1Co 13

Teljes szövegű keresés

1Co 13
1Co 13.1
sectamini caritatem aemulamini spiritalia magis autem ut prophetetis
1Co 13.2
qui enim loquitur lingua non hominibus loquitur sed Deo nemo enim audit Spiritu autem loquitur mysteria
1Co 13.3
nam qui prophetat hominibus loquitur aedificationem et exhortationem et consolationes
1Co 13.4
qui loquitur lingua semet ipsum aedificat qui autem prophetat ecclesiam aedificat
1Co 13.5
volo autem omnes vos loqui linguis magis autem prophetare nam maior est qui prophetat quam qui loquitur linguis nisi si forte ut interpretetur ut ecclesia aedificationem accipiat
1Co 13.6
nunc autem fratres si venero ad vos linguis loquens quid vobis prodero nisi si vobis loquar aut in revelatione aut scientia aut prophetia aut in doctrina
1Co 13.7
tamen quae sine anima sunt vocem dantia sive tibia sive cithara nisi distinctionem sonituum dederint quomodo scietur quod canitur aut quod citharizatur
1Co 13.8
etenim si incertam vocem det tuba quis parabit se ad bellum
1Co 13.9
ita et vos per linguam nisi manifestum sermonem dederitis quomodo scietur id quod dicitur eritis enim in aera loquentes
1Co 13.10
tam multa ut puta genera linguarum sunt in mundo et nihil sine voce est
1Co 13.11
si ergo nesciero virtutem vocis ero ei cui loquor barbarus et qui loquitur mihi barbarus
1Co 13.12
sic et vos quoniam aemulatores estis spirituum ad aedificationem ecclesiae quaerite ut abundetis
1Co 13.13
et ideo qui loquitur lingua oret ut interpretetur
1Co 13.14
nam si orem lingua spiritus meus orat mens autem mea sine fructu est
1Co 13.15
quid ergo est orabo spiritu orabo et mente psallam spiritu psallam et mente
1Co 13.16
ceterum si benedixeris spiritu qui supplet locum idiotae quomodo dicet amen super tuam benedictionem quoniam quid dicas nescit
1Co 13.17
nam tu quidem bene gratias agis sed alter non aedificatur
1Co 13.18
gratias ago Deo quod omnium vestrum lingua loquor
1Co 13.19
sed in ecclesia volo quinque verba sensu meo loqui ut et alios instruam quam decem milia verborum in lingua
1Co 13.20
fratres nolite pueri effici sensibus sed malitia parvuli estote sensibus autem perfecti estote
1Co 13.21
in lege scriptum est quoniam in aliis linguis et labiis aliis loquar populo huic et nec sic exaudient me dicit Dominus
1Co 13.22
itaque linguae in signum sunt non fidelibus sed infidelibus prophetia autem non infidelibus sed fidelibus
1Co 13.23
si ergo conveniat universa ecclesia in unum et omnes linguis loquantur intrent autem idiotae aut infideles nonne dicent quod insanitis
1Co 13.24
si autem omnes prophetent intret autem quis infidelis vel idiota convincitur ab omnibus diiudicatur ab omnibus
1Co 13.25
occulta cordis eius manifesta fiunt et ita cadens in faciem adorabit Deum pronuntians quod vere Deus in vobis est
1Co 13.26
quid ergo est fratres cum convenitis unusquisque vestrum psalmum habet doctrinam habet apocalypsin habet linguam habet interpretationem habet omnia ad aedificationem fiant
1Co 13.27
sive lingua quis loquitur secundum duos aut ut multum tres et per partes et unus interpretetur
1Co 13.28
si autem non fuerit interpres taceat in ecclesia sibi autem loquatur et Deo
1Co 13.29
prophetae duo aut tres dicant et ceteri diiudicent
1Co 13.30
quod si alii revelatum fuerit sedenti prior taceat
1Co 13.31
potestis enim omnes per singulos prophetare ut omnes discant et omnes exhortentur
1Co 13.32
et spiritus prophetarum prophetis subiecti sunt
1Co 13.33
non enim est dissensionis Deus sed pacis sicut in omnibus ecclesiis sanctorum
1Co 13.34
mulieres in ecclesiis taceant non enim permittitur eis loqui sed subditas esse sicut et lex dicit
1Co 13.35
si quid autem volunt discere domi viros suos interrogent turpe est enim mulieri loqui in ecclesia
1Co 13.36
an a vobis verbum Dei processit aut in vos solos pervenit
1Co 13.37
si quis videtur propheta esse aut spiritalis cognoscat quae scribo vobis quia Domini sunt mandata
1Co 13.38
si quis autem ignorat ignorabitur
1Co 13.39
itaque fratres aemulamini prophetare et loqui linguis nolite prohibere
1Co 13.40
omnia autem honeste et secundum ordinem fiant

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages