Ac 24

Teljes szövegű keresés

Ac 24
Ac 24.1
post quinque autem dies descendit princeps sacerdotum Ananias cum senioribus quibusdam et Tertullo quodam oratore qui adierunt praesidem adversus Paulum
Ac 24.2
et citato Paulo coepit accusare Tertullus dicens cum in multa pace agamus per te et multa corrigantur per tuam providentiam
Ac 24.3
semper et ubique suscipimus optime Felix cum omni gratiarum actione
Ac 24.4
ne diutius autem te protraham oro breviter audias nos pro tua clementia
Ac 24.5
invenimus hunc hominem pestiferum et concitantem seditiones omnibus Iudaeis in universo orbe et auctorem seditionis sectae Nazarenorum
Ac 24.6
qui etiam templum violare conatus est quem et adprehendimus
Ac 24.7
 
Ac 24.8
a quo poteris ipse iudicans de omnibus istis cognoscere de quibus nos accusamus eum
Ac 24.9
adiecerunt autem et Iudaei dicentes haec ita se habere
Ac 24.10
respondit autem Paulus annuente sibi praeside dicere ex multis annis esse te iudicem genti huic sciens bono animo pro me satisfaciam
Ac 24.11
potes enim cognoscere quia non plus sunt dies mihi quam duodecim ex quo ascendi adorare in Hierusalem
Ac 24.12
et neque in templo invenerunt me cum aliquo disputantem aut concursum facientem turbae neque in synagogis neque in civitate
Ac 24.13
neque probare possunt tibi de quibus nunc accusant me
Ac 24.14
confiteor autem hoc tibi quod secundum sectam quam dicunt heresim sic deservio patrio Deo meo credens omnibus quae in lege et prophetis scripta sunt
Ac 24.15
spem habens in Deum quam et hii ipsi expectant resurrectionem futuram iustorum et iniquorum
Ac 24.16
in hoc et ipse studeo sine offendiculo conscientiam habere ad Deum et ad homines semper
Ac 24.17
post annos autem plures elemosynas facturus in gentem meam veni et oblationes et vota
Ac 24.18
in quibus invenerunt me purificatum in templo non cum turba neque cum tumultu
Ac 24.19
quidam autem ex Asia Iudaei quos oportebat apud te praesto esse et accusare si quid haberent adversum me
Ac 24.20
aut hii ipsi dicant si quid invenerunt in me iniquitatis cum stem in concilio
Ac 24.21
nisi de una hac solummodo voce qua clamavi inter eos stans quoniam de resurrectione mortuorum ego iudicor hodie a vobis
Ac 24.22
distulit autem illos Felix certissime sciens de via dicens cum tribunus Lysias descenderit audiam vos
Ac 24.23
iussitque centurioni custodiri eum et habere requiem nec quemquam prohibere de suis ministrare ei
Ac 24.24
post aliquot autem dies veniens Felix cum Drusilla uxore sua quae erat Iudaea vocavit Paulum et audivit ab eo fidem quae est in Iesum Christum
Ac 24.25
disputante autem illo de iustitia et castitate et de iudicio futuro timefactus Felix respondit quod nunc adtinet vade tempore autem oportuno accersiam te
Ac 24.26
simul et sperans quia pecunia daretur a Paulo propter quod et frequenter accersiens eum loquebatur cum eo
Ac 24.27
biennio autem expleto accepit successorem Felix Porcium Festum volens autem gratiam praestare Iudaeis Felix reliquit Paulum vinctum

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages