1Co 12

Teljes szövegű keresés

1Co 12
1Co 12.1
si linguis hominum loquar et angelorum caritatem autem non habeam factus sum velut aes sonans aut cymbalum tinniens
1Co 12.2
et si habuero prophetiam et noverim mysteria omnia et omnem scientiam et habuero omnem fidem ita ut montes transferam caritatem autem non habuero nihil sum
1Co 12.3
et si distribuero in cibos pauperum omnes facultates meas et si tradidero corpus meum ut ardeam caritatem autem non habuero nihil mihi prodest
1Co 12.4
caritas patiens est benigna est caritas non aemulatur non agit perperam non inflatur
1Co 12.5
non est ambitiosa non quaerit quae sua sunt non inritatur non cogitat malum
1Co 12.6
non gaudet super iniquitatem congaudet autem veritati
1Co 12.7
omnia suffert omnia credit omnia sperat omnia sustinet
1Co 12.8
caritas numquam excidit sive prophetiae evacuabuntur sive linguae cessabunt sive scientia destruetur
1Co 12.9
ex parte enim cognoscimus et ex parte prophetamus
1Co 12.10
cum autem venerit quod perfectum est evacuabitur quod ex parte est
1Co 12.11
cum essem parvulus loquebar ut parvulus sapiebam ut parvulus cogitabam ut parvulus quando factus sum vir evacuavi quae erant parvuli
1Co 12.12
videmus nunc per speculum in enigmate tunc autem facie ad faciem nunc cognosco ex parte tunc autem cognoscam sicut et cognitus sum
1Co 12.13
nunc autem manet fides spes caritas tria haec maior autem his est caritas

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages