For full functionality of this site (searching, viewing images, maps and pdf files) it is necessary to enable JavaScript. Here are the instructions how to enable JavaScript in your web browser.

1Sam 14

Full text search

1Sam 14

1Sam 14.1

וַיְהִי הַיֺּום וַיֺּאמֶר יֺונָתָן
בֶּנ־שָׁאוּל אֶל־הַנַּעַר נֺשֵׂא כֵלָיו
לְכָה וְנַעְבְּרָה אֶל־מַצַּב פְּלִשְׁתִּים
אֲשֶׁר מֵעֵבֶר הַלָּז וּלְאָבִיו לֹא
הִגִּיד׃

Sz K K2 R R2 E D D2 H H# G G# L

1Sam 14.2

וְשָׁאוּל יֺושֵׁב בִּקְצֵה הַגִּבְעָה
תַּחַת הָרִמּוֺן אֲשֶׁר בְּמִגְרוֺן
וְהָעָם אֲשֶׁר עִמּוֺ כְּשֵׁשׁ מֵאוֺת
אִישׁ׃

Sz K K2 R R2 E D D2 H H# G G# L

1Sam 14.3

וַאֲחִיָּה בֶנ־אֲחִטוּב אֲחִי אִיכָבוֺד
בֶּנ־פִּינְחָס בֶּנ־עֵלִי כֹּהֵן
יְהוָה בְּשִׁלוֺ נֺשֵׂא אֵפוֺד וְהָעָם
לֹא יָדַע כִּי הָלַך יֺונָתָן׃

Sz K K2 R R2 E D D2 H H# G G# L

1Sam 14.4

וּבֵין הַמַּעְבְּרוֺת אֲשֶׁר בִּקֵּשׁ
יֺונָתָן לַעֲבֹר עַל־מַצַּב פְּלִשְׁתִּים
שֵׁנ־הַסֶּלַע מֵהָעֵבֶר מִזֶּה וְשֵׁנ־הַסֶּלַע
מֵהָעֵבֶר מִזֶּה שֵׁם הָאֶחָד בּוֺצֵץ
וְשֵׁם הָאֶחָד סֶנֶּה׃

Sz K K2 R R2 E D D2 H H# G G# L

1Sam 14.5

הַשֵּׁן הָאֶחָד מָצוּק מִצָּפוֺן מוּל
מִכְמָשׂ וְהָאֶחָד מִנֶּגֶב מוּל
גָּבַע׃ ס

Sz K K2 R R2 E D D2 H H# G G# L

1Sam 14.6

וַיֺּאמֶר יְהוֺנָתָן אֶל־הַנַּעַר
נֺשֵׂא כֵלָיו לְכָה וְנַעְבְּרָה
אֶל־מַצַּב הָעֲרֵלִים הָאֵלֶּה אוּלַי
יַעֲשֶׂה יְהוָה לָנוּ כִּי אֵין
לַיהוָה מַעְצוֺר לְהוֺשִׁיעַ בְּרַב
אוֺ בִמְעָט׃

Sz K K2 R R2 E D D2 H H# G G# L

1Sam 14.7

וַיֺּאמֶר לוֺ נֺשֵׂא כֵלָיו עֲשֵׂה
כָּל־אֲשֶׁר בִּלְבָבֶךָ נְטֵה לָך הִנְנִי
עִמְּךָ כִּלְבָבֶךָ׃ ס

Sz K K2 R R2 E D D2 H H# G G# L

1Sam 14.8

וַיֺּאמֶר יְהוֺנָתָן הִנֵּה אֲנַחְנוּ
עֹבְרִים אֶל־הָאֲנָשִׁים וְנִגְלִינוּ
אֲלֵיהֶם׃

Sz K K2 R R2 E D D2 H H# G G# L

1Sam 14.9

אִמ־כֹּה יֺאמְרוּ אֵלֵינוּ דֹמּוּ
עַד־הַגִּיעֵנוּ אֲלֵיכֶם וְעָמַדְנוּ
תַחְתֵּינוּ וְלֹא נַעֲלֶה אֲלֵיהֶם׃

Sz K K2 R R2 E D D2 H H# G G# L

1Sam 14.10

וְאִמ־כֹּה יֺאמְרוּ עֲלוּ עָלֵינוּ
וְעָלִינוּ כִּי־נְתָנָם יְהוָה בְּיָדֵנוּ
וְזֶה־לָּנוּ הָאוֺת׃

Sz K K2 R R2 E D D2 H H# G G# L

1Sam 14.11

וַיִּגָּלוּ שְׁנֵיהֶם אֶל־מַצַּב פְּלִשְׁתִּים
וַיֺּאמְרוּ פְלִשְׁתִּים הִנֵּה עִבְרִים
יֺצְאִים מִנ־הַחֹרִים אֲשֶׁר הִתְחַבְּאוּ־שָׁם׃

Sz K K2 R R2 E D D2 H H# G G# L

1Sam 14.12

וַיַּעֲנוּ אַנְשֵׁי הַמַּצָּבָה אֶת־יֺונָתָן
וְאֶת־נֺשֵׂא כֵלָיו וַיֺּאמְרוּ עֲלוּ
אֵלֵינוּ וְנֺודִיעָה אֶתְכֶם דָּבָר
ף וַיֺּאמֶר יֺונָתָן אֶל־שֵׂא כֵלָיו
עֲלֵה אַחֲרַי כִּי־נְתָנָם יְהוָה
בְּיַד יִשְׂרָאֵל׃

Sz K K2 R R2 E D D2 H H# G G# L

1Sam 14.13

וַיַּעַל יֺונָתָן עַל־יָדָיו וְעַל־רַגְלָיו
וְנֺשֵׂא כֵלָיו אַחֲרָיו וַיִּפְּלוּ
לִפְנֵי יֺונָתָן וְנֺשֵׂא כֵלָיו
מְמוֺתֵת אַחֲרָיו׃

Sz K K2 R R2 E D D2 H H# G G# L

1Sam 14.14

וַתְּהִי הַמַּכָּה הָרִאשֹׁנָה אֲשֶׁר
הִכָּה יֺונָתָן וְנֺשֵׂא כֵלָיו כְּעֶשְׂרִים
אִישׁ כְּבַחֲצִי מַעֲנָה צֶמֶד שָׂדֶה׃

Sz K K2 R R2 E D D2 H H# G G# L

1Sam 14.15

וַתְּהִי חֲרָדָה בַמַּחֲנֶה בַשָּׂדֶה
וּבְכָל־הָעָם הַמַּצָּב וְהַמַּשְׁחִית
חָרְדוּ גַּמ־הֵמָּה וַתִּרְגַּז הָאָרֶץ
וַתְּהִי לְחֶרְדַּת אֱלֹהִים׃

Sz K K2 R R2 E D D2 H H# G G# L

1Sam 14.16

וַיִּרְאוּ הַצֹּפִים לְשָׁאוּל בְּגִבְעַת
בִּנְיָמִן וְהִנֵּה הֶהָמוֺן נָמוֺג
וַיֵּלֶך וַהֲלֹם׃ ף

Sz K K2 R R2 E D D2 H H# G G# L

1Sam 14.17

וַיֺּאמֶר שָׁאוּל לָעָם אֲשֶׁר אִתּוֺ
פִּקְדוּ־נָא וּרְאוּ מִי הָלַך
מֵעִמָּנוּ וַיִּפְקְדוּ וְהִנֵּה אֵין
יֺונָתָן וְנֺשֵׂא כֵלָיו׃

Sz K K2 R R2 E D D2 H H# G G# L

1Sam 14.18

וַיֺּאמֶר שָׁאוּל לַאֲחִיָּה הַגִּישָׁה
אֲרוֺן הָאֱלֹהִים כִּי־הָיָה אֲרוֺן
הָאֱלֹהִים בַּיֺּום הַהוּא וּבְנֵי
יִשְׂרָאֵל׃

Sz K K2 R R2 E D D2 H H# G G# L

1Sam 14.19

וַיְהִי עַד דִּבֶּר שָׁאוּל אֶל־הַכֹּהֵן
וְהֶהָמוֺן אֲשֶׁר בְּמַחֲנֵה פְלִשְׁתִּים
וַיֵּלֶך הָלוֺך וָרָב ף וַיֺּאמֶר
שָׁאוּל אֶל־הַכֹּהֵן אֱסֹף יָדֶךָ׃

Sz K K2 R R2 E D D2 H H# G G# L

1Sam 14.20

וַיִּזָּעֵק שָׁאוּל וְכָל־הָעָם אֲשֶׁר
אִתּוֺ וַיָּבֹאוּ עַד־הַמִּלְחָמָה
וְהִנֵּה הָיְתָה חֶרֶב אִישׁ בְּרֵעֵהוּ
מְהוּמָה גְּדוֺלָה מְאֹד׃

Sz K K2 R R2 E D D2 H H# G G# L

1Sam 14.21

וְהָעִבְרִים הָיוּ לַפְּלִשְׁתִּים
כְּאֶתְמוֺל שִׁלְשׁוֺם אֲשֶׁר עָלוּ
עִמָּם בַּמַּחֲנֶה סָבִיב וְגַמ־הֵמָּה
לִהְיֺות עִמ־יִשְׂרָאֵל אֲשֶׁר עִמ־שָׁאוּל
וְיֺונָתָן׃

Sz K K2 R R2 E D D2 H H# G G# L

1Sam 14.22

וְכֹל אִישׁ יִשְׂרָאֵל הַמִּתְחַבְּאִים
בְּהַר־אֶפְרַיִם שָׁמְעוּ כִּי־נָסוּ
פְּלִשְׁתִּים וַיַּדְבְּקוּ גַמ־הֵמָּה
אַחֲרֵיהֶם בַּמִּלְחָמָה׃

Sz K K2 R R2 E D D2 H H# G G# L

1Sam 14.23

וַיֺּושַׁע יְהוָה בַּיֺּום הַהוּא
אֶת־יִשְׂרָאֵל וְהַמִּלְחָמָה עָבְרָה
אֶת־בֵּית אָוֶן׃

Sz K K2 R R2 E D D2 H H# G G# L

1Sam 14.24

וְאִישׁ־יִשְׂרָאֵל נִגַּשׂ בַּיֺּום
הַהוּא וַיֺּאֶל שָׁאוּל אֶת־הָעָם
לֵאמֹר אָרוּר הָאִישׁ אֲשֶׁר־יֺאכַל
לֶחֶם עַד־הָעֶרֶב וְנִקַּמְתִּי מֵאֹיְבַי
וְלֹא טָעַם כָּל־הָעָם לָחֶם׃ ס

Sz K K2 R R2 E D D2 H H# G G# L

1Sam 14.25

וְכָל־הָאָרֶץ בָּאוּ בַיָּעַר וַיְהִי
דְבַשׁ עַל־פְּנֵי הַשָּׂדֶה׃

Sz K K2 R R2 E D D2 H H# G G# L

1Sam 14.26

וַיָּבֹא הָעָם אֶל־הַיַּעַר וְהִנֵּה
הֵלֶך דְּבָשׁ וְאֵינ־מַשִּׂיג יָדוֺ
אֶל־פִּיו כִּי־יָרֵא הָעָם אֶת־הַשְּׁבֻעָה׃

Sz K K2 R R2 E D D2 H H# G G# L

1Sam 14.27

וְיֺונָתָן לֹא־שָׁמַע בְּהַשְׁבִּיעַ
אָבִיו אֶת־הָעָם וַיִּשְׁלַח אֶת־קְצֵה
הַמַּטֶּה אֲשֶׁר בְּיָדוֺ וַיִּטְבֹּל אוֺתָהּ
בְּיַעְרַת הַדְּבָשׁ וַיָּשֶׁ יָדוֺ אֶל־פִּיו 1 וַתָּרֹאנָה 2 וַתָּאֹרְנָה
עֵינָיו׃

Sz K K2 R R2 E D D2 H H# G G# L

1Sam 14.28

וַיַּעַן אִישׁ מֵהָעָם וַיֺּאמֶר הַשְׁבֵּעַ
הִשְׁבִּיעַ אָבִיךָ אֶת־הָעָם לֵאמֹר
אָרוּר הָאִישׁ אֲשֶׁר־יֺאכַל לֶחֶם
הַיֺּום וַיָּעַף הָעָם׃

Sz K K2 R R2 E D D2 H H# G G# L

1Sam 14.29

וַיֺּאמֶר יֺונָתָן עָכַר אָבִי אֶת־הָאָרֶץ
רְאוּ־נָא כִּי־אֹרוּ עֵינַי כִּי
טָעַמְתִּי מְעַט דְּבַשׁ הַזֶּה׃

Sz K K2 R R2 E D D2 H H# G G# L

1Sam 14.30

אַף כִּי לוּא אָכֹל אָכַל הַיֺּום
הָעָם מִשְּׁלַל אֹיְבָיו אֲשֶׁר מָצָא
כִּי עַתָּה לֹא־רָבְתָה מַכָּה בַּפְּלִשְׁתִּים׃

Sz K K2 R R2 E D D2 H H# G G# L

1Sam 14.31

וַיַּכּוּ בַּיֺּום הַהוּא בַּפְּלִשְׁתִּים
מִמִּכְמָשׂ אַיָּלֹנָה וַיָּעַף הָעָם
מְאֹד׃

Sz K K2 R R2 E D D2 H H# G G# L

1Sam 14.32

וַיַּעַשׂ 2 וַיַּעַט הָעָם אֶל־שָׁלָל 2 הַשָּׁלָל
וַיִּקְחוּ צֹאן וּבָקָר וּבְנֵי בָקָר
וַיִּשְׁחֲטוּ־אָרְצָה וַיֺּאכַל הָעָם
עַל־הַדָּם׃

Sz K K2 R R2 E D D2 H H# G G# L

1Sam 14.33

וַיַּגִּידוּ לְשָׁאוּל לֵאמֹר הִנֵּה
הָעָם חֹטִאים לַיהוָה לֶאֱכֹל
עַל־הַדָּם וַיֺּאמֶר בְּגַדְתֶּם גֺּלּוּ־אֵלַי
הַיֺּום אֶבֶן גְּדוֺלָה׃

Sz K K2 R R2 E D D2 H H# G G# L

1Sam 14.34

וַיֺּאמֶר שָׁאוּל פֻּצוּ בָעָם וַאֲמַרְתֶּם
לָהֶם הַגִּישׁוּ אֵלַי אִישׁ שׁוֺרוֺ
וְאִישׁ שְׂיֵהוּ וּשְׁחַטְתֶּם בָּזֶה
וַאֲכַלְתֶּם וְלֹא־תֶחֶטְאוּ לַיהוָה
לֶאֱכֹל אֶל־הַדָּם וַיַּגִּשׁוּ כָל־הָעָם
אִישׁ שׁוֺרוֺ בְיָדוֺ הַלַּיְלָה וַיִּשְׁחֲטוּ־שָׁם׃

Sz K K2 R R2 E D D2 H H# G G# L

1Sam 14.35

וַיִּבֶן שָׁאוּל מִזְבֵּחַ לַיהוָה
אֹתוֺ הֵחֵל לִבְנֺות מִזְבֵּחַ לַיהוָה׃
ף

Sz K K2 R R2 E D D2 H H# G G# L

1Sam 14.36

וַיֺּאמֶר שָׁאוּל נֵרְדָה אַחֲרֵי
פְלִשְׁתִּים לַיְלָה וְנָבֹזָה בָהֶם
עַד־אוֺר הַבֹּקֶר וְלֹא־נַשְׁאֵר
בָּהֶם אִישׁ וַיֺּאמְרוּ כָּל־הַטּוֺבבְּעֵינֶיךָ
עֲשֵׂה ס וַיֺּאמֶר הַכֹּהֵן נִקְרְבָה
הֲלֹם אֶל־הָאֱלֹהִים׃

Sz K K2 R R2 E D D2 H H# G G# L

1Sam 14.37

וַיִּשְׁאַל שָׁאוּל בֵּאלֹהִים הַאֵרֵד
אַחֲרֵי פְלִשְׁתִּים הֲתִתְּנֵם בְּיַד
יִשְׂרָאֵל וְלֹא עָנָהוּ בַּיֺּום הַהוּא׃

Sz K K2 R R2 E D D2 H H# G G# L

1Sam 14.38

וַיֺּאמֶר שָׁאוּל גֺּשׁוּ הֲלֹם כֹּל
פִּנֺּות הָעָם וּדְעוּ וּרְאוּ בַּמָּה
הָיְתָה הַחַטָּאת הַזֺּאת הַיֺּום׃

Sz K K2 R R2 E D D2 H H# G G# L

1Sam 14.39

כִּי חַי־יְהוָה הַמּוֺשִׁיעַ אֶת־יִשְׂרָאֵל
כִּי אִמ־יֶשְׁנֺו בְּיֺונָתָן בְּנִי
כִּי מוֺת יָמוּת וְאֵין עֹנֵהוּ
מִכָּל־הָעָם׃

Sz K K2 R R2 E D D2 H H# G G# L

1Sam 14.40

וַיֺּאמֶר אֶל־כָּל־יִשְׂרָאֵל אַתֶּם
תִּהְיוּ לְעֵבֶר אֶחָד וַאֲנִי וְיֺונָתָן
בְּנִי נִהְיֶה לְעֵבֶר אֶחָד וַיֺּאמְרוּ
הָעָם אֶל־שָׁאוּל הַוּב בְּעֵינֶיךָ
עֲשֵׂה׃ ס

Sz K K2 R R2 E D D2 H H# G G# L

1Sam 14.41

וַיֺּאמֶר שָׁאוּל אֶל־יְהוָה אֱלֹהֵי
יִשְׂרָאֵל הָבָה תָמִים וַיִּלָּכֵד
יֺונָתָן וְשָׁאוּל וְהָעָם יָצָאוּ׃

Sz K K2 R R2 E D D2 H H# G G# L

1Sam 14.42

וַיֺּאמֶר שָׁאוּל הַפִּילוּ בֵּינִי
וּבֵין יֺונָתָן בְּנִי וַיִּלָּכֵד
יֺונָתָן׃

Sz K K2 R R2 E D D2 H H# G G# L

1Sam 14.43

וַיֺּאמֶר שָׁאוּל אֶל־יֺונָתָן הַגִּידָה
לִּי מֶה עָשִׂיתָה וַיַּגֶּד־לוֺ יֺונָתָן
וַיֺּאמֶר טָעֹם טָעַמְתִּי בִּקְצֵה
הַמַּטֶּה אֲשֶׁר־בְּיָדִי מְעַט דְּבַשׁ
הִנְנִי אָמוּת׃

Sz K K2 R R2 E D D2 H H# G G# L

1Sam 14.44

וַיֺּאמֶר שָׁאוּל כֹּה־יַעֲשֶׂה אֱלֹהִים
וְכֹה יֺוסִף כִּי־מוֺת תָּמוּת
יֺונָתָן׃

Sz K K2 R R2 E D D2 H H# G G# L

1Sam 14.45

וַיֺּאמֶר הָעָם אֶל־שָׁאוּל הֲיֺונָתָן
יָמוּת אֲשֶׁר עָשָׂה הַיְשׁוּעָה הַגְּדוֺלָה
הַזֺּאת בְּיִשְׂרָאֵל חָלִילָה חַי־יְהוָה
אִמ־יִפֹּל מִשַּׂעֲרַ רֹאשׁוֺ אַרְצָה
כִּי־עִמ־אֱלֹהִים עָשָׂה הַיֺּום
הַזֶּה וַיִּפְדּוּ הָעָם אֶת־יֺונָתָן
וְלֹא־מֵת׃ ס

Sz K K2 R R2 E D D2 H H# G G# L

1Sam 14.46

וַיַּעַל שָׁאוּל מֵאַחֲרֵי פְּלִשְׁתִּים
וּפְלִשְׁתִּים הָלְכוּ לִמְקוֺמָם׃

Sz K K2 R R2 E D D2 H H# G G# L

1Sam 14.47

וְשָׁאוּל לָכַד הַמְּלוּכָה עַל־יִשְׂרָאֵל
וַיִּלָּחֶם סָבִיב בְּכָל־אֹיְבָיו
בְּמוֺאָב וּבִבְנֵי־עַמּוֺן וּבֶאֱדוֺם
וּבְמַלְכֵי צוֺבָה וּבַפְּלִשְׁתִּים
וּבְכֹל אֲשֶׁר־יִפְנֶה יַרְשִׁיעַ׃

Sz K K2 R R2 E D D2 H H# G G# L

1Sam 14.48

וַיַּעַשׂ חַיִל וַיַּך אֶת־עֲמָלֵק
וַיַּצֵּל אֶת־יִשְׂרָאֵל מִיַּד שֹׁסֵהוּ׃
ס

Sz K K2 R R2 E D D2 H H# G G# L

1Sam 14.49

וַיִּהְיוּ בְּנֵי שָׁאוּל יֺונָתָן
וְיִשְׁוִי וּמַלְכִּי־שׁוּעַ וְשֵׁם
שְׁתֵּי בְנֺתָיו שֵׁם הַבְּכִירָה מֵרַב
וְשֵׁם הַקְּטַנָּה מִיכַל׃

Sz K K2 R R2 E D D2 H H# G G# L

1Sam 14.50

וְשֵׁם אֵשֶׁת שָׁאוּל אֲחִינֺעַם
בַּת־אֲחִימָעַץ וְשֵׁם שַׂר־צְבָאוֺ
אֲבִינֵר בֶּנ־נֵר דּוֺד שָׁאוּל׃

Sz K K2 R R2 E D D2 H H# G G# L

1Sam 14.51

וְקִישׁ אֲבִי־שָׁאוּל וְנֵר אֲבִי־אַבְנֵר
בֶּנ־אֲבִיאֵל׃ ס

Sz K K2 R R2 E D D2 H H# G G# L

1Sam 14.52

וַתְּהִי הַמִּלְחָמָה חֲזָקָה עַל־פְּלִשְׁתִּים
כֹּל יְמֵי שָׁאוּל וְרָאָה שָׁאוּל
כָּל־אִישׁ גִּבּוֺר וְכָל־בֶּנ־חַיִל
וַיַּאַסְפֵהוּ אֵלָיו׃ ס

Sz K K2 R R2 E D D2 H H# G G# L

Noviny Arcanum

Noviny Arcanum

Zaujíma Vás, čo o tejto téme písali noviny za posledných 250 rokov?

Arcanum Adatbázis Kiadó, popredný poskytovateľ obsahu v Maďarsku, začal svoju činnosť 1. januára 1989. Spoločnosť sa zaoberá hromadnou digitalizáciou kultúrneho obsahu, jeho triedením do databáz a publikovaním.

O nás Kontakt Tlačové správy

Databázy

Historické mapy

Technológia

Historické mapy

Umelá inteligencia

Languages

Noviny Arcanum

Noviny Arcanum
Zaujíma Vás, čo o tejto téme písali noviny za posledných 250 rokov?