Ez 11

Teljes szövegű keresés

Ez 11
Ez 11.1
et elevavit me spiritus et introduxit me ad portam domus Domini orientalem quae respicit solis ortum et ecce in introitu portae viginti quinque viri et vidi in medio eorum Hiezoniam filium Azur et Pheltiam filium Banaiae principes populi
Ez 11.2
dixitque ad me fili hominis hii viri qui cogitant iniquitatem et tractant consilium pessimum in urbe ista
Ez 11.3
dicentes nonne dudum aedificatae sunt domus haec est lebes nos autem carnes
Ez 11.4
idcirco vaticinare de eis vaticinare fili hominis
Ez 11.5
et inruit in me spiritus Domini et dixit ad me loquere haec dicit Dominus sic locuti estis domus Israhel et cogitationes cordis vestri ego novi
Ez 11.6
plurimos occidistis in urbe hac et implestis vias eius interfectis
Ez 11.7
propterea haec dicit Dominus Deus interfecti vestri quos posuistis in medio eius hii sunt carnes et haec est lebes et educam vos de medio eius
Ez 11.8
gladium metuistis et gladium inducam super vos ait Dominus Deus
Ez 11.9
et eiciam vos de medio eius daboque vos in manu hostium et faciam in vobis iudicia
Ez 11.10
gladio cadetis in finibus Israhel iudicabo vos et scietis quia ego Dominus
Ez 11.11
haec non erit vobis in lebetem et vos non eritis in medio eius in carnes in finibus Israhel iudicabo vos
Ez 11.12
et scietis quia ego Dominus qui in praeceptis meis non ambulastis et iudicia mea non fecistis sed iuxta iudicia gentium quae in circuitu vestro sunt estis operati
Ez 11.13
et factum est cum prophetarem Pheltias filius Banaiae mortuus est et cecidi in faciem meam clamans voce magna et dixi heu heu heu Domine Deus consummationem tu facis reliquiarum Israhel
Ez 11.14
et factum est verbum Domini ad me dicens
Ez 11.15
fili hominis fratres tui fratres tui viri propinqui tui et omnis domus Israhel universi quibus dixerunt habitatores Hierusalem longe recedite a Domino nobis data est terra in possessionem
Ez 11.16
propterea haec dicit Dominus Deus quia longe feci eos in gentibus et quia dispersi eos in terris ero eis in sanctificationem modicam in terris ad quas venerunt
Ez 11.17
propterea loquere haec dicit Dominus Deus congregabo vos de populis et adunabo de terris in quibus dispersi estis daboque vobis humum Israhel
Ez 11.18
et ingredientur illuc et auferent omnes offensiones cunctasque abominationes eius de illa
Ez 11.19
et dabo eis cor unum et spiritum novum tribuam in visceribus eorum et auferam cor lapideum de carne eorum et dabo eis cor carneum
Ez 11.20
ut in praeceptis meis ambulent et iudicia mea custodiant faciantque ea et sint mihi in populum et ego sim eis in Deum
Ez 11.21
quorum cor post offendicula et abominationes suas ambulat horum viam in capite suo ponam dicit Dominus Deus
Ez 11.22
et elevaverunt cherubin alas suas et rotae cum eis et gloria Dei Israhel erat super ea
Ez 11.23
et ascendit gloria Domini de medio civitatis stetitque super montem qui est ad orientem urbis
Ez 11.24
et spiritus levavit me adduxitque in Chaldeam ad transmigrationem in visione in spiritu Dei et sublata est a me visio quam videram
Ez 11.25
et locutus sum ad transmigrationem omnia verba Domini quae ostenderat mihi

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages