Jes 6

Full text search

Jes 6
Jes 6.1
בִּשְׁנַת־מוֺת הַמֶּלֶך עֻזִּיָּהוּ וָאֶרְאֶה
אֶת־אֲדֹנָי יֺשֵׁב עַל־כִּסֵּא רָם
וְנִשָּׂא וְשׁוּלָיו מְלֵאִים אֶת־הַהֵיכָל׃
Jes 6.2
שְׂרָפִים עֹמְדִים מִמַּעַל לוֺ שֵׁשׁ
כְּנָפַיִם שֵׁשׁ כְּנָפַיִם לְאֶחָד בִּשְׁתַּיִם
יְכַסֶּה פָנָיו וּבִשְׁתַּיִם יְכַסֶּה
רַגְלָיו וּבִשְׁתַּיִ יְעוֺפֵף׃
Jes 6.3
וְקָרָא זֶה אֶל־זֶה וְאָמַר קָדוֺשׁ
קָדוֺשׁ קָדוֺשׁ יְהוָה צְבָאוֺת
מְלֹא כָל־הָאָרֶץ כְּבוֺדוֺ׃
Jes 6.4
וַיָּנֻעוּ אַמּוֺת הַסִּפִּים מִקּוֺל
הַקּוֺרֵא וְהַבַּיִת יִמָּלֵא עָשָׁן׃
Jes 6.5
וָאֹמַר אוֺי־לִי כִי־נִדְמֵיתִי
כִּי אִישׁ טְמֵא־שְׂפָתַיִם אָנֺכִי
וּבְתוֺך עַמ־טְמֵא שְׂפָתַיִם אָנֺכִי
יֺושֵׁב כִּי אֶת־הַמֶּלֶך יְהוָה
בָאוֺת רָאוּ עֵינָי׃
Jes 6.6
וַיָּעָף אֵלַי אֶחָד מִנ־הַשְּׂרָפִים
וּבְיָדוֺ רִצְפָּה בְּמֶלְקַחַיִם לָקַח
מֵעַל הַמִּזְבֵּחַ׃
Jes 6.7
וַיַּגַּע עַל־פִּי וַיֺּאמֶר הִנֵּה
נָגַע זֶה עַל־שְׂפָתֶיךָ וְסָר עֲוֺנֶךָ
וְחַטָּאתְךָ תְּכֻפָּר׃
Jes 6.8
וָאֶשְׁמַע אֶת־קוֺל אֲדֹנָי אֹמֵר
אֶת־מִי אֶשְׁלַח וּמִי יֵלֶכְ־לָנוּ
וָאֹמַר הִנְנִי שְׁלָחֵנִי׃
Jes 6.9
וַיֺּאמֶר לֵך וְאָמַרְתָּ לָעָם הַזֶּה
שִׁמְעוּ שָׁמוֺעַ וְאַל־תָּבִינוּ וּרְאוּ
רָאוֺ וְאַל־תֵּדָעוּ׃
Jes 6.10
הַשְׁמֵן לֵב־הָעָם הַזֶּה וְאָזְנָיו
הַכְבֵּד וְעֵינָיו הָשַׁע פֶּנ־יִרְאֶה
בְעֵינָיו וּבְאָזְנָיו יִשְׁמָע וּלְבָבוֺ
יָבִין וָשָׁב וְרָפָא לוֺ׃
Jes 6.11
וָאֹמַר עַד־מָתַי אֲדֹנָי וַיֺּאמֶר
עַד אֲשֶׁר אִמ־שָׁאוּ עָרִים מֵאֵין
יֺושֵׁב וּבָתִּים מֵאֵין אָדָם
וְהָאֲדָמָה תִּשָּׁאֶה שְׁמָמָה׃
Jes 6.12
וְרִחַק יְהוָה אֶת־הָאָדָם וְרַבָּה
הָעֲזוּבָה בְּקֶרֶב הָאָרֶץ׃
Jes 6.13
וְעוֺד בָּהּ עֲשִׂרִיָּה וְשָׁבָה וְהָיְתָה
לְבָעֵר כָּאֵלָה וְכָאַלּוֺן אֲשֶׁר
בְּשַׁלֶּכֶת מַצֶּבֶת בָּם זֶרַע קֹדֶשׁ
מַצַּבְתָּהּ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT