֲשֶׁר־יַעֲשֶׂה לְאַשְׁמָה בָהּ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT