Mc 9

Teljes szövegű keresés

Mc 9
Mc 9.1
et post dies sex adsumit Iesus Petrum et Iacobum et Iohannem et ducit illos in montem excelsum seorsum solos et transfiguratus est coram ipsis
Mc 9.2
et vestimenta eius facta sunt splendentia candida nimis velut nix qualia fullo super terram non potest candida facere
Mc 9.3
et apparuit illis Helias cum Mose et erant loquentes cum Iesu
Mc 9.4
et respondens Petrus ait Iesu rabbi bonum est hic nos esse et faciamus tria tabernacula tibi unum et Mosi unum et Heliae unum
Mc 9.5
non enim sciebat quid diceret erant enim timore exterriti
Mc 9.6
et facta est nubes obumbrans eos et venit vox de nube dicens hic est Filius meus carissimus audite illum
Mc 9.7
et statim circumspicientes neminem amplius viderunt nisi Iesum tantum secum
Mc 9.8
et descendentibus illis de monte praecepit illis ne cui quae vidissent narrarent nisi cum Filius hominis a mortuis resurrexerit
Mc 9.9
et verbum continuerunt apud se conquirentes quid esset cum a mortuis resurrexerit
Mc 9.10
et interrogabant eum dicentes quid ergo dicunt Pharisaei et scribae quia Heliam oporteat venire primum
Mc 9.11
qui respondens ait illis Helias cum venerit primo restituet omnia et quomodo scriptum est in Filium hominis ut multa patiatur et contemnatur
Mc 9.12
sed dico vobis quia et Helias venit et fecerunt illi quaecumque voluerunt sicut scriptum est de eo
Mc 9.13
et veniens ad discipulos suos vidit turbam magnam circa eos et scribas conquirentes cum illis
Mc 9.14
et confestim omnis populus videns eum stupefactus est et adcurrentes salutabant eum
Mc 9.15
et interrogavit eos quid inter vos conquiritis
Mc 9.16
et respondens unus de turba dixit magister adtuli filium meum ad te habentem spiritum mutum
Mc 9.17
qui ubicumque eum adprehenderit adlidit eum et spumat et stridet dentibus et arescit et dixi discipulis tuis ut eicerent illum et non potuerunt
Mc 9.18
qui respondens eis dicit o generatio incredula quamdiu apud vos ero quamdiu vos patiar adferte illum ad me
Mc 9.19
et adtulerunt eum et cum vidisset illum statim spiritus conturbavit eum et elisus in terram volutabatur spumans
Mc 9.20
et interrogavit patrem eius quantum temporis est ex quo hoc ei accidit at ille ait ab infantia
Mc 9.21
et frequenter eum et in ignem et in aquas misit ut eum perderet sed si quid potes adiuva nos misertus nostri
Mc 9.22
Iesus autem ait illi si potes credere omnia possibilia credenti
Mc 9.23
et continuo exclamans pater pueri cum lacrimis aiebat credo adiuva incredulitatem meam
Mc 9.24
et cum videret Iesus concurrentem turbam comminatus est spiritui inmundo dicens illi surde et mute spiritus ego tibi praecipio exi ab eo et amplius ne introeas in eum
Mc 9.25
et clamans et multum discerpens eum exiit ab eo et factus est sicut mortuus ita ut multi dicerent quia mortuus est
Mc 9.26
Iesus autem tenens manum eius elevavit illum et surrexit
Mc 9.27
et cum introisset in domum discipuli eius secreto interrogabant eum quare nos non potuimus eicere eum
Mc 9.28
et dixit illis hoc genus in nullo potest exire nisi in oratione et ieiunio
Mc 9.29
et inde profecti praetergrediebantur Galilaeam nec volebat quemquam scire
Mc 9.30
docebat autem discipulos suos et dicebat illis quoniam Filius hominis tradetur in manus hominum et occident eum et occisus tertia die resurget
Mc 9.31
at illi ignorabant verbum et timebant eum interrogare
Mc 9.32
et venerunt Capharnaum qui cum domi esset interrogabat eos quid in via tractabatis
Mc 9.33
at illi tacebant siquidem inter se in via disputaverant quis esset illorum maior
Mc 9.34
et residens vocavit duodecim et ait illis si quis vult primus esse erit omnium novissimus et omnium minister
Mc 9.35
et accipiens puerum statuit eum in medio eorum quem cum conplexus esset ait illis
Mc 9.36
quisquis unum ex huiusmodi pueris receperit in nomine meo me recipit et quicumque me susceperit non me suscipit sed eum qui me misit
Mc 9.37
respondit illi Iohannes dicens magister vidimus quendam in nomine tuo eicientem daemonia qui non sequitur nos et prohibuimus eum
Mc 9.38
Iesus autem ait nolite prohibere eum nemo est enim qui faciat virtutem in nomine meo et possit cito male loqui de me
Mc 9.39
qui enim non est adversum vos pro vobis est
Mc 9.40
quisquis enim potum dederit vobis calicem aquae in nomine meo quia Christi estis amen dico vobis non perdet mercedem suam
Mc 9.41
et quisquis scandalizaverit unum ex his pusillis credentibus in me bonum est ei magis si circumdaretur mola asinaria collo eius et in mare mitteretur
Mc 9.42
et si scandalizaverit te manus tua abscide illam bonum est tibi debilem introire in vitam quam duas manus habentem ire in gehennam in ignem inextinguibilem
Mc 9.43
ubi vermis eorum non moritur et ignis non extinguitur
Mc 9.44
et si pes tuus te scandalizat amputa illum bonum est tibi claudum introire in vitam aeternam quam duos pedes habentem mitti in gehennam ignis inextinguibilis
Mc 9.45
ubi vermis eorum non moritur et ignis non extinguitur
Mc 9.46
quod si oculus tuus scandalizat te eice eum bonum est tibi luscum introire in regnum Dei quam duos oculos habentem mitti in gehennam ignis
Mc 9.47
ubi vermis eorum non moritur et ignis non extinguitur
Mc 9.48
omnis enim igne sallietur et omnis victima sallietur
Mc 9.49
bonum est sal quod si sal insulsum fuerit in quo illud condietis habete in vobis sal et pacem habete inter vos

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages