Eccl 42

Teljes szövegű keresés

Eccl 42
Eccl 42.1
non duplices sermonem auditus de revelatione sermonis absconditi et eris vere sine confusione et invenies gratiam in conspectu omnium hominum ne pro his omnibus confundaris et ne accipias personam ut delinquas
Eccl 42.2
de lege Altissimi et testamento et de iudicio iustificare impium
Eccl 42.3
de verbo sociorum et viatorum et de datione hereditatis amicorum
Eccl 42.4
de aequalitate staterae et ponderum et de adquisitione multorum et paucorum
Eccl 42.5
de correptione emptionis et negotiatorum et de multa disciplina filiorum servo pessimo latus sanguinare
Eccl 42.6
super mulierem nequam bonum est signum
Eccl 42.7
ubi manus multae sunt clude et quodcumque trades numera et adpende datum vero et acceptum omne describe
Eccl 42.8
de disciplina insensati et fatui et de senioribus qui iudicantur ab adulescentibus et eris eruditus in omnibus et probabilis in conspectu omnium virorum
Eccl 42.9
filia patri abscondita est vigilia et sollicitudo eius auferet somnum ne forte in adulescentia sua adultera efficiatur et commorata cum viro odibilis fiat
Eccl 42.10
nequando polluatur in virginitate sua et in paternis suis gravida inveniatur ne forte cum viro commorata transgrediatur aut certe sterilis efficiatur
Eccl 42.11
super filiam luxuriosam confirma custodiam nequando faciat te in obprobrium venire inimicis a detractatione in civitate et abiectione plebis et confundat te in multitudine populi
Eccl 42.12
omni homini noli intendere in specie et in medio mulierum noli commorari
Eccl 42.13
de vestimentis enim procedit tinea et a muliere iniquitas viri
Eccl 42.14
melior est iniquitas viri quam benefaciens mulier et mulier confundens in obprobrium
Eccl 42.15
memor ero igitur operum Domini et quae vidi adnuntiabo in sermonibus Domini opera eius
Eccl 42.16
sol inluminans per omnia respexit et gloria Domini plenum est opus eius
Eccl 42.17
nonne Dominus fecit sanctos enarrare omnia mirabilia sua quae confirmavit Dominus omnipotens stabiliri in gloria sua
Eccl 42.18
abyssum et cor hominum investigavit et in astutia illorum excogitavit
Eccl 42.19
cognovit enim Dominus omnem scientiam et inspexit in signum aevi adnuntians quae praeterierunt et quae superventura sunt revelans vestigia occultorum
Eccl 42.20
non praeterit illum omnis cogitatus et non abscondit se ab eo ullus sermo
Eccl 42.21
magnalia sapientiae suae decoravit qui est ante saeculum et usque in saeculum neque adiectum est
Eccl 42.22
neque minuitur et non eget alicuius consilio
Eccl 42.23
quam desiderabilia omnia opera eius et tamquam scintillam quam est considerare
Eccl 42.24
omnia haec vivent et manent in saeculum et in omni necessitate omnia obaudiunt ei
Eccl 42.25
omnia duplicia unum contra unum et non fecit quicquam deesse
Eccl 42.26
uniuscuiusque confirmavit bona et quis satiabitur videns gloriam eius

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages