Ez 13 | Biblia Hebraica | Reference Library

Full text search

Ez 13

Ez 13.1

וַיְהִי דְבַר־יְהוָה אֵלַי לֵאמֹר׃

Sz K K2 R R2 E D D2 H H# G G# L

Ez 13.2

בֶּנ־אָדָם הִנָּבֵא אֶל־נְבִיאֵי
יִשְׂרָאֵל הַנִּבָּאִים וְאָמַרְתָּ לִנְבִיאֵי
מִלִּבָּם שִׁמְעוּ דְּבַר־יְהוָה׃

Sz K K2 R R2 E D D2 H H# G G# L

Ez 13.3

כֹּה אָמַר אֲדֹנָי יְהוִה הוֺי
עַל־הַנְּבִיאִים הַנְּבָלִים אֲשֶׁר
הֹלְכִים אַחַר רוּחָם וּלְבִלְתִּי
רָאוּ׃

Sz K K2 R R2 E D D2 H H# G G# L

Ez 13.4

כְּשֻׁעָלִים בָּחֳרָבוֺת נְבִיאֶיךָ
יִשְׂרָאֵל הָיוּ׃

Sz K K2 R R2 E D D2 H H# G G# L

Ez 13.5

לֹא עֲלִיתֶם בַּפְּרָצוֺת וַתִּגְדְּרוּ
גָדֵר עַל־בֵּית יִשְׂרָאֵל לַעֲמֹד
בַּמִּלְחָמָה בְּיֺום יְהוָה׃

Sz K K2 R R2 E D D2 H H# G G# L

Ez 13.6

חָזוּ שָׁוְא וְקֶסֶם כָּזָב הָאֹמְרִים
נְאֻמ־יְהוָה וַיהוָה לֹא שְׁלָחָם
וְיִחֲלוּ לְקַיֵּם דָּבָר׃

Sz K K2 R R2 E D D2 H H# G G# L

Ez 13.7

הֲלוֺא מַחֲזֵה־שָׁוְא חֲזִיתֶם וּמִקְסַם
כָּזָב אֲמַרְתֶּם וְאֹמְרִים נְאֻמ־יְהוָה
וַאֲנִי לֹא דִבַּרְתִּי׃ ס

Sz K K2 R R2 E D D2 H H# G G# L

Ez 13.8

לָכֵן כֹּה אָמַר אֲדֹנָי יְהוִה
יַעַן דַּבֶּרְכֶם שָׁוְא וַחֲזִיתֶם
כָּזָב לָכֵן הִנְנִי אֲלֵיכֶם נְאֻם
אֲדֹנָי יְהוִה׃

Sz K K2 R R2 E D D2 H H# G G# L

Ez 13.9

וְהָיְתָה יָדִי אֶל־הַנְּבִיאִים
הַחֹזִים שָׁוְא וְהַקֹּסְמִים כָּזָב
בְּסוֺד עַמִּי לֹא־יִהְיוּ וּבִכְתָב
בֵּית־יִשְׂרָאֵל לֹא יִכָּתֵבוּ וְאֶל־דְמַת
יִשְׂרָאֵל לֹא יָבֹאוּ וִידַעְתֶּם
כִּי אֲנִי אֲדֹנָי יְהוִה׃

Sz K K2 R R2 E D D2 H H# G G# L

Ez 13.10

יַעַן וּבְיַעַן הִטְעוּ אֶת־עַמִּי
לֵאמֹר שָׁלוֺם וְאֵין שָׁלוֺם וְהוּא
בֹּנֶה חַיִץ וְהִנָּם טָחִים אֹתוֺ
תָּפֵל׃

Sz K K2 R R2 E D D2 H H# G G# L

Ez 13.11

אֱמֹר אֶל־טָחֵי תָפֵל וְיִפֹּל הָיָה
גֶּשֶׁם שׁוֺטֵף וְאַתֵּנָה אַבְנֵי
אֶלְגָּבִישׁ תִּפֹּלְנָה וְרוּחַ סְעָרוֺת
תְּבַקֵּעַ׃

Sz K K2 R R2 E D D2 H H# G G# L

Ez 13.12

וְהִנֵּה נָפַל הַקִּיר הֲלוֺא יֵאָמֵר
אֲלֵיכֶם אַיֵּה הַטִּיחַ אֲשֶׁר טַחְתֶּם׃
ס

Sz K K2 R R2 E D D2 H H# G G# L

Ez 13.13

לָכֵן כֹּה אָמַר אֲדֹנָי יְהוִה
וּבִקַּעְתִּי רוּחַ־סְעָרוֺת בַּחֲמָתִי
וְגֶשֶׁם שֹׁטֵף בְּאַפִּי יִהְיֶה וְאַבְנֵי
אֶלְגָּבִישׁ בְּחֵמָה לְכָלָה׃

Sz K K2 R R2 E D D2 H H# G G# L

Ez 13.14

וְהָרַסְתִּי אֶת־הַקִּיר אֲשֶׁר־טַחְתֶּם
תָּפֵל וְהִגַּעְתִּיהוּ אֶל־הָאָרֶץ
וְנִגְלָה יְסֹדוֺ וְנָפְלָה וּכְלִיתֶם
בְּתוֺכָהּ וִידַעְתֶּם כִּי־אֲנִי
יְהוָה׃

Sz K K2 R R2 E D D2 H H# G G# L

Ez 13.15

וְכִלֵּיתִי אֶת־חֲמָתִי בַּקִּיר וּבַטָּחִים
אֹתוֺ תָּפֵל וְאֹמַר לָכֶם אֵין
הַקִּיר וְאֵין הַטָּחִים אֹתוֺ׃

Sz K K2 R R2 E D D2 H H# G G# L

Ez 13.16

נְבִיאֵי יִשְׂרָאֵל הַנִבְּאִים אֶל־יְרוּשָׁלִַם
וְהַחֹזִים לָהּ חֲזֺון שָׁלֹם וְאֵין
שָׁלֹם נְאֻם אֲדֹנָי יְהֹוִה׃ ף

Sz K K2 R R2 E D D2 H H# G G# L

Ez 13.17

וְאַתָּה בֶנ־אָדָם שִׂים פָּנֶיךָ
אֶל־בְּנֺות עַמְּךָ הַמִּתְנַבְּאוֺת
מִלִּבְּהֶן וְהִנָּבֵא עֲלֵיהֶן׃

Sz K K2 R R2 E D D2 H H# G G# L

Ez 13.18

וְאָמַרְתָּ כֹּה־אָמַר אֲדֹנָי יְהוִה
הוֺי לִמְתַפְּרוֺת כְּסָתוֺת עַל
כָּל־אַצִּילֵי יָדַי וְעֹשׂוֺת הַמִּסְפָּחוֺת
עַל־רֹאשׁ כָּל־קוֺמָה לְצוֺדֵד
נְפָשׁוֺת הַנְּפָשׁוֺת תְּצוֺדֵדְנָה
לְעַמִּי וּנְפָשׁוֺת לָכֶנָה תְחַיֶּינָה׃

Sz K K2 R R2 E D D2 H H# G G# L

Ez 13.19

וַתְּחַלֶּלְנָה אֹתִי אֶל־עַמִּי בְּשַׁעֲלֵי
שְׂעֹרִים וּבִפְתוֺתֵי לֶחֶם לְהָמִית
נְפָשׁוֺת אֲשֶׁר לֹא־תְמוּתֶנָה וּלְחַיֺּות
נְפָשׁוֺת אֲשֶׁר לֹא־חְיֶינָה בְּכַזֶּבְכֶם
לְעַמִּי שֹׁמְעֵי כָזָב׃ ס

Sz K K2 R R2 E D D2 H H# G G# L

Ez 13.20

לָכֵן כֹּה־אָמַר אֲדֹנָי יְהוִה
הִנְנִי אֶל־כִּסְּתוֺתֵיכֶנָה אֲשֶׁר
אַתֵּנָה מְצֹדְדוֺת שָׁם אֶת־הַנְּפָשׁוֺת
לְפֹרְחוֺת וְקָרַעְתִּי אֹתָם מֵעַל
זְרוֺעֹתֵיכֶם וְשִׁלַּחְתִּי אֶת־הַנְּפָשׁוֺת
אֲשֶׁר אַתֶּם מְצֹדְדוֺת אֶת־נְפָשִׁים
לְפֹרְחֹת׃