Eccl 34

Teljes szövegű keresés

Eccl 34
Eccl 34.1
vana spes et mendacium insensato viro et somnia extollunt inprudentes
Eccl 34.2
quasi qui adprehendit umbram et persequitur ventum sic et qui adtendit ad visa mendacia
Eccl 34.3
hoc secundum hoc visio somniorum ante faciem hominis similitudo hominis
Eccl 34.4
ab inmundo quid mundabitur et a mendace quid verum dicetur
Eccl 34.5
divinatio erroris et auguria mendacia et somnia malefacientium vanitas est
Eccl 34.6
et sicut parturientis cor tuum fantasiam patitur nisi ab Altissimo fuerit emissa visitatio ne dederis in illis cor tuum
Eccl 34.7
multos enim errare fecerunt somnia et exciderunt sperantes in illis
Eccl 34.8
sine mendacio consummabitur verbum et sapientia in ore fidelis conplanabitur
Eccl 34.9
qui non temptatus est quid scit vir in multis expertus cogitavit multa et qui multa didicit enarrabit intellectum
Eccl 34.10
qui non est expertus pauca recognoscit qui autem in multis factus est multiplicabit malitiam
Eccl 34.
11
Eccl 34.12
multa vidi errando et plurimas verborum consuetudines
Eccl 34.13
aliquotiens usque ad mortem periclitatus sum horum causa et liberatus sum gratia Dei
Eccl 34.14
spiritus timentium Deum quaeretur et in respectu illius benedicentur
Eccl 34.15
spes enim illorum in salvantem illos et oculi Dei in diligentes se
Eccl 34.16
qui timet Dominum nihil trepidabit et non pavebit quoniam ipse est spes eius
Eccl 34.17
timentis Dominum beata est anima eius
Eccl 34.18
ad quem respicit et quis est fortitudo eius
Eccl 34.19
oculi Domini super timentes eum protector potentiae firmamentum virtutis tegimen ardoris et umbraculum meridiani
Eccl 34.20
et precatio offensionis et adiutorium casus exaltans animam et inluminans oculos dans sanitatem vitam et benedictionem
Eccl 34.21
immolans ex iniquo oblatio est maculata et non sunt beneplacitae subsannationes iniustorum
Eccl 34.22
Dominus solus sustinentibus se in via veritatis et iustitiae
Eccl 34.23
dona iniquorum non probat Altissimus in oblationibus iniquorum nec in multitudine sacrificiorum eorum propitiabitur peccatis
Eccl 34.24
qui offert sacrificium ex substantia pauperum quasi qui victimat filium in conspectu patris sui
Eccl 34.25
panis egentium vita pauperis est qui defraudat illum homo sanguinis
Eccl 34.26
qui aufert in sudore panem quasi qui occidit proximum suum
Eccl 34.27
qui effundit sanguinem et qui fraudem facit mercedem mercennario
Eccl 34.28
unus aedificans et unus destruens quid prodest illis nisi labor
Eccl 34.29
unus orans et unus maledicens cuius vocem exaudiet Deus
Eccl 34.30
qui baptizatur a mortuo et iterum tangit illum quid proficit lavatione illius
Eccl 34.31
sic homo qui ieiunat in peccatis suis et iterum eadem faciens quid proficit humiliando se orationem illius quis exaudiet

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages