Ac 4

Teljes szövegű keresés

Ac 4
Ac 4.1
loquentibus autem illis ad populum supervenerunt sacerdotes et magistratus templi et Sadducaei
Ac 4.2
dolentes quod docerent populum et adnuntiarent in Iesu resurrectionem ex mortuis
Ac 4.3
et iniecerunt in eis manus et posuerunt eos in custodiam in crastinum erat enim iam vespera
Ac 4.4
multi autem eorum qui audierant verbum crediderunt et factus est numerus virorum quinque milia
Ac 4.5
factum est autem in crastinum ut congregarentur principes eorum et seniores et scribae in Hierusalem
Ac 4.6
et Annas princeps sacerdotum et Caiphas et Iohannes et Alexander et quotquot erant de genere sacerdotali
Ac 4.7
et statuentes eos in medio interrogabant in qua virtute aut in quo nomine fecistis hoc vos
Ac 4.8
tunc Petrus repletus Spiritu Sancto dixit ad eos principes populi et seniores
Ac 4.9
si nos hodie diiudicamur in benefacto hominis infirmi in quo iste salvus factus est
Ac 4.10
notum sit omnibus vobis et omni plebi Israhel quia in nomine Iesu Christi Nazareni quem vos crucifixistis quem Deus suscitavit a mortuis in hoc iste adstat coram vobis sanus
Ac 4.11
hic est lapis qui reprobatus est a vobis aedificantibus qui factus est in caput anguli
Ac 4.12
et non est in alio aliquo salus nec enim nomen aliud est sub caelo datum hominibus in quo oportet nos salvos fieri
Ac 4.13
videntes autem Petri constantiam et Iohannis conperto quod homines essent sine litteris et idiotae admirabantur et cognoscebant eos quoniam cum Iesu fuerant
Ac 4.14
hominem quoque videntes stantem cum eis qui curatus fuerat nihil poterant contradicere
Ac 4.15
iusserunt autem eos foras extra concilium secedere et conferebant ad invicem
Ac 4.16
dicentes quid faciemus hominibus istis quoniam quidem notum signum factum est per eos omnibus habitantibus in Hierusalem manifestum et non possumus negare
Ac 4.17
sed ne amplius divulgetur in populum comminemur eis ne ultra loquantur in nomine hoc ulli hominum
Ac 4.18
et vocantes eos denuntiaverunt ne omnino loquerentur neque docerent in nomine Iesu
Ac 4.19
Petrus vero et Iohannes respondentes dixerunt ad eos si iustum est in conspectu Dei vos potius audire quam Deum iudicate
Ac 4.20
non enim possumus quae vidimus et audivimus non loqui
Ac 4.21
at illi comminantes dimiserunt eos non invenientes quomodo punirent eos propter populum quia omnes clarificabant Deum in eo quod acciderat
Ac 4.22
annorum enim erat amplius quadraginta homo in quo factum erat signum istud sanitatis
Ac 4.23
dimissi autem venerunt ad suos et adnuntiaverunt eis quanta ad eos principes sacerdotum et seniores dixissent
Ac 4.24
qui cum audissent unianimiter levaverunt vocem ad Deum et dixerunt Domine tu qui fecisti caelum et terram et mare et omnia quae in eis sunt
Ac 4.25
qui Spiritu Sancto per os patris nostri David pueri tui dixisti quare fremuerunt gentes et populi meditati sunt inania
Ac 4.26
adstiterunt reges terrae et principes convenerunt in unum adversus Dominum et adversus Christum eius
Ac 4.27
convenerunt enim vere in civitate ista adversus sanctum puerum tuum Iesum quem unxisti Herodes et Pontius Pilatus cum gentibus et populis Israhel
Ac 4.28
facere quae manus tua et consilium decreverunt fieri
Ac 4.29
et nunc Domine respice in minas eorum et da servis tuis cum omni fiducia loqui verbum tuum
Ac 4.30
in eo cum manum tuam extendas sanitates et signa et prodigia fieri per nomen sancti Filii tui Iesu
Ac 4.31
et cum orassent motus est locus in quo erant congregati et repleti sunt omnes Spiritu Sancto et loquebantur verbum Dei cum fiducia
Ac 4.32
multitudinis autem credentium erat cor et anima una nec quisquam eorum quae possidebant aliquid suum esse dicebat sed erant illis omnia communia
Ac 4.33
et virtute magna reddebant apostoli testimonium resurrectionis Iesu Christi Domini et gratia magna erat in omnibus illis
Ac 4.34
neque enim quisquam egens erat inter illos quotquot enim possessores agrorum aut domorum erant vendentes adferebant pretia eorum quae vendebant
Ac 4.35
et ponebant ante pedes apostolorum dividebantur autem singulis prout cuique opus erat
Ac 4.36
Ioseph autem qui cognominatus est Barnabas ab apostolis quod est interpretatum Filius consolationis Levites Cyprius genere
Ac 4.37
cum haberet agrum vendidit illum et adtulit pretium et posuit ante pedes apostolorum

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages