Ez 42

Full text search

Ez 42
Ez 42.1
וַיֺּוצִאֵנִי אֶל־הֶחָצֵר הַחִיצוֺנָה
הַדֶּרֶך דֶּרֶך הַצָּפוֺן וַיְבִאֵנִי
אֶל־הַלִּשְׁכָּה אֲשֶׁר נֶגֶד הַגִּזְרָה
וַאֲשֶׁר־נֶגֶד הַבִּנְיָן ל־הַצָּפוֺן׃
Ez 42.2
אֶל־פְּנֵי־אֹרֶך אַמּוֺת הַמֵּאָה
פֶּתַח הַצָּפוֺן וְהָרֹחַב חֲמִשִּׁים
אַמּוֺת׃
Ez 42.3
נֶגֶד הָעֶשְׂרִים אֲשֶׁר לֶחָצֵר הַפְּנִימִי
וְנֶגֶד רִצְפָה אֲשֶׁר לֶחָצֵר הַחִיצוֺנָה
אַתִּיק אֶל־פְּנֵי־אַתִּיק בַּשְּׁלִשִׁים׃
Ez 42.4
וְלִפְנֵי הַלְּשָׁכוֺת מַהֲלַך עֶשֶׂר
אַמּוֺת רֹחַב אֶל־הַפְּנִימִית דֶּרֶך
אַמָּה אֶחָת וּפִתְחֵיהֶם לַצָּפוֺן׃
Ez 42.5
וְהַלְּשָׁכוֺת הָעֶלְיֺונֺת קְצֻרוֺת
כִּי־יֺוכְלוּ אַתִּיקִים מֵהֵנָה
מֵהַתַּחְתֹּנֺות וּמֵהַתִּכֹנֺות בִּנְיָן׃
Ez 42.6
כִּי מְשֻׁלָּשׁוֺת הֵנָּה וְאֵין לָהֶן
עַמּוּדִים כְּעַמּוּדֵי הַחֲצֵרוֺת
עַל־כֵּן נֶאֱצַל מֵהַתַּחְתּוֺנֺות
וּמֵהַתִּיכֹנֺות מֵהָאָרֶץ׃
Ez 42.7
וְגָדֵר אֲשֶׁר־לַחוּץ לְעֻמַּת הַלְּשָׁכוֺת
דֶּרֶך הֶחָצֵר הַחִצוֺנָה אֶל־פְּנֵי
הַלְּשָׁכוֺת אָרְכּוֺ חֲמִשִּׁים אַמָּה׃
Ez 42.8
כִּי־אֹרֶך הַלְּשָׁכוֺת אֲשֶׁר לֶחָצֵר
הַחִצוֺנָה חֲמִשִּׁים אַמָּה וְהִנֵּה
עַל־פְּנֵי הַהֵיכָל מֵאָה אַמָּה׃
Ez 42.9
וּמִתַּחֲתָה 1 לְּשָׁכוֺת 2 וּמִתַּחַת 2 הַלְּשָׁכוֺת
הָאֵלֶּה 1 הַמָּבוֺא 2 הַמֵּבִיא מֵהַקָּדִים
בְּבֹאוֺ לָהֵנָּה מֵהֶחָצֵר הַחִצֹנָה׃
Ez 42.10
בְּרֹחַב גֶּדֶר הֶחָצֵר דֶּרֶך הַקָּדִים
אֶל־פְּנֵי הַגִּזְרָה וְאֶל־פְּנֵי
הַבִּנְיָן לְשָׁכוֺת׃
Ez 42.11
וְדֶרֶך לִפְנֵיהֶם כְּמַרְאֵה הַלְּשָׁכוֺת
אֲשֶׁר דֶּרֶך הַצָּפוֺן כְּאָרְכָּן
כֵּן רָחְבָּן וְכֹל מוֺצָאֵיהֶן וּכְמִשְׁפְּטֵיהֶן
וּכְפִתְחֵיהֶן׃
Ez 42.12
וּכְפִתְחֵי הַלְּשָׁכוֺת אֲשֶׁר דֶּרֶך
הַדָּרוֺם פֶּתַח בְּרֹאשׁ דָּרֶך דֶּרֶך
בִּפְנֵי הַגְּדֶרֶת הֲגִינָה דֶּרֶך
הַקָּדִים בְּבוֺאָן׃
Ez 42.13
וַיֺּאמֶר אֵלַי לִשְׁכוֺת הַצָּפוֺן
לִשְׁכוֺת הַדָּרוֺם אֲשֶׁר אֶל־פְּנֵי
הַגִּזְרָה הֵנָּה לִשְׁכוֺת הַקֹּדֶשׁ
אֲשֶׁר יֺאכְלוּ־שָׁם הַכֹּהֲנִי אֲשֶׁר־קְרוֺבִים
לַיהוָה קָדְשֵׁי הַקֳּדָשִׁים שָׁם
יַנִּיחוּ קָדְשֵׁי הַקֳּדָשִׁים וְהַמִּנְחָה
וְהַחַטָּאת וְהָאָשָׁם כִּי הַמָּקוֺם
קָדֹשׁ׃
Ez 42.14
בְּבֹאָם הַכֹּהֲנִים וְלֹא־יֵצְאוּ
מֵהַקֹּדֶשׁ אֶל־הֶחָצֵר הַחִיצוֺנָה
וְשָׁם יַנִּיחוּ בִגְדֵיהֶם אֲשֶׁר־יְשָׁרְתוּ
בָהֶן כִּי־קֹדֶשׁ הֵנָּה 1 יִלְשּׁוּ 2 וְלָבְשׁוּ
בְּגָדִים אֲחֵרִים וְקָרְבוּ אֶל־אֲשֶׁר
לָעָם׃
Ez 42.15
וְכִלָּה אֶת־מִדּוֺת הַבַּיִת הַפְּנִימִי
וְהוֺצִיאַנִי דֶּרֶך הַשַּׁעַר אֲשֶׁר
פָּנָיו דֶּרֶך הַקָּדִים וּמְדָדוֺ
סָבִיב סָבִיב׃
Ez 42.16
מָדַד רוּחַ הַקָּדִים בִּקְנֵה הַמִּדָּה
חֲמֵשׁ־אֵמוֺת 2 מֵאוֺת קָנִים בִּקְנֵה
הַמִּדָּה סָבִיב׃
Ez 42.17
מָדַד רוּחַ הַצָּפוֺן חֲמֵשׁ־מֵאוֺת
קָנִים בִּקְנֵה הַמִּדָּה סָבִיב׃
Ez 42.18
אֵת רוּחַ הַדָּרוֺם מָדָד חֲמֵשׁ־מֵאוֺת
קָנִים בִּקְנֵה הַמִּדָּה׃
Ez 42.19
סָבַב אֶל־רוּחַ הַיָּם מָדַד חֲמֵשׁ־מֵאוֺת
קָנִים בִּקְנֵה הַמִּדָּה׃
Ez 42.20
לְאַרְבַּע רוּחוֺת מְדָדוֺ חוֺמָה
לוֺ סָבִיב סָבִיב אֹרֶך חֲמֵשׁ
מֵאוֺת וְרֹחַב חֲמֵשׁ מֵאוֺת לְהַבְדִּיל
בֵּין הַקֹּדֶשׁ לְחֹל׃

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT