Ez 21

Full text search

Ez 21
Ez 21.1
וַיְהִי דְבַר־יְהוָה אֵלַי לֵאמֹר׃
Ez 21.2
בֶּנ־אָדָם שִׂים פָּנֶיךָ דֶּרֶך
תֵּימָנָה וְהַטֵּף אֶל־דָּרוֺם וְהִנָּבֵא
אֶל־יַעַר הַשָּׂדֶה נֶגֶב׃
Ez 21.3
וְאָמַרְתָּ לְיַעַר הַנֶּגֶב שְׁמַע
דְּבַר־יְהוָה כֹּה־אָמַר אֲדֹנָי
יְהוִה הִנְנִי מַצִּית־בְּךָ אֵשׁ
וְאָכְלָה בְךָ כָל־עֵצ־לַח וְכָל־עֵ
יָבֵשׁ לֹא־תִכְבֶּה לַהֶבֶת שַׁלְהֶבֶת
וְנִצְרְבוּ־בָהּ כָּל־פָּנִים מִנֶּגֶב
צָפוֺנָה׃
Ez 21.4
וְרָאוּ כָּל־בָּשָׂר כִּי אֲנִי יְהוָה
בִּעַרְתִּיהָ לֹא תִּכְבֶּה׃
Ez 21.5
וָאֹמַר אֲהָהּ אֲדֹנָי יְהוִה הֵמָּה
אֹמְרִים לִי הֲלֹא מְמַשֵּׁל מְשָׁלִים
הוּא׃ ף
Ez 21.6
וַיְהִי דְבַר־יְהוָה אֵלַי לֵאמֹר׃
Ez 21.7
בֶּנ־אָדָם שִׂים פָּנֶיךָ אֶל־יְרוּשָׁלִַם
וְהַטֵּף אֶל־מִקְדָּשִׁים וְהִנָּבֵא
אֶל־אַדְמַת יִשְׂרָאֵל׃
Ez 21.8
וְאָמַרְתָּ לְאַדְמַת יִשְׂרָאֵל כֹּה
אָמַר יְהוָה הִנְנִי אֵלַיִך וְהוֺצֵאתִי
חַרְבִּי מִתַּעְרָהּ וְהִכְרַתִּי מִמֵּך
צַדִּיק וְרָשָׁע׃
Ez 21.9
יַעַן אֲשֶׁר־הִכְרַתִּי מִמֵּך צַדִּיק
וְרָשָׁע לָכֵן תֵּצֵא חַרְבִּי מִתַּעְרָהּ
אֶל־כָּל־בָּשָׂר מִנֶּגֶב צָפוֺן׃
Ez 21.10
וְיָדְעוּ כָּל־בָּשָׂר כִּי אֲנִי יְהוָה
הוֺצֵאתִי חַרְבִּי מִתַּעְרָהּ לֹא
תָשׁוּב עוֺד׃ ס
Ez 21.11
וְאַתָּה בֶנ־אָדָם הֵאָנַח בְּשִׁבְרוֺן
מָתְנַיִם וּבִמְרִירוּת תֵּאָנַח לְעֵינֵיהֶם׃
Ez 21.12
וְהָיָה כִּי־יֺאמְרוּ אֵלֶיךָ עַל־מָה
אַתָּה נֶאֱנָח וְאָמַרְתָּ אֶל־שְׁמוּעָה
כִי־בָאָה וְנָמֵס כָּל־לֵב וְרָפוּ
כָל־יָדַיִם וְכִהֲתָה כָל־רחַ וְכָל־בִּרְכַּיִם
תֵּלַכְנָה מַּיִם הִנֵּה בָאָה וְנִהְיָתָה
נְאֻם אֲדֹנָי יְהוִה׃ ף
Ez 21.13
וַיְהִי דְבַר־יְהוָה אֵלַי לֵאמֹר׃
Ez 21.14
בֶּנ־אָדָם הִנָּבֵא וְאָמַרְתָּ כֹּה
אָמַר אֲדֹנָי אֱמֹר חֶרֶב חֶרֶב
הוּחַדָּה וְגַמ־מְרוּטָה׃
Ez 21.15
לְמַעַן טְבֹחַ טֶבַח הוּחַדָּה לְמַעַנ־הֱיֵה־לָהּ
בָּרָק מֹרָטָּה אוֺ נָשִׂישׂ שֵׁבֶט
בְּנִי מֹאֶסֶת כָּל־עֵץ׃
Ez 21.16
וַיִּתֵּן אֹתָהּ לְמָרְטָה לִתְפֹּשׂ בַּכָּף
הִיא־הוּחַדָּה חֶרֶב וְהִיא מֹרָטָּה
לָתֵת אוֺתָהּ בְּיַד־הוֺרֵג׃
Ez 21.17
זְעַק וְהֵילֵל בֶּנ־אָדָם כִּי־הִיא
הָיתָה בְעַמִּי הִיא בְּכָל־נְשִׂיאֵי
יִשְׂרָאֵל מְגוּרֵי אֶל־חֶרֶב הָיוּ
אֶת־עַמִּי לָכֵן סְפֹק אֶל־יָרֵך
Ez 21.18
כִּי בֹחַן וּמָה אִמ־גַּמ־שֵׁבֶט
מֹאֶסֶת לֹא יִהְיֶה נְאֻם אֲדֹנָי
יְהוִה׃ ף
Ez 21.19
וְאַתָּה בֶנ־אָדָם הִנָּבֵא וְהַך
כַּף אֶל־כָּף וְתִכָּפֵל חֶרֶב שְׁלִישִׁתָה
חֶרֶב חֲלָלִים הִיא חֶרֶב חָלָל
הַגָּדוֺל הַחֹדֶרֶת לָהֶם׃
Ez 21.20
לְמַעַן לָמוּג לֵב וְהַרְבֵּה הַמִּכְשֹׁלִים
עַל כָּל־שַׁעֲרֵיהֶם נָתַתִּי אִבְחַת־חָרֶב
אָח עֲשׂוּיָה לְבָרָק מְעֻטָּה לְטָבַח׃
Ez 21.21
הִתְאַחֲדִי הֵימִנִי הָשִׂימִי הַשְׂמִילִי
אָנָה פָּנַיִך מֻעָדוֺת׃
Ez 21.22
וְגַמ־אֲנִי אַכֶּה כַפִּי אֶל־כַּפִּי
וַהֲנִחֹתִי חֲמָתִי אֲנִי יְהוָה
דִּבַּרְתִּי׃ ף
Ez 21.23
וַיְהִי דְבַר־יְהוָה אֵלַי לֵאמֹר׃
Ez 21.24
וְאַתָּה בֶנ־אָדָם שִׂימ־לְךָ שְׁנַיִם
דְּרָכִים לָבוֺא חֶרֶב מֶלֶכְ־בָּבֶל
מֵאֶרֶץ אֶחָד יֵצְאוּ שְׁנֵיהֶם
וְיָד בָּרֵא בְּרֹאשׁ דֶּרֶכְ־עִיר
בָּרֵא׃
Ez 21.25
דֶּרֶך תָּשִׂים לָבוֺא חֶרֶב אֵת
רַבַּת בְּנֵי־עַמּוֺן וְאֶת־יְהוּדָה
בִירוּשָׁלִַם בְּצוּרָה׃
Ez 21.26
כִּי־עָמַד מֶלֶכְ־בָּבֶל אֶל־אֵם
הַדֶּרֶך בְּרֹאשׁ שְׁנֵי הַדְּרָכִים
לִקְסָמ־קָסֶם קִלְקַל בַּחִצִּים
שָׁאַל בַּתְּרָפִים רָאָה בַּכָּבֵד׃
Ez 21.27
בִּימִינֺו הָיָה הַקֶּסֶם יְרוּשָׁלִַם
לָשׂוּם כָּרִים לִפְתֹּחַ פֶּה בְּרֶצַח
לְהָרִים קוֺל בִּתְרוּעָה לָשׂוּם
כָּרִים עַל־שְׁעָרִים לִשְׁפֹּך סֹלְלָה
לִבְנֺות דָּיֵק׃
Ez 21.28
וְהָיָה לָהֶם 1 כִּקְסוֺם 2 כִּקְסָמ־שָׁוְא
בְּעֵינֵיהֶם שְׁבֻעֵי שְׁבֻעוֺת לָהֶם
וְהוּא־מַזְכִּיר עָוֺן לְהִתָּפֵשׂ׃
ף
Ez 21.29
לָכֵן כֹּה־אָמַר אֲדֹנָי יְהוִה
יַעַן הַזְכַּרְכֶם עֲוֺנְכֶם בְּהִגָּלוֺת
פִּשְׁעֵיכֶם לְהֵרָאוֺת חַטֹּאותֵיכֶם
בְּכֹל עֲלִילוֺתֵיכֶם יַן הִזָּכֶרְכֶם
בַּכַּף תִּתָּפֵשׂוּ׃ ף
Ez 21.30
וְאַתָּה חָלָל רָשָׁע נְשִׂיא יִשְׂרָאֵל
אֲשֶׁר־בָּא יֺומוֺ בְּעֵת עֲוֺן קֵץ׃
ס
Ez 21.31
כֹּה אָמַר אֲדֹנָי יְהוִה הָסִיר
הַמִּצְנֶפֶת וְהָרִים הָעֲטָרָה זֺאת
לֹא־זֺאת הַשָּׁפָלָה הַגְבֵּהַ וְהַגָּבֹהַ
הַשְׁפִּיל׃
Ez 21.32
עַוָּה עַוָּה עַוָּה אֲשִׂימֶנָּה גַּמ־זֺאת
לֹא הָיָה עַד־בֹּא אֲשֶׁר־לוֺ
הַמִּשְׁפָּט וּנְתַתִּיו׃ ף
Ez 21.33
וְאַתָּה בֶנ־אָדָם הִנָּבֵא וְאָמַרְתָּ
כֹּה אָמַר אֲדֹנָי יְהֹוִה אֶל־בְּנֵי
עַמּוֺן וְאֶל־חֶרְפָּתָם וְאָמַרְתָּ
חֶרֶב חֶרֶב פְּתוּחָה לְטֶח מְרוּטָה
לְהָכִיל לְמַעַן בָּרָק׃
Ez 21.34
בַּחֲזֺות לָך שָׁוְא בִּקְסָמ־לָך
כָּזָב לָתֵת אוֺתָך אֶל־צַוְּארֵי
חַלְלֵי רְשָׁעִים אֲשֶׁר־בָּא יֺומָם
בְּעֵת עֲוֺן קֵץ׃
Ez 21.35
הָשַׁב אֶל־תַּעְרָהּ בִּמְקוֺם אֲשֶׁר־נִבְרֵאת
בְּאֶרֶץ מְכֻרוֺתַיִך אֶשְׁפֹּט אֹתָך׃
Ez 21.36
וְשָׁפַכְתִּי עָלַיִך זַעְמִי בְּאֵשׁ
עֶבְרָתִי אָפִיחַ עָלָיִך וּנְתַתִּיך
בְּיַד אֲנָשִׁים בֹּעֲרִים חָרָשֵׁי
מַשְׁחִית׃
Ez 21.37
לָאֵשׁ תִּהְיֶה לְאָכְלָה דָּמֵך יִהְיֶה
בְּתוֺך הָאָרֶץ לֹא תִזָּכֵרִי כִּי
אֲנִי יְהוָה דִּבַּרְתִּי׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT