Gabriel de villa Folth litigavit cum villanis Bagya, scilicet Pet, Terpe, Ioanne, Sycia pro occisione sui filii, coram iudice Nicolao, palatino comite, quos discuciens per pristaldum suum nomine Ymarad de villa Seureg misit Varadinum ad examen iudicialis ferri. Qui in loco taliter convenerunt, ut eorum tres, scilicet Pet, Terpe, Ioannes darent Gabrieli decem et septem marcas in die Sancti Ioannis Baptistae in loco Varadiensi. Quod si non persolverent in eodem die, duplo persolvere tenerentur et idem satisfacere iudici. Gabriel vero pristaldo satisfaceret. Sycia tamen cum filio suo Paulo in loco Porozlou iuramento suo se purgaret. Terram autem, quam praefati villani a Bugard in commune emptam habebant, cuius occasione homicidium perpetratum est, ex aequo dividerent ita, quod aequali particione uterque sibi partem contiguam acciperet. Participes autem eiusdem homicidii, qui castrenses sunt, prędicti quattuor homines expellere de cohabitacione sua tenerentur.
Ziarele Arcanum
Vezi ce au spus ziarele din ultimii 250 de ani despre acest subiect!
Vezi ce au spus ziarele din ultimii 250 de ani despre acest subiect!
Caută în cea mai mare arhivă digitală de ziare din Europa de Est, ce conține reviste, publicații științifice, săptămânale și cotidiene.