Ro 7

Teljes szövegű keresés

Ro 7
Ro 7.1
an ignoratis fratres scientibus enim legem loquor quia lex in homine dominatur quanto tempore vivit
Ro 7.2
nam quae sub viro est mulier vivente viro alligata est legi si autem mortuus fuerit vir soluta est a lege viri
Ro 7.3
igitur vivente viro vocabitur adultera si fuerit cum alio viro si autem mortuus fuerit vir eius liberata est a lege ut non sit adultera si fuerit cum alio viro
Ro 7.4
itaque fratres mei et vos mortificati estis legi per corpus Christi ut sitis alterius qui ex mortuis resurrexit ut fructificaremus Deo
Ro 7.5
cum enim essemus in carne passiones peccatorum quae per legem erant operabantur in membris nostris ut fructificarent morti
Ro 7.6
nunc autem soluti sumus a lege morientes in quo detinebamur ita ut serviamus in novitate spiritus et non in vetustate litterae
Ro 7.7
quid ergo dicemus lex peccatum est absit sed peccatum non cognovi nisi per legem nam concupiscentiam nesciebam nisi lex diceret non concupisces
Ro 7.8
occasione autem accepta peccatum per mandatum operatum est in me omnem concupiscentiam sine lege enim peccatum mortuum erat
Ro 7.9
ego autem vivebam sine lege aliquando sed cum venisset mandatum peccatum revixit
Ro 7.10
ego autem mortuus sum et inventum est mihi mandatum quod erat ad vitam hoc esse ad mortem
Ro 7.11
nam peccatum occasione accepta per mandatum seduxit me et per illud occidit
Ro 7.12
itaque lex quidem sancta et mandatum sanctum et iustum et bonum
Ro 7.13
quod ergo bonum est mihi factum est mors absit sed peccatum ut appareat peccatum per bonum mihi operatum est mortem ut fiat supra modum peccans peccatum per mandatum
Ro 7.14
scimus enim quod lex spiritalis est ego autem carnalis sum venundatus sub peccato
Ro 7.15
quod enim operor non intellego non enim quod volo hoc ago sed quod odi illud facio
Ro 7.16
si autem quod nolo illud facio consentio legi quoniam bona
Ro 7.17
nunc autem iam non ego operor illud sed quod habitat in me peccatum
Ro 7.18
scio enim quia non habitat in me hoc est in carne mea bonum nam velle adiacet mihi perficere autem bonum non invenio
Ro 7.19
non enim quod volo bonum hoc facio sed quod nolo malum hoc ago
Ro 7.20
si autem quod nolo illud facio non ego operor illud sed quod habitat in me peccatum
Ro 7.21
invenio igitur legem volenti mihi facere bonum quoniam mihi malum adiacet
Ro 7.22
condelector enim legi Dei secundum interiorem hominem
Ro 7.23
video autem aliam legem in membris meis repugnantem legi mentis meae et captivantem me in lege peccati quae est in membris meis
Ro 7.24
infelix ego homo quis me liberabit de corpore mortis huius
Ro 7.25
gratia Dei per Iesum Christum Dominum nostrum igitur ego ipse mente servio legi Dei carne autem legi peccati

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages