לַמְנַצֵּחַ לְעֶבֶד יְהוָה לְדָוִד
אֲשֶׁר דִּבֶּר לַיהוָה אֶת־דִּבְרֵי
הַשִּׁירָה הַזֺּאת בְּיֺום הִצִּיל־יְהוָה
אוֺתוֺ מִכַּף כָּל־אֹיְבָי וּמִיַּד
שָׁאוּל׃
וַיֺּאמַר אֶרְחָמְךָ יְהוָה חִזְקִי׃
יְהוָה סַלְעִי וּמְצוּדָתִי וּמְפַלְטִי
אֵלִי צוּרִי אֶחֱסֶה־בּוֺ מָגִנִּי
וְקֶרֶנ־יִשְׁעִי מִשְׂגַּבִּי׃
מְהֻלָּל אֶקְרָא יְהוָה וּמִנ־אֹיְבַי
אִוָּשֵׁעַ׃
אֲפָפוּנִי חֶבְלֵי־מָוֶת וְנַחֲלֵי
בְלִיַּעַל יְבַעֲתוּנִי׃
חֶבְלֵי שְׁאוֺל סְבָבוּנִי קִדְּמוּנִי
מוֺקְשֵׁי מָוֶת׃
בַּצַּר־לִי אֶקְרָא יְהוָה וְאֶל־אֱלֹהַי
אֲשַׁוֵּעַ יִשְׁמַע מֵהֵיכָלוֺ קוֺלִי
וְשַׁוְעָתִי לְפָנָיו תָּבוֺא בְאָזְנָיו׃
וַתִּגְעַשׁ וַתִּרְעַשׁ הָאָרֶץ וּמוֺסְדֵי
הָרִים יִרְגָּזוּ וַיִּתְגָּעֲשׁוּ כִּי־חָרָה
לוֺ׃
עָלָה עָשָׁן בְּאַפּוֺ וְאֵשׁ־מִפִּיו
תֹּאכֵל גֶּחָלִים בָּעֲרוּ מִמֶּנּוּ׃
וַיֵּט שָׁמַיִם וַיֵּרַד וַעֲרָפֶל תַּחַת
רַגְלָיו׃
וַיִּרְכַּב עַל־כְּרוּב וַיָּעֹף וַיֵּדֶא
עַל־כַּנְפֵי־רוּחַ׃
יָשֶׁת חֹשֶׁך סִתְרוֺ סְבִיבוֺתָיו
סֻכָּתוֺ חֶשְׁכַת־מַיִם עָבֵי שְׁחָקִים׃
מִנֺּגַהּ נֶגְדּוֺ עָבָיו עָבְרוּ בָּרָד
וְגַחֲלֵי־אֵשׁ׃
וַיַּרְעֵם בַּשָּׁמַיִם יְהוָה וְעֶלְיֺון
יִתֵּן קֹלוֺ בָּרָד וְגַחֲלֵי־אֵשׁ׃
וַיִּשְׁלַח חִצָּיו וַיְפִיצֵם וּבְרָקִים
רָב וַיְהֻמֵּם׃
וַיֵּרָאוּ אֲפִיקֵי מַיִם וַיִּגָּלוּ
מוֺסְדוֺת תֵּבֵל מִגַּעֲרָתְךָ יְהוָה
מִנִּשְׁמַת רוּחַ אַפֶּךָ׃
יִשְׁלַח מִמָּרוֺם יִקָּחֵנִי יַמְשֵׁנִי
מִמַּיִם רַבִּים׃
יַצִּילֵנִי מֵאֹיְבִי עָז וּמִשֹּׂנְאַי
כִּי־אָמְצוּ מִמֶּנִּי׃
יְקַדְּמוּנִי בְיֺומ־אֵידִי וַיְהִי־יְהוָה
לְמִשְׁעָן לִי׃
וַיֺּוצִיאֵנִי לַמֶּרְחָב יְחַלְּצֵנִי
כִּי חָפֵץ בִּי׃
יִגְמְלֵנִי יְהוָה כְּצִדְקִי כְּבֹר
יָדַי יָשִׁיב לִי׃
כִּי־שָׁמַרְתִּי דַּרְכֵי יְהוָה וְלֹא־רָשַׁעְתִּי
מֵאֱלֹהָי׃
כִּי כָל־מִשְׁפָּטָיו לְנֶגְדִּי וְחֻקֹּתָיו
לֹא־אָסִיר מֶנִּי׃
וָאֱהִי תָמִים עִמּוֺ וָאֶשְׁתַּמֵּר
מֵעֲוֺנִי׃
וַיָּשֶׁב־יְהוָה לִי כְצִדְקִי כְּבֹר
יָדַי לְנֶגֶד עֵינָיו׃
עִמ־חָסִיד תִּתְחַסָּד עִמ־גְּבַר
תָּמִים תִּתַּמָּם׃
עִמ־נָבָר תִּתְבָּרָר וְעִמ־עִקֵּשׁ
תִּתְפַּתָּל׃
כִּי־אַתָּה עַמ־עָנִי תוֺשִׁיעַ וְעֵינַיִם
רָמוֺת תַּשְׁפִּיל׃
כִּי־אַתָּה תָּאִיר נֵרִי יְהוָה
אֱלֹהַי יַגִּיהַּ חָשְׁכִּי׃
כִּי־בְךָ אָרֻץ גְּדוּד וּבֵאלֹהַי
אֲדַלֶּג־שׁוּר׃
הָאֵל תָּמִים דַּרְכּוֺ אִמְרַת־יְהוָה
צְרוּפָה מָגֵן הוּא לְכֹל הַחֹסִים
בּוֺ׃
כִּי מִי אֱלוֺהַּ מִבַּלְעֲדֵי יְהוָה
וּמִי צוּר זוּלָתִי אֱלֹהֵינוּ׃
הָאֵל הַמְאַזְּרֵנִי חָיִל וַיִּתֵּן
תָּמִים דַּרְכִּי׃
מְשַׁוֶּה רַגְלַי כָּאַיָּלוֺת וְעַל
בָּמֹתַי יַעֲמִידֵנִי׃
מְלַמֵּד יָדַי לַמִּלְחָמָה וְנִחֲתָה
קֶשֶׁת־נְחוּשָׁה זְרוֺעֹתָי׃
וַתִּתֶּנ־לִי מָגֵן יִשְׁעֶךָ וִימִינְךָ
תִסְעָדֵנִי וְעַנְוַתְךָ תַרְבֵּנִי׃
תַּרְחִיב צַעֲדִי תַחְתָּי וְלֹא מָעֲדוּ
קַרְסֻלָּי׃
אֶרְדּוֺף אוֺיְבַי וְאַשִּׂיגֵם וְלֹא־אָשׁוּב
עַד־כַּלּוֺתָם׃
אֶמְחָצֵם וְלֹא־יֻכְלוּ קוּם יִפְּלוּ
תַּחַת רַגְלָי׃
וַתְּאַזְּרֵנִי חַיִל לַמִּלְחָמָה תַּכְרִיעַ
קָמַי תַּחְתָּי׃
וְאֹיְבַי נָתַתָּה לִּי עֹרֶף וּמְשַׂנְאַי
אַצְמִיתֵם׃
יְשַׁוְּעוּ וְאֵינ־מוֺשִׁיעַ עַל־יְהוָה
וְלֹא עָנָם׃
וְאֶשְׁחָקֵם כְּעָפָר עַל־פְּנֵי־רוּחַ
כְּטִיט חוּצוֺת אֲרִיקֵם׃
תְּפַלְּטֵנִי מֵרִיבֵי עָם תְּשִׂימֵנִי
לְרֹאשׁ גֺּויִם עַם לֹא־יָדַעְתִּי
יַעַבְדוּנִי׃
לְשֵׁמַע אֹזֶן יִשָּׁמְעוּ לִי בְּנֵי־נֵכָר
יְכַחֲשׁוּ־לִי׃
בְּנֵי־נֵכָר יִבֹּלוּ וְיַחְרְגוּ מִמִּסְגְּרוֺתֵיהֶם׃
חַי־יְהוָה וּבָרוּך צוּרִי וְיָרוּם
אֱלוֺהֵי יִשְׁעִי׃
הָאֵל הַנֺּותֵן נְקָמוֺת לִי וַיַּדְבֵּר
עַמִּים תַּחְתָּי׃
מְפַלְּטִי מֵאֹיְבָי אַף מִנ־קָמַי
תְּרוֺמְמֵנִי מֵאִישׁ חָמָס תַּצִּילֵנִי׃
עַל־כֵּן אוֺדְךָ בַגֺּויִם יְהוָה
וּלְשִׁמְךָ אֲזַמֵּרָה׃
מִגְדֹּל 2 מַגְדִּיל יְשׁוּעוֺת מַלְכּוֺ
וְעֹשֶׂה חֶסֶד לִמְשִׁיחוֺ לְדָוִד
וּלְזַרְעוֺ עַד־עוֺלָם׃