Ez 31

Full text search

Ez 31
Ez 31.1
וַיְהִי בְּאַחַת עֶשְׂרֵה שָׁנָה בַּשְּׁלִישִׁי
בְּאֶחָד לַחֹדֶשׁ הָיָה דְבַר־יְהוָה
אֵלַי לֵאמֹר׃
Ez 31.2
בֶּנ־אָדָם אֱמֹר אֶל־פַּרְעֹה מֶלֶכְ־מִצְרַיִם
וְאֶל־הֲמוֺנֺו אֶל־מִי דָּמִיתָ
בְגָדְלֶךָ׃
Ez 31.3
הִנֵּה אַשּׁוּר אֶרֶז בַּלְּבָנֺון
יְפֵה עָנָף וְחֹרֶשׁ מֵצַל וּגְבַהּ
קוֺמָה וּבֵין עֲבֹתִים הָיְתָה
צַמַּרְתּוֺ׃
Ez 31.4
מַיִם גִּדְּלוּהוּ תְּהוֺם רֹמְמָתְהוּ
אֶת־נַהֲרֹתֶיהָ הֹלֵך סְבִיבוֺת
מַטָּעָהּ וְאֶת־תְּעָלֹתֶיהָ שִׁלְחָה
אֶל כָּל־עֲצֵי הַשָּׂדֶה׃
Ez 31.5
עַל־כֵּן גָּבְהָא קֹמָתוֺ מִכֹּל עֲצֵי
הַשָּׂדֶה וַתִּרְבֶּינָה סַרְעַפֹּתָיו
וַתֶּאֱרַכְנָה 1 פֹארֹתוֺ 2 פֹארֹתָיו
מִמַּיִם רַבִּים בְּשַׁלְּחוֺ׃
Ez 31.6
בִּסְעַפֹּתָיו קִנְנוּ כָּל־עוֺף הַשָּׁמַיִם
וְתַחַת פֹּארֹתָיו יָלְדוּ כֹּל חַיַּת
הַשָּׂדֶה וּבְצִלּוֺ יֵשְׁבוּ כֹּל גֺּויִם
רַבִּים׃
Ez 31.7
וַיְּיִף בְּגָדְלוֺ בְּאֹרֶך דָּלִיֺּותָיו
כִּי־הָיָה שָׁרְשׁוֺ אֶל־מַיִם רַבִּים׃
Ez 31.8
אֲרָזִים לֹא־עֲמָמֻהוּ בְּגַנ־אֱלֹהִים
בְּרוֺשִׁים לֹא דָמוּ אֶל־סְעַפֹּתָיו
וְעַרְמֹנִים לֹא־הָיוּ כְּפֹארֹתָיו
כָּל־עֵץ בְּגַנ־אֱלֹהִים לֹא־מָה
אֵלָיו בְּיָפְיֺו׃
Ez 31.9
יָפֶה עֲשִׂיתִיו בְּרֹב דָּלִיֺּותָיו
וַיְקַנְאֻהוּ כָּל־עֲצֵי־עֵדֶן אֲשֶׁר
בְּגַן הָאֱלֹהִים׃ ס
Ez 31.10
לָכֵן כֹּה אָמַר אֲדֹנָי יְהוִה
יַעַן אֲשֶׁר גָּבַהְתָּ בְּקוֺמָה וַיִּתֵּן
צַמַּרְתּוֺ אֶל־בֵּין עֲבוֺתִים
וְרָם לְבָבוֺ בְּגָבְהוֺ׃
Ez 31.11
וְאֶתְּנֵהוּ בְּיַד אֵיל גֺּויִם עָשׂוֺ
יַעֲשֶׂה לוֺ כְּרִשְׁעוֺ גֵּרַשְׁתִּהוּ׃
Ez 31.12
וַיִּכְרְתֻהוּ זָרִים עָרִיצֵי גֺויִם
וַיִּטְּשֻׁהוּ אֶל־הֶהָרִים וּבְכָל־גֵּאָיֺות
נָפְלוּ דָלִיֺּותָיו וַתִּשָּׁבַרְנָה
פֹארֹתָיו בְּכֹל אֲפִיקֵ הָאָרֶץ
וַיֵּרְדוּ מִצִּלּוֺ כָּל־עַמֵּי הָאָרֶץ
וַיִּטְּשֻׁהוּ׃
Ez 31.13
עַל־מַפַּלְתּוֺ יִשְׁכְּנוּ כָּל־עוֺף
הַשָּׁמָיִם וְאֶל־פֹּארֹתָיו הָיוּ
כֹּל חַיַּת הַשָּׂדֶה׃
Ez 31.14
לְמַעַן אֲשֶׁר לֹא־יִגְבְּהוּ בְקוֺמָתָם
כָּל־עֲצֵי־מַיִם וְלֹא־יִתְּנוּ אֶת־צַמַּרְתָּם
אֶל־בֵּין עֲבֹתִים וְלֹא־יַעַמְדוּ
אֵלֵיהֶם בְּגָבְהָם כָּלשֹׁתֵי מָיִם
כִּי־כֻלָּם נִתְּנוּ לַמָּוֶת אֶל־אֶרֶץ
תַּחְתִּית בְּתוֺך בְּנֵי אָדָם אֶל־יֺורְדֵי
בוֺר׃ ס
Ez 31.15
כֹּה־אָמַר אֲדֹנָי יְהוִה בְּיֺום
רִדְתּוֺ שְׁאוֺלָה הֶאֱבַלְתִּי כִּסֵּתִי
עָלָיו אֶת־תְּהוֺם וָאֶמְנַע נַהֲרוֺתֶיהָ
וַיִּכָּלְאוּ מַיִם רַבִּים וָאַקְדִּר
עָלָיו לְבָנֺון וְכָל־עֲצֵי הַשָּׂדֶה
עָלָיו עֻלְפֶּה׃
Ez 31.16
מִקּוֺל מַפַּלְתּוֺ הִרְעַשְׁתִּי גֺויִם
בְּהוֺרִדִי אֹתוֺ שְׁאוֺלָה אֶת־יֺורְדֵי
בוֺר וַיִּנָּחֲמוּ בְּאֶרֶץ תַּחְתִּית
כָּל־עֲצֵי־עֵדֶן מִבְחַר טוֺב־לְבָנֺון
כָּל־שֹׁתֵי מָיִם׃
Ez 31.17
גַּמ־הֵם אִתּוֺ יָרְדוּ שְׁאוֺלָה
אֶל־חַלְלֵי־חָרֶב וּזְרֹעוֺ יָשְׁבוּ
בְצִלּוֺ בְּתוֺך גֺּויִם׃
Ez 31.18
אֶל־מִי דָמִיתָ כָּכָה בְּכָבוֺד
וּבְגֺדֶל בַּעֲצֵי־עֵדֶן וְהוּרַדְתָּ
אֶת־עֲצֵי־עֵדֶן אֶל־אֶרֶץ תַּחְתִּית
בְּתוֺך עֲרֵלִים תִּשְׁכַּב אֶת־חַלְלֵי־חֶרֶב
הוּא פַרְעֹה וְכָל־הֲמוֺנֺה 2 הֲמוֺנֺו
נְאֻם אֲדֹנָי יְהוִה׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT