Ro 15

Teljes szövegű keresés

Ro 15
Ro 15.1
debemus autem nos firmiores inbecillitates infirmorum sustinere et non nobis placere
Ro 15.2
unusquisque vestrum proximo suo placeat in bonum ad aedificationem
Ro 15.3
etenim Christus non sibi placuit sed sicut scriptum est inproperia inproperantium tibi ceciderunt super me
Ro 15.4
quaecumque enim scripta sunt ad nostram doctrinam scripta sunt ut per patientiam et consolationem scripturarum spem habeamus
Ro 15.5
Deus autem patientiae et solacii det vobis id ipsum sapere in alterutrum secundum Iesum Christum
Ro 15.6
ut unianimes uno ore honorificetis Deum et Patrem Domini nostri Iesu Christi
Ro 15.7
propter quod suscipite invicem sicut et Christus suscepit vos in honorem Dei
Ro 15.8
dico enim Christum Iesum ministrum fuisse circumcisionis propter veritatem Dei ad confirmandas promissiones patrum
Ro 15.9
gentes autem super misericordiam honorare Deum sicut scriptum est propter hoc confitebor tibi in gentibus et nomini tuo cantabo
Ro 15.10
et iterum dicit laetamini gentes cum plebe eius
Ro 15.11
et iterum laudate omnes gentes Dominum et magnificate eum omnes populi
Ro 15.12
et rursus Esaias ait erit radix Iesse et qui exsurget regere gentes in eo gentes sperabunt
Ro 15.13
Deus autem spei repleat vos omni gaudio et pace in credendo ut abundetis in spe in virtute Spiritus Sancti
Ro 15.14
certus sum autem fratres mei et ego ipse de vobis quoniam et ipsi pleni estis dilectione repleti omni scientia ita ut possitis alterutrum monere
Ro 15.15
audacius autem scripsi vobis fratres ex parte tamquam in memoriam vos reducens propter gratiam quae data est mihi a Deo
Ro 15.16
ut sim minister Christi Iesu in gentibus sanctificans evangelium Dei ut fiat oblatio gentium accepta sanctificata in Spiritu Sancto
Ro 15.17
habeo igitur gloriam in Christo Iesu ad Deum
Ro 15.18
non enim audeo aliquid loqui eorum quae per me non effecit Christus in oboedientiam gentium verbo et factis
Ro 15.19
in virtute signorum et prodigiorum in virtute Spiritus Sancti ita ut ab Hierusalem per circuitum usque in Illyricum repleverim evangelium Christi
Ro 15.20
sic autem hoc praedicavi evangelium non ubi nominatus est Christus ne super alienum fundamentum aedificarem
Ro 15.21
sed sicut scriptum est quibus non est adnuntiatum de eo videbunt et qui non audierunt intellegent
Ro 15.22
propter quod et inpediebar plurimum venire ad vos
Ro 15.23
nunc vero ulterius locum non habens in his regionibus cupiditatem autem habens veniendi ad vos ex multis iam annis
Ro 15.24
cum in Hispaniam proficisci coepero spero quod praeteriens videam vos et a vobis deducar illuc si vobis primum ex parte fruitus fuero
Ro 15.25
nunc igitur proficiscar in Hierusalem ministrare sanctis
Ro 15.26
probaverunt enim Macedonia et Achaia conlationem aliquam facere in pauperes sanctorum qui sunt in Hierusalem
Ro 15.27
placuit enim eis et debitores sunt eorum nam si spiritalium eorum participes facti sunt gentiles debent et in carnalibus ministrare eis
Ro 15.28
hoc igitur cum consummavero et adsignavero eis fructum hunc proficiscar per vos in Hispaniam
Ro 15.29
scio autem quoniam veniens ad vos in abundantia benedictionis Christi veniam
Ro 15.30
obsecro igitur vos fratres per Dominum nostrum Iesum Christum et per caritatem Spiritus ut adiuvetis me in orationibus pro me ad Deum
Ro 15.31
ut liberer ab infidelibus qui sunt in Iudaea et obsequii mei oblatio accepta fiat in Hierosolyma sanctis
Ro 15.32
ut veniam ad vos in gaudio per voluntatem Dei et refrigerer vobiscum
Ro 15.33
Deus autem pacis sit cum omnibus vobis amen

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages