Deut 24

Full text search

Deut 24
Deut 24.1
כִּי־יִקַּח אִישׁ אִשָּׁה וּבְעָלָהּ
וְהָיָה אִמ־לֹא תִמְצָא־חֵן בְּעֵינָיו
כִּי־מָצָא בָהּ עֶרְוַת דָּבָר וְכָתַב
לָהּ סֵפֶר כְּרִיתֻת וְנָתַן בְּיָדָהּ
וְשִׁלְּחָהּ מִבֵּיתוֺ׃
Deut 24.2
וְיָצְאָה מִבֵּיתוֺ וְהָלְכָה וְהָיְתָה
לְאִישׁ־אַחֵר׃
Deut 24.3
וּשְׂנֵאָהּ הָאִישׁ הָאַחֲרוֺן וְכָתַב
לָהּ סֵפֶר כְּרִיתֻת וְנָתַן בְּיָדָהּ
וְשִׁלְּחָהּ מִבֵּיתוֺ אוֺ כִי יָמוּת
הָאִישׁ הָאַחֲרוֺן אֲשֶׁר־לְקָחָהּ
לוֺ לְאִשָּׁה׃
Deut 24.4
לֹא־יוּכַל בַּעְלָהּ הָרִאשׁוֺן
אֲשֶׁר־שִׁלְּחָהּ לָשׁוּב לְקַחְתָּהּ לִהְיֺות
לוֺ לְאִשָּׁה אַחֲרֵי אֲשֶׁר הֻטַּמָּאָה
כִּי־תוֺעֵבָה הִוא לִפְנֵייְהוָה
וְלֹא תַחֲטִיא אֶת־הָאָרֶץ אֲשֶׁר
יְהוָה אֱלֹהֶיךָ נֺתֵן לְךָ נַחֲלָה׃
ס
Deut 24.5
כִּי־יִקַּח אִישׁ אִשָּׁה חֲדָשָׁה
לֹא יֵצֵא בַּצָּבָא וְלֹא־יַעֲבֹר
עָלָיו לְכָל־דָּבָר נָקִי יִהְיֶה
לְבֵיתוֺ שָׁנָה אֶחָת וְשִׂמַּח אֶת־אִשְׁתּוֺ
אֲשֶׁר־לָקָח׃ ס
Deut 24.6
לֹא־יַחֲבֹל רֵחַיִם וָרָכֶב כִּי־נֶפֶשׁ
הוּא חֹבֵל׃ ס
Deut 24.7
כִּי־יִמָּצֵא אִישׁ גֺּנֵב נֶפֶשׁ
מֵאֶחָיו מִבְּנֵי יִשְׂרָאֵל וְהִתְעַמֶּר־בּוֺ
וּמְכָרוֺ וּמֵת הַגַּנָּב הַהוּא וּבִעַרְתָּ
הָרָע מִקִּרְבֶּךָ׃
Deut 24.8
הִשָּׁמֶר בְּנֶגַע־הַצָּרַעַת לִשְׁמֹר
מְאֹד וְלַעֲשׂוֺת כְּכֹל אֲשֶׁר־יֺורוּ
אֶתְכֶם הַכֹּהֲנִים הַלְוִיִּם כַּאֲשֶׁר
צִוִּיתִם תִּשְׁמְרוּ לַעֲשׂוֺ׃ ס
Deut 24.9
זָכוֺר אֵת אֲשֶׁר־עָשָׂה יְהוָה
אֱלֹהֶיךָ לְמִרְיָם בַּדֶּרֶך בְּצֵאתְכֶם
מִמִּצְרָיִם׃ ס
Deut 24.10
כִּי־תַשֶּׁה בְרֵעֲךְָ מַשַּׁאת מְאוּמָה
לֹא־תָבֹא אֶל־בֵּיתוֺ לַעֲבֹט עֲבֹטוֺ׃
Deut 24.11
בַּחוּץ תַּעֲמֹד וְהָאִישׁ אֲשֶׁר אַתָּה
נֺשֶׁה בוֺ יֺוצִיא אֵלֶיךָ אֶת־הַעֲבוֺט
הַחוּצָה׃
Deut 24.12
וְאִמ־אִישׁ עָנִי הוּא לֹא תִשְׁכַּב
בַּעֲבֹטוֺ׃
Deut 24.13
הָשֵׁב תָּשִׁיב לוֺ אֶת־הַעֲבוֺט
כְּבֹא הַשֶּׁמֶשׁ וְשָׁכַב בְּשַׂלְמָתוֺ
וּבֵרֲכֶךָּ וּלְךָ תִּהְיֶה צְדָקָה לִפְנֵי
יְהוָה אֱלֹהֶיךָ׃ ס
Deut 24.14
לֹא־תַעֲשֹׁק שָׂכִיר עָנִי וְאֶבְיֺון
מֵאַחֶיךָ אוֺ מִגֵּרְךָ אֲשֶׁר בְּאַרְצְךָ
בִּשְׁעָרֶיךָ׃
Deut 24.15
בְּיֺומוֺ תִתֵּן שְׂכָרוֺ וְלֹא־תָבוֺא
עָלָיו הַשֶּׁמֶשׁ כִּי עָנִי הוּא
וְאֵלָיו הוּא נֺשֵׂא אֶת־נַפְשׁוֺ
וְלֹא־יִקְרָא עָלֶיךָ אֶל־יְהוָה
וְהָיָה בְךָ חֵטְא׃ ס
Deut 24.16
לֹא־יוּמְתוּ אָבוֺת עַל־בָּנִים
וּבָנִים לֹא־יוּמְתוּ עַל־אָבוֺת
אִישׁ בְּחֶטְאוֺ יוּמָתוּ׃ ס
Deut 24.17
לֹא תַטֶּה מִשְׁפַּט גֵּר יָתוֺם וְלֹא
תַחֲבֹל בֶּגֶד אַלְמָנָה׃
Deut 24.18
וְזָכַרְתָּ כִּי עֶבֶד הָיִיתָ בְּמִצְרַיִם
וַיִּפְדְּךָ יְהוָה אֱלֹהֶיךָ מִשָּׁם
עַל־כֵּן אָנֺכִי מְצַוְּךָ לַעֲשׂוֺת
אֶת־הַדָּבָר הַזֶּה׃ ס
Deut 24.19
כִּי תִקְצֹר קְצִירְךָ בְשָׂדֶךָ וְשָׁכַחְתָּ
עֹמֶר בַּשָּׂדֶה לֹא תָשׁוּב לְקַחְתּוֺ
לַגֵּר לַיָּתוֺם וְלָאַלְמָנָה יִהְיֶה
לְמַעַן יְבָרֶכְךָ יְוָה אֱלֹהֶיךָ
בְּכֹל מַעֲשֵׂה יָדֶיךָ׃
Deut 24.20
כִּי תַחְבֹּט זֵיתְךָ לֹא תְפָאֵר
אַחֲרֶיךָ לַגֵּר לַיָּתוֺם וְלָאַלְמָנָה
יִהְיֶה׃ ס
Deut 24.21
כִּי תִבְצֹר כַּרְמְךָ לֹא תְעוֺלֵל
אַחֲרֶיךָ לַגֵּר לַיָּתוֺם וְלָאַלְמָנָה
יִהְיֶה׃
Deut 24.22
וְזָכַרְתָּ כִּי־עֶבֶד הָיִיתָ בְּאֶרֶץ
מִצְרָיִם עַל־כֵּן אָנֺכִי מְצַוְּךָ
לַעֲשׂוֺת אֶת־הַדָּבָר הַזֶּה׃ ס

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT