Ac 28

Teljes szövegű keresés

Ac 28
Ac 28.1
et cum evasissemus tunc cognovimus quia Militene insula vocatur barbari vero praestabant non modicam humanitatem nobis
Ac 28.2
accensa enim pyra reficiebant nos omnes propter imbrem qui inminebat et frigus
Ac 28.3
cum congregasset autem Paulus sarmentorum aliquantam multitudinem et inposuisset super ignem vipera a calore cum processisset invasit manum eius
Ac 28.4
ut vero viderunt barbari pendentem bestiam de manu eius ad invicem dicebant utique homicida est homo hic qui cum evaserit de mari Ultio non sinit vivere
Ac 28.5
et ille quidem excutiens bestiam in ignem nihil mali passus est
Ac 28.6
at illi existimabant eum in tumorem convertendum et subito casurum et mori diu autem illis sperantibus et videntibus nihil mali in eo fieri convertentes se dicebant eum esse deum
Ac 28.7
in locis autem illis erant praedia principis insulae nomine Publii qui nos suscipiens triduo benigne exhibuit
Ac 28.8
contigit autem patrem Publii febribus et dysenteria vexatum iacere ad quem Paulus intravit et cum orasset et inposuisset ei manus salvavit eum
Ac 28.9
quo facto et omnes qui in insula habebant infirmitates accedebant et curabantur
Ac 28.10
qui etiam multis honoribus nos honoraverunt et navigantibus inposuerunt quae necessaria erant
Ac 28.11
post menses autem tres navigavimus in nave alexandrina quae in insula hiemaverat cui erat insigne Castorum
Ac 28.12
et cum venissemus Syracusam mansimus ibi triduo
Ac 28.13
inde circumlegentes devenimus Regium et post unum diem flante austro secunda die venimus Puteolos
Ac 28.14
ubi inventis fratribus rogati sumus manere apud eos dies septem et sic venimus Romam
Ac 28.15
et inde cum audissent fratres occurrerunt nobis usque ad Appii Forum et Tribus Tabernis quos cum vidisset Paulus gratias agens Deo accepit fiduciam
Ac 28.16
cum venissemus autem Romam permissum est Paulo manere sibimet cum custodiente se milite
Ac 28.17
post tertium autem diem convocavit primos Iudaeorum cumque convenissent dicebat eis ego viri fratres nihil adversus plebem faciens aut morem paternum vinctus ab Hierosolymis traditus sum in manus Romanorum
Ac 28.18
qui cum interrogationem de me habuissent voluerunt me dimittere eo quod nulla causa esset mortis in me
Ac 28.19
contradicentibus autem Iudaeis coactus sum appellare Caesarem non quasi gentem meam habens aliquid accusare
Ac 28.20
propter hanc igitur causam rogavi vos videre et adloqui propter spem enim Israhel catena hac circumdatus sum
Ac 28.21
at illi dixerunt ad eum nos neque litteras accepimus de te a Iudaea neque adveniens aliquis fratrum nuntiavit aut locutus est quid de te malum
Ac 28.22
rogamus autem a te audire quae sentis nam de secta hac notum est nobis quia ubique ei contradicitur
Ac 28.23
cum constituissent autem illi diem venerunt ad eum in hospitium plures quibus exponebat testificans regnum Dei suadensque eos de Iesu ex lege Mosi et prophetis a mane usque ad vesperam
Ac 28.24
et quidam credebant his quae dicebantur quidam vero non credebant
Ac 28.25
cumque invicem non essent consentientes discedebant dicente Paulo unum verbum quia bene Spiritus Sanctus locutus est per Esaiam prophetam ad patres nostros
Ac 28.26
dicens vade ad populum istum et dic aure audietis et non intellegetis et videntes videbitis et non perspicietis
Ac 28.27
incrassatum est enim cor populi huius et auribus graviter audierunt et oculos suos conpresserunt ne forte videant oculis et auribus audiant et corde intellegant et convertantur et sanem illos
Ac 28.28
notum ergo sit vobis quoniam gentibus missum est hoc salutare Dei ipsi et audient
Ac 28.29
 
Ac 28.30
mansit autem biennio toto in suo conducto et suscipiebat omnes qui ingrediebantur ad eum
Ac 28.31
praedicans regnum Dei et docens quae sunt de Domino Iesu Christo cum omni fiducia sine prohibitione

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages