Jo 8

Teljes szövegű keresés

Jo 8
Jo 8.1
Iesus autem perrexit in montem Oliveti
Jo 8.2
et diluculo iterum venit in templum et omnis populus venit ad eum et sedens docebat eos
Jo 8.3
adducunt autem scribae et Pharisaei mulierem in adulterio deprehensam et statuerunt eam in medio
Jo 8.4
et dixerunt ei magister haec mulier modo deprehensa est in adulterio
Jo 8.5
in lege autem Moses mandavit nobis huiusmodi lapidare tu ergo quid dicis
Jo 8.6
haec autem dicebant temptantes eum ut possent accusare eum Iesus autem inclinans se deorsum digito scribebat in terra
Jo 8.7
cum autem perseverarent interrogantes eum erexit se et dixit eis qui sine peccato est vestrum primus in illam lapidem mittat
Jo 8.8
et iterum se inclinans scribebat in terra
Jo 8.9
audientes autem unus post unum exiebant incipientes a senioribus et remansit solus et mulier in medio stans
Jo 8.10
erigens autem se Iesus dixit ei mulier ubi sunt nemo te condemnavit
Jo 8.11
quae dixit nemo Domine dixit autem Iesus nec ego te condemnabo vade et amplius iam noli peccare
Jo 8.12
iterum ergo locutus est eis Iesus dicens ego sum lux mundi qui sequitur me non ambulabit in tenebris sed habebit lucem vitae
Jo 8.13
dixerunt ergo ei Pharisaei tu de te ipso testimonium perhibes testimonium tuum non est verum
Jo 8.14
respondit Iesus et dixit eis et si ego testimonium perhibeo de me ipso verum est testimonium meum quia scio unde veni et quo vado vos autem nescitis unde venio aut quo vado
Jo 8.15
vos secundum carnem iudicatis ego non iudico quemquam
Jo 8.16
et si iudico ego iudicium meum verum est quia solus non sum sed ego et qui me misit Pater
Jo 8.17
et in lege vestra scriptum est quia duorum hominum testimonium verum est
Jo 8.18
ego sum qui testimonium perhibeo de me ipso et testimonium perhibet de me qui misit me Pater
Jo 8.19
dicebant ergo ei ubi est Pater tuus respondit Iesus neque me scitis neque Patrem meum si me sciretis forsitan et Patrem meum sciretis
Jo 8.20
haec verba locutus est in gazofilacio docens in templo et nemo adprehendit eum quia necdum venerat hora eius
Jo 8.21
dixit ergo iterum eis Iesus ego vado et quaeretis me et in peccato vestro moriemini quo ego vado vos non potestis venire
Jo 8.22
dicebant ergo Iudaei numquid interficiet semet ipsum quia dicit quo ego vado vos non potestis venire
Jo 8.23
et dicebat eis vos de deorsum estis ego de supernis sum vos de mundo hoc estis ego non sum de hoc mundo
Jo 8.24
dixi ergo vobis quia moriemini in peccatis vestris si enim non credideritis quia ego sum moriemini in peccato vestro
Jo 8.25
dicebant ergo ei tu quis es dixit eis Iesus principium quia et loquor vobis
Jo 8.26
multa habeo de vobis loqui et iudicare sed qui misit me verax est et ego quae audivi ab eo haec loquor in mundo
Jo 8.27
et non cognoverunt quia Patrem eis dicebat
Jo 8.28
dixit ergo eis Iesus cum exaltaveritis Filium hominis tunc cognoscetis quia ego sum et a me ipso facio nihil sed sicut docuit me Pater haec loquor
Jo 8.29
et qui me misit mecum est non reliquit me solum quia ego quae placita sunt ei facio semper
Jo 8.30
haec illo loquente multi crediderunt in eum
Jo 8.31
dicebat ergo Iesus ad eos qui crediderunt ei Iudaeos si vos manseritis in sermone meo vere discipuli mei eritis
Jo 8.32
et cognoscetis veritatem et veritas liberabit vos
Jo 8.33
responderunt ei semen Abrahae sumus et nemini servivimus umquam quomodo tu dicis liberi eritis
Jo 8.34
respondit eis Iesus amen amen dico vobis quia omnis qui facit peccatum servus est peccati
Jo 8.35
servus autem non manet in domo in aeternum filius manet in aeternum
Jo 8.36
si ergo Filius vos liberaverit vere liberi eritis
Jo 8.37
scio quia filii Abrahae estis sed quaeritis me interficere quia sermo meus non capit in vobis
Jo 8.38
ego quod vidi apud Patrem loquor et vos quae vidistis apud patrem vestrum facitis
Jo 8.39
responderunt et dixerunt ei pater noster Abraham est dicit eis Iesus si filii Abrahae estis opera Abrahae facite
Jo 8.40
nunc autem quaeritis me interficere hominem qui veritatem vobis locutus sum quam audivi a Deo hoc Abraham non fecit
Jo 8.41
vos facitis opera patris vestri dixerunt itaque ei nos ex fornicatione non sumus nati unum patrem habemus Deum
Jo 8.42
dixit ergo eis Iesus si Deus pater vester esset diligeretis utique me ego enim ex Deo processi et veni neque enim a me ipso veni sed ille me misit
Jo 8.43
quare loquellam meam non cognoscitis quia non potestis audire sermonem meum
Jo 8.44
vos ex patre diabolo estis et desideria patris vestri vultis facere ille homicida erat ab initio et in veritate non stetit quia non est veritas in eo cum loquitur mendacium ex propriis loquitur quia mendax est et pater eius
Jo 8.45
ego autem quia veritatem dico non creditis mihi
Jo 8.46
quis ex vobis arguit me de peccato si veritatem dico quare vos non creditis mihi
Jo 8.47
qui est ex Deo verba Dei audit propterea vos non auditis quia ex Deo non estis
Jo 8.48
responderunt igitur Iudaei et dixerunt ei nonne bene dicimus nos quia Samaritanus es tu et daemonium habes
Jo 8.49
respondit Iesus ego daemonium non habeo sed honorifico Patrem meum et vos inhonoratis me
Jo 8.50
ego autem non quaero gloriam meam est qui quaerit et iudicat
Jo 8.51
amen amen dico vobis si quis sermonem meum servaverit mortem non videbit in aeternum
Jo 8.52
dixerunt ergo Iudaei nunc cognovimus quia daemonium habes Abraham mortuus est et prophetae et tu dicis si quis sermonem meum servaverit non gustabit mortem in aeternum
Jo 8.53
numquid tu maior es patre nostro Abraham qui mortuus est et prophetae mortui sunt quem te ipsum facis
Jo 8.54
respondit Iesus si ego glorifico me ipsum gloria mea nihil est est Pater meus qui glorificat me quem vos dicitis quia Deus noster est
Jo 8.55
et non cognovistis eum ego autem novi eum et si dixero quia non scio eum ero similis vobis mendax sed scio eum et sermonem eius servo
Jo 8.56
Abraham pater vester exultavit ut videret diem meum et vidit et gavisus est
Jo 8.57
dixerunt ergo Iudaei ad eum quinquaginta annos nondum habes et Abraham vidisti
Jo 8.58
dixit eis Iesus amen amen dico vobis antequam Abraham fieret ego sum
Jo 8.59
tulerunt ergo lapides ut iacerent in eum Iesus autem abscondit se et exivit de templo

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages