Jo 3

Teljes szövegű keresés

Jo 3
Jo 3.1
erat autem homo ex Pharisaeis Nicodemus nomine princeps Iudaeorum
Jo 3.2
hic venit ad eum nocte et dixit ei rabbi scimus quia a Deo venisti magister nemo enim potest haec signa facere quae tu facis nisi fuerit Deus cum eo
Jo 3.3
respondit Iesus et dixit ei amen amen dico tibi nisi quis natus fuerit denuo non potest videre regnum Dei
Jo 3.4
dicit ad eum Nicodemus quomodo potest homo nasci cum senex sit numquid potest in ventrem matris suae iterato introire et nasci
Jo 3.5
respondit Iesus amen amen dico tibi nisi quis renatus fuerit ex aqua et Spiritu non potest introire in regnum Dei
Jo 3.6
quod natum est ex carne caro est et quod natum est ex Spiritu spiritus est
Jo 3.7
non mireris quia dixi tibi oportet vos nasci denuo
Jo 3.8
Spiritus ubi vult spirat et vocem eius audis sed non scis unde veniat et quo vadat sic est omnis qui natus est ex Spiritu
Jo 3.9
respondit Nicodemus et dixit ei quomodo possunt haec fieri
Jo 3.10
respondit Iesus et dixit ei tu es magister Israhel et haec ignoras
Jo 3.11
amen amen dico tibi quia quod scimus loquimur et quod vidimus testamur et testimonium nostrum non accipitis
Jo 3.12
si terrena dixi vobis et non creditis quomodo si dixero vobis caelestia credetis
Jo 3.13
et nemo ascendit in caelum nisi qui descendit de caelo Filius hominis qui est in caelo
Jo 3.14
et sicut Moses exaltavit serpentem in deserto ita exaltari oportet Filium hominis
Jo 3.15
ut omnis qui credit in ipso non pereat sed habeat vitam aeternam
Jo 3.16
sic enim dilexit Deus mundum ut Filium suum unigenitum daret ut omnis qui credit in eum non pereat sed habeat vitam aeternam
Jo 3.17
non enim misit Deus Filium suum in mundum ut iudicet mundum sed ut salvetur mundus per ipsum
Jo 3.18
qui credit in eum non iudicatur qui autem non credit iam iudicatus est quia non credidit in nomine unigeniti Filii Dei
Jo 3.19
hoc est autem iudicium quia lux venit in mundum et dilexerunt homines magis tenebras quam lucem erant enim eorum mala opera
Jo 3.20
omnis enim qui mala agit odit lucem et non venit ad lucem ut non arguantur opera eius
Jo 3.21
qui autem facit veritatem venit ad lucem ut manifestentur eius opera quia in Deo sunt facta
Jo 3.22
post haec venit Iesus et discipuli eius in iudaeam terram et illic demorabatur cum eis et baptizabat
Jo 3.23
erat autem et Iohannes baptizans in Aenon iuxta Salim quia aquae multae erant illic et adveniebant et baptizabantur
Jo 3.24
nondum enim missus fuerat in carcerem Iohannes
Jo 3.25
facta est ergo quaestio ex discipulis Iohannis cum Iudaeis de purificatione
Jo 3.26
et venerunt ad Iohannem et dixerunt ei rabbi qui erat tecum trans Iordanen cui tu testimonium perhibuisti ecce hic baptizat et omnes veniunt ad eum
Jo 3.27
respondit Iohannes et dixit non potest homo accipere quicquam nisi fuerit ei datum de caelo
Jo 3.28
ipsi vos mihi testimonium perhibetis quod dixerim ego non sum Christus sed quia missus sum ante illum
Jo 3.29
qui habet sponsam sponsus est amicus autem sponsi qui stat et audit eum gaudio gaudet propter vocem sponsi hoc ergo gaudium meum impletum est
Jo 3.30
illum oportet crescere me autem minui
Jo 3.31
qui desursum venit supra omnes est qui est de terra de terra est et de terra loquitur qui de caelo venit supra omnes est
Jo 3.32
et quod vidit et audivit hoc testatur et testimonium eius nemo accipit
Jo 3.33
qui accipit eius testimonium signavit quia Deus verax est
Jo 3.34
quem enim misit Deus verba Dei loquitur non enim ad mensuram dat Deus Spiritum
Jo 3.35
Pater diligit Filium et omnia dedit in manu eius
Jo 3.36
qui credit in Filium habet vitam aeternam qui autem incredulus est Filio non videbit vitam sed ira Dei manet super eum

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages