Hos 2

Full text search

Hos 2
Hos 2.1
וְהָיָה מִסְפַּר בְּנֵי־יִשְׂרָאֵל
כְּחוֺל הַיָּם אֲשֶׁר לֹא־יִמַּד
וְלֹא יִסָּפֵר וְהָיָה בִּמְקוֺם
אֲשֶׁר־יֵאָמֵר לָהֶם לֹא־עַמִּי אַתֶּ
יֵאָמֵר לָהֶם בְּנֵי אֵל־חָי׃
Hos 2.2
וְנִקְבְּצוּ בְּנֵי־יְהוּדָה וּבְנֵי־יִשְׂרָאֵל
יַחְדָּו וְשָׂמוּ לָהֶם רֹאשׁ אֶחָד
וְעָלוּ מִנ־הָאָרֶץ כִּי גָדוֺל
יֺום יִזְרְעֶאל׃
Hos 2.3
אִמְרוּ לַאֲחֵיכֶם עַמִּי וְלַאֲחוֺתֵיכֶם
רֻחָמָה׃
Hos 2.4
רִיבוּ בְאִמְּכֶם רִיבוּ כִּי־הִיא
לֹא אִשְׁתִּי וְאָנֺכִי לֹא אִישָׁהּ
וְתָסֵר זְנוּנֶיהָ מִפָּנֶיה וְנַאֲפוּפֶיהָ
מִבֵּין שָׁדֶיהָ׃
Hos 2.5
פֶּנ־אַפְשִׁיטֶנָּה עֲרֻמָּה וְהִצַּגְתִּיהָ
כְּיֺום הִוָּלְדָהּ וְשַׂמְתִּיהָ כַמִּדְבָּר
וְשַׁתִּהָ כְּאֶרֶץ צִיָּה וַהֲמִתִּיהָ
בַּצָּמָא׃
Hos 2.6
וְאֶת־בָּנֶיהָ לֹא אֲרַחֵם כִּי־בְנֵי
זְנוּנִים הֵמָּה׃
Hos 2.7
כִּי זָנְתָה אִמָּם הֹבִישָׁה הוֺרָתָם
כִּי אָמְרָה אֵלְכָה אַחֲרֵי מְאַהֲבַי
נֺתְנֵי לַחְמִי וּמֵימַי צַמְרִי
וּפִשְׁתִּי שַׁמְנִי וְשִׁקּוּיָי׃
Hos 2.8
לָכֵן הִנְנִי־שָׂך אֶת־דַּרְכֵּך בַּסִּירִים
וְגָדַרְתִּי אֶת־גְּדֵרָהּ וּנְתִיבוֺתֶיהָ
לֹא תִמְצָא׃
Hos 2.9
וְרִדְּפָה אֶת־מְאַהֲבֶיהָ וְלֹא־תַשִּׂיג
אֹתָם וּבִקְשָׁתַם וְלֹא תִמְצָא
וְאָמְרָה אֵלְכָה וְאָשׁוּבָה אֶל־אִישִׁי
הָרִאשׁוֺן כִּי טוֺב לִי אָז מֵעָתָּה׃
Hos 2.10
וְהִיא לֹא יָדְעָה כִּי אָנֺכִי
נָתַתִּי לָהּ הַדָּגָן וְהַתִּירוֺשׁ
וְהַיִּצְהָר וְכֶסֶף הִרְבֵּיתִי לָהּ
וְזָהָב עָשׂוּ לַבָּעַל׃
Hos 2.11
לָכֵן אָשׁוּב וְלָקַחְתִּי דְגָנִי
בְּעִתּוֺ וְתִירוֺשִׁי בְּמוֺעֲדוֺ
וְהִצַּלְתִּי צַמְרִי וּפִשְׁתִּי לְכַסּוֺת
אֶת־עֶרְוָתָהּ׃
Hos 2.12
וְעַתָּה אֲגַלֶּה אֶת־נַבְלֻתָהּ לְעֵינֵי
מְאַהֲבֶיהָ וְאִישׁ לֹא־יַצִּילֶנָּה
מִיָּדִי׃
Hos 2.13
וְהִשְׁבַּתִּי כָּל־מְשׂוֺשָׂהּ חַגָּהּ חָדְשָׁהּ
וְשַׁבַּתָּהּ וְכֹל מוֺעֲדָהּ׃
Hos 2.14
וַהֲשִׁמֹּתִי גַּפְנָהּ וּתְאֵנָתָהּ אֲשֶׁר
אָמְרָה אֶתְנָה הֵמָּה לִי אֲשֶׁר
נָתְנוּ־לִי מְאַהֲבָי וְשַׂמְתִּים
לְיַעַר וַאֲכָלָתַם חַיַּ הַשָּׂדֶה׃
Hos 2.15
וּפָקַדְתִּי עָלֶיהָ אֶת־יְמֵי הַבְּעָלִים
אֲשֶׁר תַּקְטִיר לָהֶם וַתַּעַד נִזְמָהּ
וְחֶלְיָתָהּ וַתֵּלֶך אַחֲרֵי מְאַהֲבֶיהָ
וְאֹתִי שָׁכְחָה נְאֻמ־יְהוָה׃ ף
Hos 2.16
לָכֵן הִנֵּה אָנֺכִי מְפַתֶּיהָ וְהֹלַכְתִּיהָ
הַמִּדְבָּר וְדִבַּרְתִּי עַל־לִבָּהּ׃
Hos 2.17
וְנָתַתִּי לָהּ אֶת־כְּרָמֶיהָ מִשָּׁם
וְאֶת־עֵמֶק עָכוֺר לְפֶתַח תִּקְוָה
וְעָנְתָה שָּׁמָּה כִּימֵי נְעוּרֶיהָ
וִּכְיֺום עֲלֹתָהּ מֵאֶרֶצ־מִצְרָיִם׃
ס
Hos 2.18
וְהָיָה בַיֺּומ־הַהוּא נְאֻמ־יְהוָה
תִּקְרְאִי אִישִׁי וְלֹא־תִקְרְאִי־לִי
עוֺד בַּעְלִי׃
Hos 2.19
וַהֲסִרֹתִי אֶת־שְׁמוֺת הַבְּעָלִים
מִפִּיהָ וְלֹא־יִזָּכְרוּ עוֺד בִּשְׁמָם׃
Hos 2.20
וְכָרַתִּי לָהֶם בְּרִית בַּיֺּום הַהוּא
עִמ־חַיַּת הַשָּׂדֶה וְעִמ־עוֺף הַשָּׁמַיִם
וְרֶמֶשׂ הָאֲדָמָה וְקֶשֶׁת וְחֶרֶב
וּמִלְחָמָה אֶשְׁבּוֺר מִנ־אָרֶץ
וְהִשְׁכַּבְתִּים לָבֶטַח׃
Hos 2.21
וְאֵרַשְׂתִּיך לִי לְעוֺלָם וְאֵרַשְׂתִּיך
לִי בְּצֶדֶק וּבְמִשְׁפָּט וּבְחֶסֶד
וּבְרַחֲמִים׃
Hos 2.22
וְאֵרַשְׂתִּיך לִי בֶּאֱמוּנָה וְיָדַעַתְּ
אֶת־יְהוָה׃ ס
Hos 2.23
וְהָיָה בַּיֺּום הַהוּא אֶעֱנֶה נְאֻמ־יְהוָה
אֶעֱנֶה אֶת־הַשָּׁמָיִם וְהֵם יַעֲנוּ
אֶת־הָאָרֶץ׃
Hos 2.24
וְהָאָרֶץ תַּעֲנֶה אֶת־הַדָּגָן וְאֶת־הַתִּירוֺשׁ
וְאֶת־הַיִּצְהָר וְהֵם יַעֲנוּ אֶת־יִזְרְעֶאל׃
Hos 2.25
וּזְרַעְתִּיהָ לִּי בָּאָרֶץ וְרִחַמְתִּי
אֶת־לֹא רֻחָמָה וְאָמַרְתִּי לְלֹא־עַמִּי
עַמִּי־אַתָּה וְהוּא יֺאמַר אֱלֹהָי׃
ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT