Hos 8

Full text search

Hos 8
Hos 8.1
אֶל־חִכְּךָ שֹׁפָר כַּנֶּשֶׁר עַל־בֵּית
יְהוָה יַעַן עָבְרוּ בְרִיתִי
וְעַל־תּוֺרָתִי פָּשָׁעוּ׃
Hos 8.2
לִי יִזְעָקוּ אֱלֹהַי יְדַעֲנוּךָ
יִשְׂרָאֵל׃
Hos 8.3
זָנַח יִשְׂרָאֵל טוֺב אוֺיֵב יִרְדְּפוֺ׃
Hos 8.4
הֵם הִמְלִיכוּ וְלֹא מִמֶּנִּי הֵשִׂירוּ
וְלֹא יָדָעְתִּי כַּסְפָּם וּזְהָבָם
עָשׂוּ לָהֶם עֲצַבִּים לְמַעַן יִכָּרֵת׃
Hos 8.5
זָנַח עֶגְלֵך שֹׁמְרוֺן חָרָה אַפִּי
בָּם עַד־מָתַי לֹא יוּכְלוּ נִקָּיֺן׃
Hos 8.6
כִּי מִיִּשְׂרָאֵל וְהוּא חָרָשׁ עָשָׂהוּ
וְלֹא אֱלֹהִים הוּא כִּי־שְׁבָבִים
יִהְיֶה עֵגֶל שֹׁמְרוֺן׃
Hos 8.7
כִּי רוּחַ יִזְרָעוּ וְסוּפָתָה יִקְצֹרוּ
קָמָה אֵינ־לוֺ צֶמַח בְּלִי יַעֲשֶׂה־קֶּמַח
אוּלַי יַעֲשֶׂה זָרִים יִבְלָעֻהוּ׃
Hos 8.8
נִבְלַע יִשְׂרָאֵל עַתָּה הָיוּ בַגֺּויִם
כִּכְלִי אֵינ־חֵפֶץ בּוֺ׃
Hos 8.9
כִּי־הֵמָּה עָלוּ אַשּׁוּר פֶּרֶא בּוֺדֵד
לוֺ אֶפְרַיִם הִתְנוּ אֲהָבִים׃
Hos 8.10
גַּם כִּי־יִתְנוּ בַגֺּויִם עַתָּה
אֲקַבְּצֵם וַיָּחֵלּוּ מְּעָט מִמַּשָּׂא
מֶלֶך שָׂרִים׃
Hos 8.11
כִּי־הִרְבָּה אֶפְרַיִם מִזְבְּחֹת לַחֲטֹא
הָיוּ־לוֺ מִזְבְּחוֺת לַחֲטֹא׃
Hos 8.12
אֶכתוֺב 2 אֶכְתָּב־לוֺ 1 רִבּוֺ 2 רֻבֵּי
תּוֺרָתִי כְּמוֺ־זָר נֶחְשָׁבוּ׃
Hos 8.13
זִבְחֵי הַבְהָבַי יִזְבְּחוּ בָשָׂר
וַיֺּאכֵלוּ יְהוָה לֹא רָצָם עַתָּה
יִזְכֹּר עֲוֺנָם וְיִפְקֹד חַטֹּאותָם
הֵמָּה מִצְרַיִם יָשׁוּבוּ׃
Hos 8.14
וַיִּשְׁכַּח יִשְׂרָאֵל אֶת־עֹשֵׂהוּ וַיִּבֶן
הֵיכָלוֺת וִיהוּדָה הִרְבָּה עָרִים
בְּצֻרוֺת וְשִׁלַּחְתִּי־אֵשׁ בְּעָרָיו
וְאָכְלָה אַרְמְנֺתֶיהָ׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT