2Chron 20

Full text search

2Chron 20
2Chron 20.1
וַיְהִי אַחֲרֵיכֵן בָּאוּ בְנֵי־מוֺאָב
וּבְנֵי עַמּוֺן וְעִמָּהֶם מֵהָעַמּוֺנִים
עַל־יְהוֺשָׁפָט לַמִּלְחָמָה׃
Sz K K2 R R2 E D D2 H H# G G# L
2Chron 20.2
וַיָּבֹאוּ וַיַּגִּידוּ לִיהוֺשָׁפָט
לֵאמֹר בָּא עָלֶיךָ הָמוֺן רָב
מֵעֵבֶר לַיָּם מֵאֲרָם וְהִנָּם בְּחַצְצוֺן
תָּמָר הִיא עֵין גֶּדִי׃
Sz K K2 R R2 E D D2 H H# G G# L
2Chron 20.3
וַיִּרָא וַיִתֵּן יְהוֺשָׁפָט אֶת־פָּנָיו
לִדְרוֺשׁ לַיהוָה וַיִּקְרָא־צוֺם
עַל־כָּל־יְהוּדָה׃
Sz K K2 R R2 E D D2 H H# G G# L
2Chron 20.4
וַיִּקָּבְצוּ יְהוּדָה לְבַקֵּשׁ מֵיְהוָה
גַּם מִכָּל־עָרֵי יְהוּדָה בָּאוּ
לְבַקֵּשׁ אֶת־יְהוָה׃
Sz K K2 R R2 E D D2 H H# G G# L
2Chron 20.5
וַיַּעֲמֹד יְהוֺשָׁפָט בִּקְהַל יְהוּדָה
וִירוּשָׁלִַם בְּבֵית יְהוָה לִפְנֵי
הֶחָצֵר הַחֲדָשָׁה׃
Sz K K2 R R2 E D D2 H H# G G# L
2Chron 20.6
וַיֺּאמַר יְהוָה אֱלֹהֵי אֲבֹתֵינוּ
הֲלֹא אַתָּה־הוּא אֱלֹהִים בַּשָּׁמַיִם
וְאַתָּה מוֺשֵׁל בְּכֹל מַמְלְכוֺת
הַגֺּויִם וּבְיָדְךָ כֹּחַ וּבוּרָה
וְאֵין עִמְּךָ לְהִתְיַצֵּב׃
Sz K K2 R R2 E D D2 H H# G G# L
2Chron 20.7
הֲלֹא אַתָּה אֱלֹהֵינוּ הוֺרַשְׁתָּ
אֶת־יֺשְׁבֵי הָאָרֶץ הַזֺּאת מִלִּפְנֵי
עַמְּךָ יִשְׂרָאֵל וַתִּתְּנָהּ לְזֶרַע
אַבְרָהָם אֹהַבְךָ לְעוֺלָם׃
Sz K K2 R R2 E D D2 H H# G G# L
2Chron 20.8
וַיֵּשְׁבוּ־בָהּ וַיִּבְנוּ לְךָ בָּהּ
מִקְדָּשׁ לְשִׁמְךָ לֵאמֹר׃
Sz K K2 R R2 E D D2 H H# G G# L
2Chron 20.9
אִמ־תָּבוֺא עָלֵינוּ רָעָה חֶרֶב
שְׁפוֺט וְדֶבֶר וְרָעָב נַעַמְדָה
לִפְנֵי הַבַּיִת הַזֶּה וּלְפָנֶיךָ
כִּי שִׁמְךָ בַּבַּיִת הַזֶּה וְנִזְעַק
לֶיךָ מִצָּרָתֵנוּ וְתִשְׁמַע וְתוֺשִׁיעַ׃
Sz K K2 R R2 E D D2 H H# G G# L
2Chron 20.10
וְעַתָּה הִנֵּה בְנֵי־עַמּוֺן וּמוֺאָב
וְהַר־שֵׂעִיר אֲשֶׁר לֹא־נָתַתָּה
לְיִשְׂרָאֵל לָבוֺא בָהֶם בְּבֹאָם
מֵאֶרֶץ מִצְרָיִם כִּי סָרוּ מֵעֲלֵיהֶם
וְלֹא הִשְׁמִידוּם׃
Sz K K2 R R2 E D D2 H H# G G# L
2Chron 20.11
וְהִנֵּה־הֵם גֺּמְלִים עָלֵינוּ לָבוֺא
לְגָרְשֵׁנוּ מִיְּרֻשָּׁתְךָ אֲשֶׁר הוֺרַשְׁתָּנוּ׃
Sz K K2 R R2 E D D2 H H# G G# L
2Chron 20.12
אֱלֹהֵינוּ הֲלֹא תִשְׁפָּט־בָּם כִּי
אֵין בָּנוּ כֹּחַ לִפְנֵי הֶהָמוֺן
הָרָב הַזֶּה הַבָּא עָלֵינוּ וַאֲנַחְנוּ
לֹא נֵדַע מַה־נַּעֲשֶׂה כִּי עָלֶיךָ
עֵינֵינוּ׃
Sz K K2 R R2 E D D2 H H# G G# L
2Chron 20.13
וְכֹל־יְהוּדָה עֹמְדִים לִפְנֵי
יְהוָה גַּמ־טַפָּם נְשֵׁיהֶם וּבְנֵיהֶם׃
ף
Sz K K2 R R2 E D D2 H H# G G# L
2Chron 20.14
וְיַחֲזִיאֵל בֶּנ־זְכַרְיָהוּ בֶּנ־בְּנָיָה
בֶּנ־יְעִיאֵל בֶּנ־מַתַּנְיָה הַלֵּוִי
מִנ־בְּנֵי אָסָף הָיְתָה עָלָיו
רוּחַ יְהוָה בְּתוֺך הַקָּהָל׃
Sz K K2 R R2 E D D2 H H# G G# L
2Chron 20.15
וַיֺּאמֶר הַקְשִׁיבוּ כָל־יְהוּדָה
וְיֺשְׁבֵי יְרוּשָׁלִַם וְהַמֶּלֶך יְהוֺשָׁפָט
כֹּה־אָמַר יְהוָה לָכֶם אַתֶּם
אַל־תִּירְאוּ וְאַל־תֵּחַתּוּ מִפְּנֵי
הֶהָמוֺן הָרָב הַזֶּה כִּי לֹא
לָכֶם הַמִּלְחָמָה כִּי לֵאלֹהִים׃
Sz K K2 R R2 E D D2 H H# G G# L
2Chron 20.16
מָחָר רְדוּ עֲלֵיהֶם הִנָּם עֹלִים
בְּמַעֲלֵה הַצִּיץ וּמְצָאתֶם אֹתָם
בְּסוֺף הַנַּחַל פְּנֵי מִדְבַּר יְרוּאֵל׃
Sz K K2 R R2 E D D2 H H# G G# L
2Chron 20.17
לֹא לָכֶם לְהִלָּחֵם בָּזֺאת הִתְיַצְּבוּ
עִמְדוּ וּרְאוּ אֶת־יְשׁוּעַת יְהוָה
עִמָּכֶם יְהוּדָה וִירוּשָׁלִַם אַל־תִּירְאוּ
וְאַל־תֵּחַתּוּ מָחָרצְאוּ לִפְנֵיהֶם
וַיהוָה עִמָּכֶם׃
Sz K K2 R R2 E D D2 H H# G G# L
2Chron 20.18
וַיִּקֹּד יְהוֺשָׁפָט אַפַּיִם אָרְצָה
וְכָל־יְהוּדָה וְיֺשְׁבֵי יְרוּשָׁלִַם
נָפְלוּ לִפְנֵי יְהוָה לְהִשְׁתַּחֲוֺת
לַיהוָה׃
Sz K K2 R R2 E D D2 H H# G G# L
2Chron 20.19
וַיָּקֻמוּ הַלְוִיִּם מִנ־בְּנֵי הַקְּהָתִים
וּמִנ־בְּנֵי הַקָּרְחִים לְהַלֵּל לַיהוָה
אֱלֹהֵי יִשְׂרָאֵל בְּקוֺל גָּדוֺל
לְמָעְלָה׃
Sz K K2 R R2 E D D2 H H# G G# L
2Chron 20.20
וַיַּשְׁכִּימוּ בַבֹּקֶר וַיֵּצְאוּ לְמִדְבַּר
תְּקוֺעַ וּבְצֵאתָם עָמַד יְהוֺשָׁפָט
וַיֺּאמֶר שְׁמָעוּנִי יְהוּדָה וְיֺשְׁבֵי
יְרוּשָׁלִַם הַאֲמִינוּ בַּיהוָה
אֱלֹהֵיכֶם וְתֵאָמֵנוּ הַאֲמִינוּ
בִנְבִיאָיו וְהַצְלִיחוּ׃
Sz K K2 R R2 E D D2 H H# G G# L
2Chron 20.21
וַיִּוָּעַץ אֶל־הָעָם וַיַּעֲמֵד מְשֹׁרֲרִים
לַיהוָה וּמְהַלְלִים לְהַדְרַת־קֹדֶשׁ
בְּצֵאת לִפְנֵי הֶחָלוּץ וְאֹמְרִים
הוֺדוּ לַיהוָה כִּילְעוֺלָם חַסְדּוֺ׃
Sz K K2 R R2 E D D2 H H# G G# L
2Chron 20.22
וּבְעֵת הֵחֵלּוּ בְרִנָּה וּתְהִלָּה
נָתַן יְהוָה מְאָרְבִים עַל־בְּנֵי
עַמּוֺן מוֺאָב וְהַר־שֵׂעִיר הַבָּאִים
לִיהוּדָה וַיִּנָּגֵפוּ׃
Sz K K2 R R2 E D D2 H H# G G# L
2Chron 20.23
וַיַּעַמְדוּ בְּנֵי עַמּוֺן וּמוֺאָב
עַל־יֺשְׁבֵי הַר־שֵׂעִיר לְהַחֲרִים
וּלְהַשְׁמִיד וּכְכַלּוֺתָם בְּיֺושְׁבֵי
שֵׂעִיר עָזְרוּ אִישׁ־בְּרֵעֵהוּ לְמַשְׁחִית׃
Sz K K2 R R2 E D D2 H H# G G# L
2Chron 20.24
וִיהוּדָה בָּא עַל־הַמִּצְפֶּה לַמִּדְבָּר
וַיִּפְנוּ אֶל־הֶהָמוֺן וְהִנָּם פְּגָרִים
נֺפְלִים אַרְצָה וְאֵין פְּלֵיטָה׃
Sz K K2 R R2 E D D2 H H# G G# L
2Chron 20.25
וַיָּבֹא יְהוֺשָׁפָט וְעַמּוֺ לָבֹז
אֶת־שְׁלָלָם וַיִּמְצְאוּ בָהֶם לָרֹב
וּרְכוּשׁ וּפְגָרִים וּכְלֵי חֲמֻדוֺת
וַיְנַצְּלוּ לָהֶם לְאֵין מַשָּׂא וַיִּהְיוּ
יָמִים שְׁלוֺשָׁה בֹּזְזִים אֶת־הַשָּׁלָל
כִּי רַב־הוּא׃
Sz K K2 R R2 E D D2 H H# G G# L
2Chron 20.26
וּבַיֺּום הָרְבִעִי נִקְהֲלוּ לְעֵמֶק
בְּרָכָה כִּי־שָׁם בֵּרֲכוּ אֶת־יְהוָה
עַל־כֵּן קָרְאוּ אֶת־שֵׁם הַמָּקוֺם
הַהוּא עֵמֶק בְּרָכָה עַד־הַוּם׃
Sz K K2 R R2 E D D2 H H# G G# L
2Chron 20.27
וַיָּשֻׁבוּ כָּל־אִישׁ יְהוּדָה וִירוּשָׁלִַם
וִיהוֺשָׁפָט בְּרֹאשָׁם לָשׁוּב אֶל־יְרוּשָׁלִַם
בְּשִׂמְחָה כִּי־שִׂמְּחָם יְהוָה מֵאוֺיְבֵיהֶם׃
Sz K K2 R R2 E D D2 H H# G G# L
2Chron 20.28
וַיָּבֹאוּ יְרוּשָׁלִַם בִּנְבָלִים וּבְכִנֺּרוֺת
וּבַחֲצֹצְרוֺת אֶל־בֵּית יְהוָה׃
Sz K K2 R R2 E D D2 H H# G G# L
2Chron 20.29
וַיְהִי פַּחַד אֱלֹהִים עַל כָּל־מַמְלְכוֺת
הָאֲרָצוֺת בְּשָׁמְעָם כִּי נִלְחַם
יְהוָה עִם אוֺיְבֵי יִשְׂרָאֵל׃
Sz K K2 R R2 E D D2 H H# G G# L
2Chron 20.30
וַתִּשְׁקֹט מַלְכוּת יְהוֺשָׁפָט וַיָּנַח
לוֺ אֱלֹהָיו מִסָּבִיב׃ ף
Sz K K2 R R2 E D D2 H H# G G# L
2Chron 20.31
וַיִּמְלֹך יְהוֺשָׁפָט עַל־יְהוּדָה
בֶּנ־שְׁלֹשִׁים וְחָמֵשׁ שָׁנָה בְּמָלְכוֺ
וְעֶשְׂרִים וְחָמֵשׁ שָׁנָה מָלַך בִּירוּשָׁלִַם
וְשֵׁם אִמּוֺ עֲזוּבָה בַּת־שִׁלְחִי׃
Sz K K2 R R2 E D D2 H H# G G# L
2Chron 20.32
וַיֵּלֶך בְּדֶרֶך אָבִיו אָסָא וְלֹא־סָר
מִמֶּנָּה לַעֲשׂוֺת הַיָּשָׁר בְּעֵינֵי
יְהוָה׃
Sz K K2 R R2 E D D2 H H# G G# L
2Chron 20.33
אַך הַבָּמוֺת לֹא־סָרוּ וְעוֺד
הָעָם לֹא־הֵכִינוּ לְבָבָם לֵאלֹהֵי
אֲבֹתֵיהֶם׃
Sz K K2 R R2 E D D2 H H# G G# L
2Chron 20.34
וְיֶתֶר דִּבְרֵי יְהוֺשָׁפָט הָרִאשֹׁנִים
וְהָאַחֲרֹנִים הִנָּם כְּתוּבִים בְּדִבְרֵי
יֵהוּא בֶנ־חֲנָנִי אֲשֶׁר הֹעֲלָה
עַל־סֵפֶר מַלְכֵי יִשְׂרָאֵל׃
Sz K K2 R R2 E D D2 H H# G G# L
2Chron 20.35
וְאַחֲרֵיכֵן אֶתְחַבַּר יְהוֺשָׁפָט
מֶלֶכְ־יְהוּדָה עִם אֲחַזְיָה מֶלֶכְ־יִשְׂרָאֵל
הוּא הִרְשִׁיעַ לַעֲשׂוֺת׃
Sz K K2 R R2 E D D2 H H# G G# L
2Chron 20.36
וַיְחַבְּרֵהוּ עִמּוֺ לַעֲשׂוֺת אֳנִיֺּות
לָלֶכֶת תַּרְשִׁישׁ וַיַּעֲשׂוּ אֳנִיֺּות
בְּעֶצְיֺון גָּבֶר׃
Sz K K2 R R2 E D D2 H H# G G# L
2Chron 20.37
וַיִּתְנַבֵּא אֱלִיעֶזֶר בֶּנ־דֹּדָוָהוּ
מִמָּרֵשָׁה עַל־יְהוֺשָׁפָט לֵאמֹר
כְּהִתְחַבֶּרְךָ עִמ־אֲחַזְיָהוּ פָּרַץ
יְהוָה אֶת־מַעֲשֶׂיךָ וַיִּשָּׁבְרוּ
אֳנִיֺּות וְלֹא עָצְרוּ לָלֶכֶת
אֶל־תַּרְשִׁישׁ׃
Sz K K2 R R2 E D D2 H H# G G# L

 

 

Noviny Arcanum
Noviny Arcanum

Zaujíma Vás, čo o tejto téme písali noviny za posledných 250 rokov?

Zobraziť

Arcanum logo

Arcanum Adatbázis Kiadó, popredný poskytovateľ obsahu v Maďarsku, začal svoju činnosť 1. januára 1989. Spoločnosť sa zaoberá hromadnou digitalizáciou kultúrneho obsahu, jeho triedením do databáz a publikovaním.

O nás Kontakt Tlačové správy

Databázy

Noviny Arcanum

Historické mapy

Hungaricana

Technológia

Digitalizácia

Historické mapy

Umelá inteligencia

Languages







Noviny Arcanum

Noviny Arcanum
Zaujíma Vás, čo o tejto téme písali noviny za posledných 250 rokov?

Zobraziť