Ac 8

Teljes szövegű keresés

Ac 8
Ac 8.1
facta est autem in illa die persecutio magna in ecclesia quae erat Hierosolymis et omnes dispersi sunt per regiones Iudaeae et Samariae praeter apostolos
Ac 8.2
curaverunt autem Stephanum viri timorati et fecerunt planctum magnum super illum
Ac 8.3
Saulus vero devastabat ecclesiam per domos intrans et trahens viros ac mulieres tradebat in custodiam
Ac 8.4
igitur qui dispersi erant pertransiebant evangelizantes verbum
Ac 8.5
Philippus autem descendens in civitatem Samariae praedicabat illis Christum
Ac 8.6
intendebant autem turbae his quae a Philippo dicebantur unianimiter audientes et videntes signa quae faciebat
Ac 8.7
multi enim eorum qui habebant spiritus inmundos clamantes voce magna exiebant multi autem paralytici et claudi curati sunt
Ac 8.8
factum est ergo magnum gaudium in illa civitate
Ac 8.9
vir autem quidam nomine Simon qui ante fuerat in civitate magus seducens gentem Samariae dicens esse se aliquem magnum
Ac 8.10
cui auscultabant omnes a minimo usque ad maximum dicentes hic est virtus Dei quae vocatur Magna
Ac 8.11
adtendebant autem eum propter quod multo tempore magicis suis dementasset eos
Ac 8.12
cum vero credidissent Philippo evangelizanti de regno Dei et nomine Iesu Christi baptizabantur viri ac mulieres
Ac 8.13
tunc Simon et ipse credidit et cum baptizatus esset adherebat Philippo videns etiam signa et virtutes maximas fieri stupens admirabatur
Ac 8.14
cum autem audissent apostoli qui erant Hierosolymis quia recepit Samaria verbum Dei miserunt ad illos Petrum et Iohannem
Ac 8.15
qui cum venissent oraverunt pro ipsis ut acciperent Spiritum Sanctum
Ac 8.16
nondum enim in quemquam illorum venerat sed baptizati tantum erant in nomine Domini Iesu
Ac 8.17
tunc inponebant manus super illos et accipiebant Spiritum Sanctum
Ac 8.18
cum vidisset autem Simon quia per inpositionem manus apostolorum daretur Spiritus Sanctus obtulit eis pecuniam
Ac 8.19
dicens date et mihi hanc potestatem ut cuicumque inposuero manus accipiat Spiritum Sanctum Petrus autem dixit ad eum
Ac 8.20
pecunia tua tecum sit in perditionem quoniam donum Dei existimasti pecunia possideri
Ac 8.21
non est tibi pars neque sors in sermone isto cor enim tuum non est rectum coram Deo
Ac 8.22
paenitentiam itaque age ab hac nequitia tua et roga Deum si forte remittatur tibi haec cogitatio cordis tui
Ac 8.23
in felle enim amaritudinis et obligatione iniquitatis video te esse
Ac 8.24
respondens autem Simon dixit precamini vos pro me ad Dominum ut nihil veniat super me horum quae dixistis
Ac 8.25
et illi quidem testificati et locuti verbum Domini rediebant Hierosolymam et multis regionibus Samaritanorum evangelizabant
Ac 8.26
angelus autem Domini locutus est ad Philippum dicens surge et vade contra meridianum ad viam quae descendit ab Hierusalem in Gazam haec est deserta
Ac 8.27
et surgens abiit et ecce vir aethiops eunuchus potens Candacis reginae Aethiopum qui erat super omnes gazas eius venerat adorare in Hierusalem
Ac 8.28
et revertebatur sedens super currum suum legensque prophetam Esaiam
Ac 8.29
dixit autem Spiritus Philippo accede et adiunge te ad currum istum
Ac 8.30
adcurrens autem Philippus audivit illum legentem Esaiam prophetam et dixit putasne intellegis quae legis
Ac 8.31
qui ait et quomodo possum si non aliquis ostenderit mihi rogavitque Philippum ut ascenderet et sederet secum
Ac 8.32
locus autem scripturae quam legebat erat hic tamquam ovis ad occisionem ductus est et sicut agnus coram tondente se sine voce sic non aperuit os suum
Ac 8.33
in humilitate iudicium eius sublatum est generationem illius quis enarrabit quoniam tollitur de terra vita eius
Ac 8.34
respondens autem eunuchus Philippo dixit obsecro te de quo propheta dicit hoc de se an de alio aliquo
Ac 8.35
aperiens autem Philippus os suum et incipiens ab scriptura ista evangelizavit illi Iesum
Ac 8.36
et dum irent per viam venerunt ad quandam aquam et ait eunuchus ecce aqua quid prohibet me baptizari
Ac 8.37
 
Ac 8.38
et iussit stare currum et descenderunt uterque in aquam Philippus et eunuchus et baptizavit eum
Ac 8.39
cum autem ascendissent de aqua Spiritus Domini rapuit Philippum et amplius non vidit eum eunuchus ibat enim per viam suam gaudens
Ac 8.40
Philippus autem inventus est in Azoto et pertransiens evangelizabat civitatibus cunctis donec veniret Caesaream

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages