Mc 4

Teljes szövegű keresés

Mc 4
Mc 4.1
et iterum coepit docere ad mare et congregata est ad eum turba multa ita ut in navem ascendens sederet in mari et omnis turba circa mare super terram erat
Mc 4.2
et docebat eos in parabolis multa et dicebat illis in doctrina sua
Mc 4.3
audite ecce exiit seminans ad seminandum
Mc 4.4
et dum seminat aliud cecidit circa viam et venerunt volucres et comederunt illud
Mc 4.5
aliud vero cecidit super petrosa ubi non habuit terram multam et statim exortum est quoniam non habebat altitudinem terrae
Mc 4.6
et quando exortus est sol exaestuavit et eo quod non haberet radicem exaruit
Mc 4.7
et aliud cecidit in spinas et ascenderunt spinae et offocaverunt illud et fructum non dedit
Mc 4.8
et aliud cecidit in terram bonam et dabat fructum ascendentem et crescentem et adferebat unum triginta et unum sexaginta et unum centum
Mc 4.9
et dicebat qui habet aures audiendi audiat
Mc 4.10
et cum esset singularis interrogaverunt eum hii qui cum eo erant cum duodecim parabolas
Mc 4.11
et dicebat eis vobis datum est mysterium regni Dei illis autem qui foris sunt in parabolis omnia fiunt
Mc 4.12
ut videntes videant et non videant et audientes audiant et non intellegant nequando convertantur et dimittantur eis peccata
Mc 4.13
et ait illis nescitis parabolam hanc et quomodo omnes parabolas cognoscetis
Mc 4.14
qui seminat verbum seminat
Mc 4.15
hii autem sunt qui circa viam ubi seminatur verbum et cum audierint confestim venit Satanas et aufert verbum quod seminatum est in corda eorum
Mc 4.16
et hii sunt similiter qui super petrosa seminantur qui cum audierint verbum statim cum gaudio accipiunt illud
Mc 4.17
et non habent radicem in se sed temporales sunt deinde orta tribulatione et persecutione propter verbum confestim scandalizantur
Mc 4.18
et alii sunt qui in spinis seminantur hii sunt qui verbum audiunt
Mc 4.19
et aerumnae saeculi et deceptio divitiarum et circa reliqua concupiscentiae introeuntes suffocant verbum et sine fructu efficitur
Mc 4.20
et hii sunt qui super terram bonam seminati sunt qui audiunt verbum et suscipiunt et fructificant unum triginta et unum sexaginta et unum centum
Mc 4.21
et dicebat illis numquid venit lucerna ut sub modio ponatur aut sub lecto nonne ut super candelabrum ponatur
Mc 4.22
non enim est aliquid absconditum quod non manifestetur nec factum est occultum sed ut in palam veniat
Mc 4.23
si quis habet aures audiendi audiat
Mc 4.24
et dicebat illis videte quid audiatis in qua mensura mensi fueritis remetietur vobis et adicietur vobis
Mc 4.25
qui enim habet dabitur illi et qui non habet etiam quod habet auferetur ab illo
Mc 4.26
et dicebat sic est regnum Dei quemadmodum si homo iaciat sementem in terram
Mc 4.27
et dormiat et exsurgat nocte ac die et semen germinet et increscat dum nescit ille
Mc 4.28
ultro enim terra fructificat primum herbam deinde spicam deinde plenum frumentum in spica
Mc 4.29
et cum se produxerit fructus statim mittit falcem quoniam adest messis
Mc 4.30
et dicebat cui adsimilabimus regnum Dei aut cui parabolae conparabimus illud
Mc 4.31
sicut granum sinapis quod cum seminatum fuerit in terra minus est omnibus seminibus quae sunt in terra
Mc 4.32
et cum seminatum fuerit ascendit et fit maius omnibus holeribus et facit ramos magnos ita ut possint sub umbra eius aves caeli habitare
Mc 4.33
et talibus multis parabolis loquebatur eis verbum prout poterant audire
Mc 4.34
sine parabola autem non loquebatur eis seorsum autem discipulis suis disserebat omnia
Mc 4.35
et ait illis illa die cum sero esset factum transeamus contra
Mc 4.36
et dimittentes turbam adsumunt eum ita ut erat in navi et aliae naves erant cum illo
Mc 4.37
et facta est procella magna venti et fluctus mittebat in navem ita ut impleretur navis
Mc 4.38
et erat ipse in puppi supra cervical dormiens et excitant eum et dicunt ei magister non ad te pertinet quia perimus
Mc 4.39
et exsurgens comminatus est vento et dixit mari tace obmutesce et cessavit ventus et facta est tranquillitas magna
Mc 4.40
et ait illis quid timidi estis necdum habetis fidem et timuerunt magno timore et dicebant ad alterutrum quis putas est iste quia et ventus et mare oboediunt ei

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages