Lc 4

Teljes szövegű keresés

Lc 4
Lc 4.1
Iesus autem plenus Spiritu Sancto regressus est ab Iordane et agebatur in Spiritu in desertum
Lc 4.2
diebus quadraginta
Lc 4.3
et temptabatur a diabolo et nihil manducavit in diebus illis et consummatis illis esuriit
Lc 4.4
dixit autem illi diabolus si Filius Dei es dic lapidi huic ut panis fiat
Lc 4.5
et respondit ad illum Iesus scriptum est quia non in pane solo vivet homo sed in omni verbo Dei
Lc 4.6
et duxit illum diabolus et ostendit illi omnia regna orbis terrae in momento temporis
Lc 4.7
et ait ei tibi dabo potestatem hanc universam et gloriam illorum quia mihi tradita sunt et cui volo do illa
Lc 4.8
tu ergo si adoraveris coram me erunt tua omnia
Lc 4.9
et respondens Iesus dixit illi scriptum est Dominum Deum tuum adorabis et illi soli servies
Lc 4.10
et duxit illum in Hierusalem et statuit eum supra pinnam templi et dixit illi si Filius Dei es mitte te hinc deorsum
Lc 4.11
scriptum est enim quod angelis suis mandabit de te ut conservent te
Lc 4.12
et quia in manibus tollent te ne forte offendas ad lapidem pedem tuum
Lc 4.13
et respondens Iesus ait illi dictum est non temptabis Dominum Deum tuum
Lc 4.14
et consummata omni temptatione diabolus recessit ab illo usque ad tempus
Lc 4.15
et regressus est Iesus in virtute Spiritus in Galilaeam et fama exiit per universam regionem de illo
Lc 4.16
et ipse docebat in synagogis eorum et magnificabatur ab omnibus
Lc 4.17
et venit Nazareth ubi erat nutritus et intravit secundum consuetudinem suam die sabbati in synagogam et surrexit legere
Lc 4.18
et traditus est illi liber prophetae Esaiae et ut revolvit librum invenit locum ubi scriptum erat
Lc 4.19
Spiritus Domini super me propter quod unxit me evangelizare pauperibus misit me
Lc 4.20
praedicare captivis remissionem et caecis visum dimittere confractos in remissionem praedicare annum Domini acceptum et diem retributionis
Lc 4.21
et cum plicuisset librum reddidit ministro et sedit et omnium in synagoga oculi erant intendentes in eum
Lc 4.22
coepit autem dicere ad illos quia hodie impleta est haec scriptura in auribus vestris
Lc 4.23
et omnes testimonium illi dabant et mirabantur in verbis gratiae quae procedebant de ore ipsius et dicebant nonne hic filius est Ioseph
Lc 4.24
et ait illis utique dicetis mihi hanc similitudinem medice cura te ipsum quanta audivimus facta in Capharnaum fac et hic in patria tua
Lc 4.25
ait autem amen dico vobis quia nemo propheta acceptus est in patria sua
Lc 4.26
in veritate dico vobis multae viduae erant in diebus Heliae in Israhel quando clusum est caelum annis tribus et mensibus sex cum facta est fames magna in omni terra
Lc 4.27
et ad nullam illarum missus est Helias nisi in Sareptha Sidoniae ad mulierem viduam
Lc 4.28
et multi leprosi erant in Israhel sub Heliseo propheta et nemo eorum mundatus est nisi Neman Syrus
Lc 4.29
et repleti sunt omnes in synagoga ira haec audientes
Lc 4.30
et surrexerunt et eiecerunt illum extra civitatem et duxerunt illum usque ad supercilium montis supra quem civitas illorum erat aedificata ut praecipitarent eum
Lc 4.31
ipse autem transiens per medium illorum ibat
Lc 4.32
et descendit in Capharnaum civitatem Galilaeae ibique docebat illos sabbatis
Lc 4.33
et stupebant in doctrina eius quia in potestate erat sermo ipsius
Lc 4.34
et in synagoga erat homo habens daemonium inmundum et exclamavit voce magna
Lc 4.35
dicens sine quid nobis et tibi Iesu Nazarene venisti perdere nos scio te qui sis Sanctus Dei
Lc 4.36
et increpavit illi Iesus dicens obmutesce et exi ab illo et cum proiecisset illum daemonium in medium exiit ab illo nihilque illum nocuit
Lc 4.37
et factus est pavor in omnibus et conloquebantur ad invicem dicentes quod est hoc verbum quia in potestate et virtute imperat inmundis spiritibus et exeunt
Lc 4.38
et divulgabatur fama de illo in omnem locum regionis
Lc 4.39
surgens autem de synagoga introivit in domum Simonis socrus autem Simonis tenebatur magnis febribus et rogaverunt illum pro ea
Lc 4.40
et stans super illam imperavit febri et dimisit illam et continuo surgens ministrabat illis
Lc 4.41
cum sol autem occidisset omnes qui habebant infirmos variis languoribus ducebant illos ad eum at ille singulis manus inponens curabat eos
Lc 4.42
exiebant autem etiam daemonia a multis clamantia et dicentia quia tu es Filius Dei et increpans non sinebat ea loqui quia sciebant ipsum esse Christum
Lc 4.43
facta autem die egressus ibat in desertum locum et turbae requirebant eum et venerunt usque ad ipsum et detinebant illum ne discederet ab eis
Lc 4.44
quibus ille ait quia et aliis civitatibus oportet me evangelizare regnum Dei quia ideo missus sum
Lc 4.45
et erat praedicans in synagogis Galilaeae

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages