Apo 5

Teljes szövegű keresés

Apo 5
Apo 5.1
et vidi in dextera sedentis super thronum librum scriptum intus et foris signatum sigillis septem
Apo 5.2
et vidi angelum fortem praedicantem voce magna quis est dignus aperire librum et solvere signacula eius
Apo 5.3
et nemo poterat in caelo neque in terra neque subtus terram aperire librum neque respicere illum
Apo 5.4
et ego flebam multum quoniam nemo dignus inventus est aperire librum nec videre eum
Apo 5.5
et unus de senioribus dicit mihi ne fleveris ecce vicit leo de tribu Iuda radix David aperire librum et septem signacula eius
Apo 5.6
et vidi et ecce in medio throni et quattuor animalium et in medio seniorum agnum stantem tamquam occisum habentem cornua septem et oculos septem qui sunt spiritus Dei missi in omnem terram
Apo 5.7
et venit et accepit de dextera sedentis de throno
Apo 5.8
et cum aperuisset librum quattuor animalia et viginti quattuor seniores ceciderunt coram agno habentes singuli citharas et fialas aureas plenas odoramentorum quae sunt orationes sanctorum
Apo 5.9
et cantant novum canticum dicentes dignus es accipere librum et aperire signacula eius quoniam occisus es et redemisti nos Deo in sanguine tuo ex omni tribu et lingua et populo et natione
Apo 5.10
et fecisti eos Deo nostro regnum et sacerdotes et regnabunt super terram
Apo 5.11
et vidi et audivi vocem angelorum multorum in circuitu throni et animalium et seniorum et erat numerus eorum milia milium
Apo 5.12
dicentium voce magna dignus est agnus qui occisus est accipere virtutem et divinitatem et sapientiam et fortitudinem et honorem et gloriam et benedictionem
Apo 5.13
et omnem creaturam quae in caelo est et super terram et sub terram et quae sunt in mari et quae in ea omnes audivi dicentes sedenti in throno et agno benedictio et honor et gloria et potestas in saecula saeculorum
Apo 5.14
et quattuor animalia dicebant amen et seniores ceciderunt et adoraverunt

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages