Mc 5

Teljes szövegű keresés

Mc 5
Mc 5.1
et venerunt trans fretum maris in regionem Gerasenorum
Mc 5.2
et exeunti ei de navi statim occurrit ei de monumentis homo in spiritu inmundo
Mc 5.3
qui domicilium habebat in monumentis et neque catenis iam quisquam eum poterat ligare
Mc 5.4
quoniam saepe conpedibus et catenis vinctus disrupisset catenas et conpedes comminuisset et nemo poterat eum domare
Mc 5.5
et semper nocte ac die in monumentis et in montibus erat clamans et concidens se lapidibus
Mc 5.6
videns autem Iesum a longe cucurrit et adoravit eum
Mc 5.7
et clamans voce magna dicit quid mihi et tibi Iesu Fili Dei summi adiuro te per Deum ne me torqueas
Mc 5.8
dicebat enim illi exi spiritus inmunde ab homine
Mc 5.9
et interrogabat eum quod tibi nomen est et dicit ei Legio nomen mihi est quia multi sumus
Mc 5.10
et deprecabatur eum multum ne se expelleret extra regionem
Mc 5.11
erat autem ibi circa montem grex porcorum magnus pascens
Mc 5.12
et deprecabantur eum spiritus dicentes mitte nos in porcos ut in eos introeamus
Mc 5.13
et concessit eis statim Iesus et exeuntes spiritus inmundi introierunt in porcos et magno impetu grex praecipitatus est in mare ad duo milia et suffocati sunt in mare
Mc 5.14
qui autem pascebant eos fugerunt et nuntiaverunt in civitatem et in agros et egressi sunt videre quid esset facti
Mc 5.15
et veniunt ad Iesum et vident illum qui a daemonio vexabatur sedentem vestitum et sanae mentis et timuerunt
Mc 5.16
et narraverunt illis qui viderant qualiter factum esset ei qui daemonium habuerat et de porcis
Mc 5.17
et rogare eum coeperunt ut discederet de finibus eorum
Mc 5.18
cumque ascenderet navem coepit illum deprecari qui daemonio vexatus fuerat ut esset cum illo
Mc 5.19
et non admisit eum sed ait illi vade in domum tuam ad tuos et adnuntia illis quanta tibi Dominus fecerit et misertus sit tui
Mc 5.20
et abiit et coepit praedicare in Decapoli quanta sibi fecisset Iesus et omnes mirabantur
Mc 5.21
et cum transcendisset Iesus in navi rursus trans fretum convenit turba multa ad illum et erat circa mare
Mc 5.22
et venit quidam de archisynagogis nomine Iairus et videns eum procidit ad pedes eius
Mc 5.23
et deprecabatur eum multum dicens quoniam filia mea in extremis est veni inpone manus super eam ut salva sit et vivat
Mc 5.24
et abiit cum illo et sequebatur eum turba multa et conprimebant illum
Mc 5.25
et mulier quae erat in profluvio sanguinis annis duodecim
Mc 5.26
et fuerat multa perpessa a conpluribus medicis et erogaverat omnia sua nec quicquam profecerat sed magis deterius habebat
Mc 5.27
cum audisset de Iesu venit in turba retro et tetigit vestimentum eius
Mc 5.28
dicebat enim quia si vel vestimentum eius tetigero salva ero
Mc 5.29
et confestim siccatus est fons sanguinis eius et sensit corpore quod sanata esset a plaga
Mc 5.30
et statim Iesus cognoscens in semet ipso virtutem quae exierat de eo conversus ad turbam aiebat quis tetigit vestimenta mea
Mc 5.31
et dicebant ei discipuli sui vides turbam conprimentem te et dicis quis me tetigit
Mc 5.32
et circumspiciebat videre eam quae hoc fecerat
Mc 5.33
mulier autem timens et tremens sciens quod factum esset in se venit et procidit ante eum et dixit ei omnem veritatem
Mc 5.34
ille autem dixit ei filia fides tua te salvam fecit vade in pace et esto sana a plaga tua
Mc 5.35
adhuc eo loquente veniunt ab archisynagogo dicentes quia filia tua mortua est quid ultra vexas magistrum
Mc 5.36
Iesus autem verbo quod dicebatur audito ait archisynagogo noli timere tantummodo crede
Mc 5.37
et non admisit quemquam sequi se nisi Petrum et Iacobum et Iohannem fratrem Iacobi
Mc 5.38
et veniunt in domum archisynagogi et videt tumultum et flentes et heiulantes multum
Mc 5.39
et ingressus ait eis quid turbamini et ploratis puella non est mortua sed dormit
Mc 5.40
et inridebant eum ipse vero eiectis omnibus adsumit patrem et matrem puellae et qui secum erant et ingreditur ubi erat puella iacens
Mc 5.41
et tenens manum puellae ait illi talitha cumi quod est interpretatum puella tibi dico surge
Mc 5.42
et confestim surrexit puella et ambulabat erat autem annorum duodecim et obstipuerunt stupore maximo
Mc 5.43
et praecepit illis vehementer ut nemo id sciret et dixit dari illi manducare

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages