Jes 25

Full text search

Jes 25
Jes 25.1
יְהוָה אֱלֹהַי אַתָּה אֲרוֺמִמְךָ
אוֺדֶה שִׁמְךָ כִּי עָשִׂיתָ פֶּלֶא
עֵצוֺת מֵרָחוֺק אֱמוּנָה אֹמֶן׃
Jes 25.2
כִּי שַׂמְתָּ מֵעִיר לַגָּל קִרְיָה
בְצוּרָה לְמַפֵּלָה אַרְמוֺן זָרִים
מֵעִיר לְעוֺלָם לֹא יִבָּנֶה׃
Jes 25.3
עַל־כֵּן יְכַבְּדוּךָ עַמ־עָז קִרְיַת
גֺּויִם עָרִיצִים יִירָאוּךָ׃
Jes 25.4
כִּי־הָיִיתָ מָעוֺז לַדָּל מָעוֺז
לָאֶבְיֺון בַּצַּר־לוֺ מַחְסֶה מִזֶּרֶם
צֵל מֵחֹרֶב כִּי רוּחַ עָרִיצִים
כְּזֶרֶם קִיר׃
Jes 25.5
כְּחֹרֶב בְּצָיֺון שְׁאוֺן זָרִים
תַּכְנִיעַ חֹרֶב בְּצֵל עָב זְמִיר
עָרִיצִים יַעֲנֶה׃ ף
Jes 25.6
וְעָשָׂה יְהוָה צְבָאוֺת לְכָל־הָעַמִּים
בָּהָר הַזֶּה מִשְׁתֵּה שְׁמָנִים מִשְׁתֵּה
שְׁמָרִים שְׁמָנִים מְמֻחָיִם שְׁמָרִים
מְזֻקָּקִים׃
Jes 25.7
וּבִלַּע בָּהָר הַזֶּה פְּנֵי־הַלּוֺט
הַלּוֺט עַל־כָּל־הָעַמִּים וְהַמַּסֵּכָה
הַנְּסוּכָה עַל־כָּל־הַגֺּויִם׃
Jes 25.8
בִּלַּע הַמָּוֶת לָנֶצַח וּמָחָה אֲדֹנָי
יְהוִה דִּמְעָה מֵעַל כָּל־פָּנִים
וְחֶרְפַּת עַמּוֺ יָסִיר מֵעַל כָּל־הָאָרֶץ
כִּי יְהוָה דִּבֵּר ף
Jes 25.9
וְאָמַר בַּיֺּום הַהוּא הִנֵּה אֱלֹהֵינוּ
זֶה קִוִּינוּ לוֺ וְיֺושִׁיעֵנוּ
זֶה יְהוָה קִוִּינוּ לוֺ נָגִילָה
וְנִשְׂמְחָה בִּישׁוּעָתוֺ׃
Jes 25.10
כִּי־תָנוּחַ יַד־יְהוָה בָּהָר
הַזֶּה וְנָדוֺשׁ מוֺאָב תַּחְתָּיו
כְּהִדּוּשׁ מַתְבֵּן 1 בְּמֵי 2 בְּמוֺ מַדְמֵנָה׃
Jes 25.11
וּפֵרַשׂ יָדָיו בְּקִרְבּוֺ כַּאֲשֶׁר
יְפָרֵשׂ הַשֹּׂחֶה לִשְׂחוֺת וְהִשְׁפִּיל
גַּאֲוָתוֺ עִם אָרְבּוֺת יָדָיו׃
Jes 25.12
וּמִבְצַר מִשְׂגַּב חוֺמֹתֶיךָ הֵשַׁח
הִשְׁפִּיל הִגִּיעַ לָאָרֶץ עַד־עָפָר׃
ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT