Eccl 28

Teljes szövegű keresés

Eccl 28
Eccl 28.1
qui vindicari vult a Deo inveniet vindictam et peccata illius servans servabit
Eccl 28.2
relinque proximo tuo nocenti te et tunc deprecanti tibi peccata solventur
Eccl 28.3
homo homini servat iram et a Deo quaerit medellam
Eccl 28.4
et in hominem similem sibi non habet misericordiam et de peccatis suis deprecatur
Eccl 28.5
ipse dum caro sit reservat iram et propitiationem petit a Deo quis exorabit pro delictis illius
Eccl 28.6
memento novissimorum et desine inimicari
Eccl 28.7
tabitudo enim et mors inminet in mandatis
Eccl 28.8
memorare timorem Dei et non irascaris proximo
Eccl 28.9
memorare testamenti Altissimi et despice ignorantiam proximi
Eccl 28.10
abstine te a lite et minues peccata
Eccl 28.11
homo enim iracundus incendit litem et vir peccator turbabit amicos et in medium pacem habentium inmittit inimicitiam
Eccl 28.12
secundum enim ligna silvae sic ignis exardescit et secundum virtutem hominis iracundia illius erit et secundum substantiam suam exaltabit iram suam
Eccl 28.13
certamen festinatum incendit ignem et lis festinans effundit sanguinem et lingua testificans adducit mortem
Eccl 28.14
si sufflaveris quasi ignis exardebit et si expueris super illam extinguetur utraque ex ore proficiscuntur
Eccl 28.15
susurrio et bilinguis maledictus multos enim turbavit pacem habentes
Eccl 28.16
lingua tertia multos commovit et dispersit illos a gente in gentem
Eccl 28.17
civitates muratas divitum destruxit et domos magnatorum effodit
Eccl 28.18
virtutes populorum concidit et gentes fortes dissolvit
Eccl 28.19
lingua tertia mulieres viritas eiecit et privavit illas laboribus suis
Eccl 28.20
qui respicit illam non habebit requiem nec habitabit cum requie
Eccl 28.21
flagelli plaga livorem facit plaga autem linguae comminuet ossa
Eccl 28.22
multi ceciderunt in ore gladii sed non sic quasi qui interierunt per linguam suam
Eccl 28.23
beatus qui tectus est a lingua nequa qui in iracundia illius non transivit et qui non adtraxit iugum eius et in vinculis illius non est ligatus
Eccl 28.24
iugum enim illius iugum ferreum est et vinculum illius vinculum aereum est
Eccl 28.25
mors illius mors nequissima et utilis potius inferus quam illa
Eccl 28.26
perseverantia illius non permanebit sed obtinebit vias iniustorum et in flamma sua non conburet iustos
Eccl 28.27
qui derelinquunt Deum incident in illam et exardebit in illis et non extinguetur et inmittetur in illos quasi leo et quasi pardus laedebit illos
Eccl 28.28
sepi aures tuas spinis et noli audire linguam nequam et ori tuo facito ostia et seras
Eccl 28.29
aurum tuum et argentum confla et verbis tuis facito stateram et frenos ori tuo rectos
Eccl 28.30
et adtende ne forte labaris in lingua et cadas in conspectu inimicorum insidiantium tibi et sit casus tuus insanabilis in mortem

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages