Jer 1

Full text search

Jer 1
Jer 1.1
דִּבְרֵי יִרְמְיָהוּ בֶּנ־חִלְקִיָּהוּ
מִנ־הַכֹּהֲנִים אֲשֶׁר בַּעֲנָתוֺת
בְּאֶרֶץ בִּנְיָמִן׃
Jer 1.2
אֲשֶׁר הָיָה דְבַר־יְהוָה אֵלָיו
בִּימֵי יֺאשִׁיָּהוּ בֶנ־אָמוֺן
מֶלֶך יְהוּדָה בִּשְׁלֹשׁ־עֶשְׂרֵה שָׁנָה
לְמָלְכוֺ׃
Jer 1.3
וַיְהִי בִּימֵי יְהוֺיָקִים בֶּנ־יֺאשִׁיָּהוּ
מֶלֶך יְהוּדָה עַד־תֹּם עַשְׁתֵּי
עֶשְׂרֵה שָׁנָה לְצִדְקִיָּהוּ בֶנ־יֺאשִׁיָּהוּ
מֶלֶך יְהוּדָה עַד־גְּלוֺת יְרוּשָׁלִַם
בַּחֹדֶשׁ הַחֲמִישִׁי׃ ס
Jer 1.4
וַיְהִי דְבַר־יְהוָה אֵלַי לֵאמֹר׃
Jer 1.5
בְּטֶרֶם 1 אֶצּוֺרְךָ 2 אֶצָּרְךָ בַבֶּטֶן
יְדַעְתִּיךָ וּבְטֶרֶם תֵּצֵא מֵרֶחֶם
הִקְדַּשְׁתִּיךָ נָבִיא לַגֺּויִם נְתַתִּיךָ׃
Jer 1.6
וָאֹמַר אֲהָהּ אֲדֹנָי יְהֹוִה הִנֵּה
לֹא־יָדַעְתִּי דַּבֵּר כִּי־נַעַר
אָנֺכִי׃ ף
Jer 1.7
וַיֺּאמֶר יְהוָה אֵלַי אַל־תֹּאמַר
נַעַר אָנֺכִי כִּי עַל־כָּל־אֲשֶׁר
אֶשְׁלָחֲךָ תֵּלֵך וְאֵת כָּל־אֲשֶׁר
אֲצַוְּךָ תְּדַבֵּר׃
Jer 1.8
אַל־תִּירָא מִפְּנֵיהֶם כִּי־אִתְּךָ
אֲנִי לְהַצִּלֶךָ נְאֻמ־יְהוָה׃
Jer 1.9
וַיִּשְׁלַח יְהוָה אֶת־יָדוֺ וַיַּגַּע
עַל־פִּי וַיֺּאמֶר יְהוָה אֵלַי
הִנֵּה נָתַתִּי דְבָרַי בְּפִיךָ׃
Jer 1.10
רְאֵה הִפְקַדְתִּיךָ הַיֺּום הַזֶּה
עַל־הַגֺּויִם וְעַל־הַמַּמְלָכוֺת
לִנְתוֺשׁ וְלִנְתוֺץ וּלְהַאֲבִיד
וְלַהֲרוֺס לִבְנֺות וְלִנְטוֺעַ׃
ף
Jer 1.11
וַיְהִי דְבַר־יְהוָה אֵלַי לֵאמֹר
מָה־אַתָּה רֹאֶה יִרְמְיָהוּ וָאֹמַר
מַקֵּל שָׁקֵד אֲנִי רֹאֶה׃
Jer 1.12
וַיֺּאמֶר יְהוָה אֵלַי הֵיטַבְתָּ
לִרְאוֺת כִּי־שֹׁקֵד אֲנִי עַל־דְּבָרִי
לַעֲשֹׂתוֺ׃ ף
Jer 1.13
וַיְהִי דְבַר־יְהוָה אֵלַי שֵׁנִית
לֵאמֹר מָה אַתָּה רֹאֶה וָאֹמַר
סִיר נָפוּחַ אֲנִי רֹאֶה וּפָנָיו
מִפְּנֵי צָפוֺנָה׃
Jer 1.14
וַיֺּאמֶר יְהוָה אֵלָי מִצָּפוֺן
תִּפָּתַח הָרָעָה עַל כָּל־יֺשְׁבֵי
הָאָרֶץ׃
Jer 1.15
כִּי הִנְנִי קֹרֵא לְכָל־מִשְׁפְּחוֺת
מַמְלְכוֺת צָפוֺנָה נְאֻמ־יְהוָה
וּבָאוּ וְנָתְנוּ אִישׁ כִּסְאוֺ פֶּתַח
שַׁעֲרֵי יְרוּשָׁלִַם וְעַל כָּ־חוֺמֹתֶיהָ
סָבִיב וְעַל כָּל־עָרֵי יְהוּדָה׃
Jer 1.16
וְדִבַּרְתִּי מִשְׁפָּטַי אוֺתָם עַל
כָּל־רָעָתָם אֲשֶׁר עֲזָבוּנִי וַיְקַטְּרוּ
לֵאלֹהִים אֲחֵרִים וַיִּשְׁתַּחֲווּ
לְמַעֲשֵׂי יְדֵיהֶם׃
Jer 1.17
וְאַתָּה תֶּאְזֺר מָתְנֶיךָ וְקַמְתָּ
וְדִבַּרְתָּ אֲלֵיהֶם אֵת כָּל־אֲשֶׁר
אָנֺכִי אֲצַוֶּךָּ אַל־תֵּחַת מִפְּנֵיהֶם
פֶּנ־אֲחִתְּךָ לִפְנֵיהֶם׃
Jer 1.18
וַאֲנִי הִנֵּה נְתַתִּיךָ הַיֺּום לְעִיר
מִבְצָר וּלְעַמּוּד בַּרְזֶל וּלְחֹמוֺת
נְחֹשֶׁת עַל־כָּל־הָאָרֶץ לְמַלְכֵי
יְהוּדָה לְשָׂרֶיהָ לְכֹהֲנֶי וּלְעַם
הָאָרֶץ׃
Jer 1.19
וְנִלְחֲמוּ אֵלֶיךָ וְלֹא־יוּכְלוּ
לָך כִּי־אִתְּךָ אֲנִי נְאֻמ־יְהוָה
לְהַצִּילֶךָ׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT