Jo 20

Teljes szövegű keresés

Jo 20
Jo 20.1
una autem sabbati Maria Magdalene venit mane cum adhuc tenebrae essent ad monumentum et videt lapidem sublatum a monumento
Jo 20.2
cucurrit ergo et venit ad Simonem Petrum et ad alium discipulum quem amabat Iesus et dicit eis tulerunt Dominum de monumento et nescimus ubi posuerunt eum
Jo 20.3
exiit ergo Petrus et ille alius discipulus et venerunt ad monumentum
Jo 20.4
currebant autem duo simul et ille alius discipulus praecucurrit citius Petro et venit primus ad monumentum
Jo 20.5
et cum se inclinasset videt posita linteamina non tamen introivit
Jo 20.6
venit ergo Simon Petrus sequens eum et introivit in monumentum et videt linteamina posita
Jo 20.7
et sudarium quod fuerat super caput eius non cum linteaminibus positum sed separatim involutum in unum locum
Jo 20.8
tunc ergo introivit et ille discipulus qui venerat primus ad monumentum et vidit et credidit
Jo 20.9
nondum enim sciebant scripturam quia oportet eum a mortuis resurgere
Jo 20.10
abierunt ergo iterum ad semet ipsos discipuli
Jo 20.11
Maria autem stabat ad monumentum foris plorans dum ergo fleret inclinavit se et prospexit in monumentum
Jo 20.12
et vidit duos angelos in albis sedentes unum ad caput et unum ad pedes ubi positum fuerat corpus Iesu
Jo 20.13
dicunt ei illi mulier quid ploras dicit eis quia tulerunt Dominum meum et nescio ubi posuerunt eum
Jo 20.14
haec cum dixisset conversa est retrorsum et videt Iesum stantem et non sciebat quia Iesus est
Jo 20.15
dicit ei Iesus mulier quid ploras quem quaeris illa existimans quia hortulanus esset dicit ei domine si tu sustulisti eum dicito mihi ubi posuisti eum et ego eum tollam
Jo 20.16
dicit ei Iesus Maria conversa illa dicit ei rabboni quod dicitur magister
Jo 20.17
dicit ei Iesus noli me tangere nondum enim ascendi ad Patrem meum vade autem ad fratres meos et dic eis ascendo ad Patrem meum et Patrem vestrum et Deum meum et Deum vestrum
Jo 20.18
venit Maria Magdalene adnuntians discipulis quia vidi Dominum et haec dixit mihi
Jo 20.19
cum esset ergo sero die illo una sabbatorum et fores essent clausae ubi erant discipuli propter metum Iudaeorum venit Iesus et stetit in medio et dicit eis pax vobis
Jo 20.20
et hoc cum dixisset ostendit eis manus et latus gavisi sunt ergo discipuli viso Domino
Jo 20.21
dixit ergo eis iterum pax vobis sicut misit me Pater et ego mitto vos
Jo 20.22
hoc cum dixisset insuflavit et dicit eis accipite Spiritum Sanctum
Jo 20.23
quorum remiseritis peccata remittuntur eis quorum retinueritis detenta sunt
Jo 20.24
Thomas autem unus ex duodecim qui dicitur Didymus non erat cum eis quando venit Iesus
Jo 20.25
dixerunt ergo ei alii discipuli vidimus Dominum ille autem dixit eis nisi videro in manibus eius figuram clavorum et mittam digitum meum in locum clavorum et mittam manum meam in latus eius non credam
Jo 20.26
et post dies octo iterum erant discipuli eius intus et Thomas cum eis venit Iesus ianuis clausis et stetit in medio et dixit pax vobis
Jo 20.27
deinde dicit Thomae infer digitum tuum huc et vide manus meas et adfer manum tuam et mitte in latus meum et noli esse incredulus sed fidelis
Jo 20.28
respondit Thomas et dixit ei Dominus meus et Deus meus
Jo 20.29
dicit ei Iesus quia vidisti me credidisti beati qui non viderunt et crediderunt
Jo 20.30
multa quidem et alia signa fecit Iesus in conspectu discipulorum suorum quae non sunt scripta in libro hoc
Jo 20.31
haec autem scripta sunt ut credatis quia Iesus est Christus Filius Dei et ut credentes vitam habeatis in nomine eius

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages