Mc 7

Teljes szövegű keresés

Mc 7
Mc 7.1
et conveniunt ad eum Pharisaei et quidam de scribis venientes ab Hierosolymis
Mc 7.2
et cum vidissent quosdam ex discipulis eius communibus manibus id est non lotis manducare panes vituperaverunt
Mc 7.3
Pharisaei enim et omnes Iudaei nisi crebro lavent manus non manducant tenentes traditionem seniorum
Mc 7.4
et a foro nisi baptizentur non comedunt et alia multa sunt quae tradita sunt illis servare baptismata calicum et urceorum et aeramentorum et lectorum
Mc 7.5
et interrogant eum Pharisaei et scribae quare discipuli tui non ambulant iuxta traditionem seniorum sed communibus manibus manducant panem
Mc 7.6
at ille respondens dixit eis bene prophetavit Esaias de vobis hypocritis sicut scriptum est populus hic labiis me honorat cor autem eorum longe est a me
Mc 7.7
in vanum autem me colunt docentes doctrinas praecepta hominum
Mc 7.8
relinquentes enim mandatum Dei tenetis traditionem hominum baptismata urceorum et calicum et alia similia his facitis multa
Mc 7.9
et dicebat illis bene irritum facitis praeceptum Dei ut traditionem vestram servetis
Mc 7.10
Moses enim dixit honora patrem tuum et matrem tuam et qui maledixerit patri aut matri morte moriatur
Mc 7.11
vos autem dicitis si dixerit homo patri aut matri corban quod est donum quodcumque ex me tibi profuerit
Mc 7.12
et ultra non dimittitis eum quicquam facere patri suo aut matri
Mc 7.13
rescindentes verbum Dei per traditionem vestram quam tradidistis et similia huiusmodi multa facitis
Mc 7.14
et advocans iterum turbam dicebat illis audite me omnes et intellegite
Mc 7.15
nihil est extra hominem introiens in eum quod possit eum coinquinare sed quae de homine procedunt illa sunt quae communicant hominem
Mc 7.16
si quis habet aures audiendi audiat
Mc 7.17
et cum introisset in domum a turba interrogabant eum discipuli eius parabolam
Mc 7.18
et ait illis sic et vos inprudentes estis non intellegitis quia omne extrinsecus introiens in hominem non potest eum communicare
Mc 7.19
quia non introit in cor eius sed in ventrem et in secessum exit purgans omnes escas
Mc 7.20
dicebat autem quoniam quae de homine exeunt illa communicant hominem
Mc 7.21
ab intus enim de corde hominum cogitationes malae procedunt adulteria fornicationes homicidia
Mc 7.22
furta avaritiae nequitiae dolus inpudicitia oculus malus blasphemia superbia stultitia
Mc 7.23
omnia haec mala ab intus procedunt et communicant hominem
Mc 7.24
et inde surgens abiit in fines Tyri et Sidonis et ingressus domum neminem voluit scire et non potuit latere
Mc 7.25
mulier enim statim ut audivit de eo cuius habebat filia spiritum inmundum intravit et procidit ad pedes eius
Mc 7.26
erat autem mulier gentilis Syrophoenissa genere et rogabat eum ut daemonium eiceret de filia eius
Mc 7.27
qui dixit illi sine prius saturari filios non est enim bonum sumere panem filiorum et mittere canibus
Mc 7.28
at illa respondit et dicit ei utique Domine nam et catelli sub mensa comedunt de micis puerorum
Mc 7.29
et ait illi propter hunc sermonem vade exiit daemonium de filia tua
Mc 7.30
et cum abisset domum suam invenit puellam iacentem supra lectum et daemonium exisse
Mc 7.31
et iterum exiens de finibus Tyri venit per Sidonem ad mare Galilaeae inter medios fines Decapoleos
Mc 7.32
et adducunt ei surdum et mutum et deprecantur eum ut inponat illi manum
Mc 7.33
et adprehendens eum de turba seorsum misit digitos suos in auriculas et expuens tetigit linguam eius
Mc 7.34
et suspiciens in caelum ingemuit et ait illi eppheta quod est adaperire
Mc 7.35
et statim apertae sunt aures eius et solutum est vinculum linguae eius et loquebatur recte
Mc 7.36
et praecepit illis ne cui dicerent quanto autem eis praecipiebat tanto magis plus praedicabant
Mc 7.37
et eo amplius admirabantur dicentes bene omnia fecit et surdos facit audire et mutos loqui

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages