Mc 16

Teljes szövegű keresés

Mc 16
Mc 16.1
et cum transisset sabbatum Maria Magdalene et Maria Iacobi et Salome emerunt aromata ut venientes unguerent eum
Mc 16.2
et valde mane una sabbatorum veniunt ad monumentum orto iam sole
Mc 16.3
et dicebant ad invicem quis revolvet nobis lapidem ab ostio monumenti
Mc 16.4
et respicientes vident revolutum lapidem erat quippe magnus valde
Mc 16.5
et introeuntes in monumento viderunt iuvenem sedentem in dextris coopertum stola candida et obstipuerunt
Mc 16.6
qui dicit illis nolite expavescere Iesum quaeritis Nazarenum crucifixum surrexit non est hic ecce locus ubi posuerunt eum
Mc 16.7
sed ite et dicite discipulis eius et Petro quia praecedit vos in Galilaeam ibi eum videbitis sicut dixit vobis
Mc 16.8
at illae exeuntes fugerunt de monumento invaserat enim eas tremor et pavor et nemini quicquam dixerunt timebant enim
Mc 16.9
surgens autem mane prima sabbati apparuit primo Mariae Magdalenae de qua eiecerat septem daemonia
Mc 16.10
illa vadens nuntiavit his qui cum eo fuerant lugentibus et flentibus
Mc 16.11
et illi audientes quia viveret et visus esset ab ea non crediderunt
Mc 16.12
post haec autem duobus ex eis ambulantibus ostensus est in alia effigie euntibus in villam
Mc 16.13
et illi euntes nuntiaverunt ceteris nec illis crediderunt
Mc 16.14
novissime recumbentibus illis undecim apparuit et exprobravit incredulitatem illorum et duritiam cordis quia his qui viderant eum resurrexisse non crediderant
Mc 16.15
et dixit eis euntes in mundum universum praedicate evangelium omni creaturae
Mc 16.16
qui crediderit et baptizatus fuerit salvus erit qui vero non crediderit condemnabitur
Mc 16.17
signa autem eos qui crediderint haec sequentur in nomine meo daemonia eicient linguis loquentur novis
Mc 16.18
serpentes tollent et si mortiferum quid biberint non eos nocebit super aegrotos manus inponent et bene habebunt
Mc 16.19
et Dominus quidem postquam locutus est eis adsumptus est in caelum et sedit a dextris Dei
Mc 16.20
illi autem profecti praedicaverunt ubique Domino cooperante et sermonem confirmante sequentibus signis

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages