Jo 6

Teljes szövegű keresés

Jo 6
Jo 6.1
post haec abiit Iesus trans mare Galilaeae quod est Tiberiadis
Jo 6.2
et sequebatur eum multitudo magna quia videbant signa quae faciebat super his qui infirmabantur
Jo 6.3
subiit ergo in montem Iesus et ibi sedebat cum discipulis suis
Jo 6.4
erat autem proximum pascha dies festus Iudaeorum
Jo 6.5
cum sublevasset ergo oculos Iesus et vidisset quia multitudo maxima venit ad eum dicit ad Philippum unde ememus panes ut manducent hii
Jo 6.6
hoc autem dicebat temptans eum ipse enim sciebat quid esset facturus
Jo 6.7
respondit ei Philippus ducentorum denariorum panes non sufficiunt eis ut unusquisque modicum quid accipiat
Jo 6.8
dicit ei unus ex discipulis eius Andreas frater Simonis Petri
Jo 6.9
est puer unus hic qui habet quinque panes hordiacios et duos pisces sed haec quid sunt inter tantos
Jo 6.10
dixit ergo Iesus facite homines discumbere erat autem faenum multum in loco discubuerunt ergo viri numero quasi quinque milia
Jo 6.11
accepit ergo panes Iesus et cum gratias egisset distribuit discumbentibus similiter et ex piscibus quantum volebant
Jo 6.12
ut autem impleti sunt dixit discipulis suis colligite quae superaverunt fragmenta ne pereant
Jo 6.13
collegerunt ergo et impleverunt duodecim cofinos fragmentorum ex quinque panibus hordiaciis quae superfuerunt his qui manducaverunt
Jo 6.14
illi ergo homines cum vidissent quod fecerat signum dicebant quia hic est vere propheta qui venturus est in mundum
Jo 6.15
Iesus ergo cum cognovisset quia venturi essent ut raperent eum et facerent eum regem fugit iterum in montem ipse solus
Jo 6.16
ut autem sero factum est descenderunt discipuli eius ad mare
Jo 6.17
et cum ascendissent navem venerunt trans mare in Capharnaum et tenebrae iam factae erant et non venerat ad eos Iesus
Jo 6.18
mare autem vento magno flante exsurgebat
Jo 6.19
cum remigassent ergo quasi stadia viginti quinque aut triginta vident Iesum ambulantem super mare et proximum navi fieri et timuerunt
Jo 6.20
ille autem dicit eis ego sum nolite timere
Jo 6.21
voluerunt ergo accipere eum in navi et statim fuit navis ad terram quam ibant
Jo 6.22
altera die turba quae stabat trans mare vidit quia navicula alia non erat ibi nisi una et quia non introisset cum discipulis suis Iesus in navem sed soli discipuli eius abissent
Jo 6.23
aliae vero supervenerunt naves a Tiberiade iuxta locum ubi manducaverant panem gratias agente Domino
Jo 6.24
cum ergo vidisset turba quia Iesus non esset ibi neque discipuli eius ascenderunt naviculas et venerunt Capharnaum quaerentes Iesum
Jo 6.25
et cum invenissent eum trans mare dixerunt ei rabbi quando huc venisti
Jo 6.26
respondit eis Iesus et dixit amen amen dico vobis quaeritis me non quia vidistis signa sed quia manducastis ex panibus et saturati estis
Jo 6.27
operamini non cibum qui perit sed qui permanet in vitam aeternam quem Filius hominis vobis dabit hunc enim Pater signavit Deus
Jo 6.28
dixerunt ergo ad eum quid faciemus ut operemur opera Dei
Jo 6.29
respondit Iesus et dixit eis hoc est opus Dei ut credatis in eum quem misit ille
Jo 6.30
dixerunt ergo ei quod ergo tu facis signum ut videamus et credamus tibi quid operaris
Jo 6.31
patres nostri manna manducaverunt in deserto sicut scriptum est panem de caelo dedit eis manducare
Jo 6.32
dixit ergo eis Iesus amen amen dico vobis non Moses dedit vobis panem de caelo sed Pater meus dat vobis panem de caelo verum
Jo 6.33
panis enim Dei est qui descendit de caelo et dat vitam mundo
Jo 6.34
dixerunt ergo ad eum Domine semper da nobis panem hunc
Jo 6.35
dixit autem eis Iesus ego sum panis vitae qui veniet ad me non esuriet et qui credit in me non sitiet umquam
Jo 6.36
sed dixi vobis quia et vidistis me et non creditis
Jo 6.37
omne quod dat mihi Pater ad me veniet et eum qui venit ad me non eiciam foras
Jo 6.38
quia descendi de caelo non ut faciam voluntatem meam sed voluntatem eius qui misit me
Jo 6.39
haec est autem voluntas eius qui misit me Patris ut omne quod dedit mihi non perdam ex eo sed resuscitem illum novissimo die
Jo 6.40
haec est enim voluntas Patris mei qui misit me ut omnis qui videt Filium et credit in eum habeat vitam aeternam et resuscitabo ego eum in novissimo die
Jo 6.41
murmurabant ergo Iudaei de illo quia dixisset ego sum panis qui de caelo descendi
Jo 6.42
et dicebant nonne hic est Iesus filius Ioseph cuius nos novimus patrem et matrem quomodo ergo dicit hic quia de caelo descendi
Jo 6.43
respondit ergo Iesus et dixit eis nolite murmurare in invicem
Jo 6.44
nemo potest venire ad me nisi Pater qui misit me traxerit eum et ego resuscitabo eum novissimo die
Jo 6.45
est scriptum in prophetis et erunt omnes docibiles Dei omnis qui audivit a Patre et didicit venit ad me
Jo 6.46
non quia Patrem vidit quisquam nisi is qui est a Deo hic vidit Patrem
Jo 6.47
amen amen dico vobis qui credit in me habet vitam aeternam
Jo 6.48
ego sum panis vitae
Jo 6.49
patres vestri manducaverunt in deserto manna et mortui sunt
Jo 6.50
hic est panis de caelo descendens ut si quis ex ipso manducaverit non moriatur
Jo 6.51
ego sum panis vivus qui de caelo descendi
Jo 6.52
si quis manducaverit ex hoc pane vivet in aeternum et panis quem ego dabo caro mea est pro mundi vita
Jo 6.53
litigabant ergo Iudaei ad invicem dicentes quomodo potest hic nobis carnem suam dare ad manducandum
Jo 6.54
dixit ergo eis Iesus amen amen dico vobis nisi manducaveritis carnem Filii hominis et biberitis eius sanguinem non habetis vitam in vobis
Jo 6.55
qui manducat meam carnem et bibit meum sanguinem habet vitam aeternam et ego resuscitabo eum in novissimo die
Jo 6.56
caro enim mea vere est cibus et sanguis meus vere est potus
Jo 6.57
qui manducat meam carnem et bibit meum sanguinem in me manet et ego in illo
Jo 6.58
sicut misit me vivens Pater et ego vivo propter Patrem et qui manducat me et ipse vivet propter me
Jo 6.59
hic est panis qui de caelo descendit non sicut manducaverunt patres vestri manna et mortui sunt qui manducat hunc panem vivet in aeternum
Jo 6.60
haec dixit in synagoga docens in Capharnaum
Jo 6.61
multi ergo audientes ex discipulis eius dixerunt durus est hic sermo quis potest eum audire
Jo 6.62
sciens autem Iesus apud semet ipsum quia murmurarent de hoc discipuli eius dixit eis hoc vos scandalizat
Jo 6.63
si ergo videritis Filium hominis ascendentem ubi erat prius
Jo 6.64
spiritus est qui vivificat caro non prodest quicquam verba quae ego locutus sum vobis spiritus et vita sunt
Jo 6.65
sed sunt quidam ex vobis qui non credunt sciebat enim ab initio Iesus qui essent credentes et quis traditurus esset eum
Jo 6.66
et dicebat propterea dixi vobis quia nemo potest venire ad me nisi fuerit ei datum a Patre meo
Jo 6.67
ex hoc multi discipulorum eius abierunt retro et iam non cum illo ambulabant
Jo 6.68
dixit ergo Iesus ad duodecim numquid et vos vultis abire
Jo 6.69
respondit ergo ei Simon Petrus Domine ad quem ibimus verba vitae aeternae habes
Jo 6.70
et nos credidimus et cognovimus quia tu es Christus Filius Dei
Jo 6.71
respondit eis Iesus nonne ego vos duodecim elegi et ex vobis unus diabolus est
Jo 6.72
dicebat autem Iudam Simonis Scariotis hic enim erat traditurus eum cum esset unus ex duodecim

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages