Ez 19

Full text search

Ez 19
Ez 19.1
וְאַתָּה שָׂא קִינָה אֶל־נְשִׂיאֵי
יִשְׂרָאֵל׃
Ez 19.2
וְאָמַרְתָּ מָה אִמְּךָ לְבִיָּא בֵּין
אֲרָיֺות רָבָצָה בְּתוֺך כְּפִרִים
רִבְּתָה גוּרֶיהָ׃
Ez 19.3
וַתַּעַל אֶחָד מִגֻּרֶיהָ כְּפִיר הָיָה
וַיִּלְמַד לִטְרָפ־טֶרֶף אָדָם אָכָל׃
Ez 19.4
וַיִּשְׁמְעוּ אֵלָיו גֺּויִם בְּשַׁחְתָּם
נִתְפָּשׂ וַיְבִאֻהוּ בַחַחִים אֶל־אֶרֶץ
מִצְרָיִם׃
Ez 19.5
וַתֵּרֶא כִּי נֺוחֲלָה אָבְדָה תִּקְוָתָהּ
וַתִּקַּח אֶחָד מִגֻּרֶיהָ כְּפִיר שָׂמָתְהוּ׃
Ez 19.6
וַיִּתְהַלֵּך בְּתוֺכְ־אֲרָיֺות כְּפִיר
הָיָה וַיִּלְמַד לִטְרָפ־טֶרֶף אָדָם
אָכָל׃
Ez 19.7
וַיֵּדַע אַלְמְנֺותָיו וְעָרֵיהֶם
הֶחֱרִיב וַתֵּשַׁם אֶרֶץ וּמְלֹאָהּ
מִקּוֺל שַׁאֲגָתוֺ׃
Ez 19.8
וַיִּתְּנוּ עָלָיו גֺּויִם סָבִיב
מִמְּדִינֺות וַיִּפְרְשׂוּ עָלָיו
רִשְׁתָּם בְּשַׁחְתָּם נִתְפָּשׂ׃
Ez 19.9
וַיִּתְּנֻהוּ בַסּוּגַר בַּחַחִים וַיְבִאֻהוּ
אֶל־מֶלֶך בָּבֶל יְבִאֻהוּ בַּמְּצֹדוֺת
לְמַעַן לֹא־יִשָּׁמַע קוֺלוֺ עוֺד
אֶל־הָרֵי יִשְׂרָאֵל׃ ף
Ez 19.10
אִמְּךָ כַגֶּפֶן בְּדָמְךָ עַל־מַיִם
שְׁתוּלָה פֹּרִיָּה וַעֲנֵפָה הָיְתָה
מִמַּיִם רַבִּים׃
Ez 19.11
וַיִּהְיוּ־לָהּ מַטּוֺת עֹז אֶל־שִׁבְטֵי
מֹשְׁלִים וַתִּגְבַּהּ קוֺמָתוֺ עַל־בֵּין
עֲבֹתִים וַיֵּרָא בְגָבְהוֺ בְּרֹב
דָּלִיֺּתָיו׃
Ez 19.12
וַתֻּתַּשׁ בְּחֵמָה לָאָרֶץ הֻשְׁלָכָה
וְרוּחַ הַקָּדִים הוֺבִישׁ פִּרְיָהּ
הִתְפָּרְקוּ וְיָבֵשׁוּ מַטֵּה עֻזָּהּ
אֵשׁ אֲכָלָתְהוּ׃
Ez 19.13
וְעַתָּה שְׁתוּלָה בַמִּדְבָּר בְּאֶרֶץ
צִיָּה וְצָמָא׃
Ez 19.14
וַתֵּצֵא אֵשׁ מִמַּטֵּה בַדֶּיהָ פִּרְיָהּ
אָכָלָה וְלֹא־הָיָה בָהּ מַטֵּה־עֹז
שֵׁבֶט לִמְשׁוֺל קִינָה הִיא וַתְּהִי
לְקִינָה׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT