Jes 13

Full text search

Jes 13
Jes 13.1
מַשָּׂא בָּבֶל אֲשֶׁר חָזָה יְשַׁעְיָהוּ
בֶּנ־אָמוֺץ׃
Jes 13.2
עַל הַר־נִשְׁפֶּה שְׂאוּ־נֵס הָרִימוּ
קוֺל לָהֶם הָנִיפוּ יָד וְיָבֹאוּ
פִּתְחֵי נְדִיבִים׃
Jes 13.3
אֲנִי צִוֵּיתִי לִמְקֻדָּשָׁי גַּם
קָרָאתִי גִבּוֺרַי לְאַפִּי עַלִּיזֵי
גַּאֲוָתִי׃
Jes 13.4
קוֺל הָמוֺן בֶּהָרִים דְּמוּת עַמ־רָב
קוֺל שְׁאוֺן מַמְלְכוֺת גֺּויִם
נֶאֱסָפִים יְהוָה צְבָאוֺת מְפַקֵּד
צְבָא מִלְחָמָה׃
Jes 13.5
בָּאִים מֵאֶרֶץ מֶרְחָק מִקְצֵה הַשָּׁמָיִם
יְהוָה וּכְלֵי זַעְמוֺ לְחַבֵּל כָּל־הָאָרֶץ׃
Jes 13.6
הֵילִילוּ כִּי קָרוֺב יֺום יְהוָה
כְּשֹׁד מִשַּׁדַּי יָבוֺא׃
Jes 13.7
עַל־כֵּן כָּל־יָדַיִם תִּרְפֶּינָה
וְכָל־לְבַב אֱנֺושׁ יִמָּס׃
Jes 13.8
וְנִבְהָלוּ צִירִים וַחֲבָלִים
יֺאחֵזוּן כַּיֺּולֵדָה יְחִילוּן
אִישׁ אֶל־רֵעֵהוּ יִתְמָהוּ פְּנֵי
לְהָבִים פְּנֵיהֶם׃
Jes 13.9
הִנֵּה יֺומ־יְהוָה בָּא אַכְזָרִי
וְעֶבְרָה וַחֲרוֺן אָף לָשׂוּם
הָאָרֶץ לְשַׁמָּה וְחַטָּאֶיהָ יַשְׁמִיד
מִמֶּנָּה׃
Jes 13.10
כִּי־כוֺכְבֵי הַשָּׁמַיִם וּכְסִילֵיהֶם
לֹא יָהֵלּוּ אוֺרָם חָשַׁך הַשֶּׁמֶשׁ
בְּצֵאתוֺ וְיָרֵחַ לֹא־יַגִּיהַ אוֺרוֺ׃
Jes 13.11
וּפָקַדְתִּי עַל־תֵּבֵל רָעָה וְעַל־רְשָׁעִים
עֲוֺנָם וְהִשְׁבַּתִּי גְּאוֺן זֵדִים
וְגַאֲוַת עָרִיצִים אַשְׁפִּיל׃
Jes 13.12
אוֺקִיר אֱנֺושׁ מִפָּז וְאָדָם מִכֶּתֶם
אוֺפִיר׃
Jes 13.13
עַל־כֵּן שָׁמַיִם אַרְגִּיז וְתִרְעַשׁ
הָאָרֶץ מִמְּקוֺמָהּ בְּעֶבְרַת יְהוָה
צְבָאוֺת וּבְיֺום חֲרוֺן אַפּוֺ׃
Jes 13.14
וְהָיָה כִּצְבִי מֻדָּח וּכְצֹאן וְאֵין
מְקַבֵּץ אִישׁ אֶל־עַמּוֺ יִפְנוּ
וְאִישׁ אֶל־אַרְצוֺ יָנוּסוּ׃
Jes 13.15
כָּל־הַנִּמְצָא יִדָּקֵר וְכָל־הַנִּסְפֶּה
יִפּוֺל בֶּחָרֶב׃
Jes 13.16
וְעֹלְלֵיהֶם יְרֻטְּשׁוּ לְעֵינֵיהֶם
יִשַּׁסּוּ בָּתֵּיהֶם וּנְשֵׁיהֶם 1 תִּשָּׁגַלְנָה 2 תִּשָּׁכַבְנָה׃
Jes 13.17
הִנְנִי מֵעִיר עֲלֵיהֶם אֶת־מָדָי
אֲשֶׁר־כֶּסֶף לֹא יַחְשֹׁבוּ וְזָהָב
לֹא יַחְפְּצוּ־בוֺ׃
Jes 13.18
וּקְשָׁתוֺת נְעָרִים תְּרַטַּשְׁנָה
וּפְרִי־בֶטֶן לֹא יְרַחֵמוּ עַל־בָּנִים
לֹא־תָחוּס עֵינָם׃
Jes 13.19
וְהָיְתָה בָבֶל צְבִי מַמְלָכוֺת
תִּפְאֶרֶת גְּאוֺן כַּשְׂדִּים כְּמַהְפֵּכַת
אֱלֹהִים אֶת־סְדֹם וְאֶת־עֲמֹרָה׃
Jes 13.20
לֹא־תֵשֵׁב לָנֶצַח וְלֹא תִשְׁכֹּן
עַד־דּוֺר וָדוֺר וְלֹא־יַהֵל
שָׁם עֲרָבִי וְרֹעִים לֹא־יַרְבִּצוּ
שָׁם׃
Jes 13.21
וְרָבְצוּ־שָׁם צִיִּים וּמָלְאוּ בָתֵּיהֶם
אֹחִים וְשָׁכְנוּ שָׁם בְּנֺות יַעֲנָה
וּשְׂעִירִים יְרַקְּדוּ־שָׁם׃
Jes 13.22
וְעָנָה אִיִּים בְּאַלְמנֺותָיו וְתַנִּים
בְּהֵיכְלֵי עֹנֶג וְקָרוֺב לָבוֺא
עִתָּהּ וְיָמֶיהָ לֹא יִמָּשֵׁכוּ׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT